Забава
Селена Гомез постојано плаче и се плаши за својата земја

Во есејот што го напиша за „Тајм“, 27-годишната Селена Гомез ги откри својата приватна борба и приказната за членовите на нејзиното семејство кои дошле во Америка без потребните документи, како и дека фактот што има мексикански гени ја инспирирал во нејзината нова улога – улогата на извршен продуцент на новиот документарен филм на „Нетфликс“ – Living Undocumented.
„Да се живее без хартија е нешто за кое размислувам секој ден и никогаш не заборавам колку сум благословена што сум родена во оваа земја благодарение на моето семејство и на ѕвездите што така се наместиле“, напиша Селена Гомез во есејот објаснувајќи како тетка ѝ била прва во семејството што ја преминала границата на Мексико и Америка во 70-тите години возејќи се во задниот дел на камионот.
„Моите баба и дедо тргнаа по нејзините стапки, а татко ми се роди во Тексас набргу после тоа“. Пејачката и актерка додаде дека благодарение на храброста и одрекувањето на семејството, таа се родила како американски државјанин.
Селена Гомез е свесна дека нејзината приказна не е невообичаена, но снимките што ќе бидат објавени во Living Undocumented ја расплакале.
„Кога читам наслови, слушам што се зборува за имиграцијата, ги следам на социјалните мрежи, се плашам за сите оние што се наоѓаат во слична ситуација. Се плашам за мојата земја“, рече Селена Гомез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Вистинска дама изгледа како Скарлет Јохансон

Скарлет Јохансон неодамна се појави во The Late Show со Стивен Колбер. Љубопитните фотографи ја фотографираа на улиците на Њујорк, пред студиото, а за таа пригода таа одлучи да облече дамска креација.
Дамската облека се карактеризира со отсуство на кич детали, минималистички крој, црн фустан и високи потпетици. Стилот на познатата русокоса ги содржеше сите горенаведени карактеристики и се квалификува за терминот дамско издание.
Скарлет носеше црн макси фустан со рамен крој, што ја истакнуваше нејзината завидна фигура, а впечатлив беше и преголемиот ремен што ја нагласуваше нејзината половина.
Стилот го надополни со златни додатоци, шминка во земјени тонови и впечатлив црвен кармин, како и рамна коса.
фото: принтскрин
Забава
(Фото) Леонардо ди Каприо, конечно, го покажа лицето и сите се прашуваат – што му се случува?

Леонардо ди Каприо во последните неколку дена работи на промовирање на својот филм One Battle After Another, а неговото неодамнешно појавување во Њујорк го привлече вниманието на јавноста.
Познатиот холивудски шармер одлучи да облече класичен сив двореден костум за таа пригода.
Сепак, најголемо внимание на јавноста привлече неговата фигура бидејќи, според странските медиуми, актерот изгубил многу килограми, како и стомакот, кој му беше заштитен знак со години.
Покрај тоа, неговото лице не остана незабележано. Изгледа многу помладо, веројатно и новата фризура придонесува за тој впечаток, а можеби и врската со 23 години помладата италијанска убавица.
Во секој случај, никој не може да го негира фактот дека нешто се случува во животот на овој згоден маж…
фото: принтскрин
Забава
Џулија Робертс ги потврди преговорите за продолжение на култната романтична комедија

Обожавателите на култната романтична комедија My Best Friend’s Wedding имаат причина за славење. Џулија Робертс потврди дека е во преговори да ја повтори својата улога како Џулс Потер во долгоочекуваното продолжение. Актерката, добитничка на „Оскар“, ја откри веста во интервју за „Варајети“.
Додека дискутира за својот нов филм„After the Hunt, 57-годишната актерка беше прашана дали ќе се појави во продолжението на хитот од 1997 година. „Ми се јавија“, одговори кратко Робертс потврдувајќи дека разговорите се во тек. „Варајети“ објавува дека актерката се насмеала кога режисерот Лука Гвадањино, кој исто така се појави во интервјуто, на шега рекол дека ќе го режира продолжението во секунда.
Веста за продолжението првпат се појави кон крајот на јули кога беше објавено дека режисерката Селин Сонг потпишала договор за сценариото.
Иако 37-годишната Сонг е потпишана за сценариото, режисерот и остатокот од екипата сè уште не се официјално потврдени. Оригиналниот филм е режиран од австралискиот режисер П. Џ. Хоган.
фото: принтскрин