Забава
Се враќа од 90-тите: кафеавиот кармин е новиот хит на летото

Овој ретро класик, кој нè враќа во златните 90-ти и почетокот на 2000-тите, сега се враќа со стил – и освојува сè, од „Тик-ток“ до црвениот тепих.
Природни нијанси, земјени тонови, вибрации на кафеав шеќер… кафеавиот кармин станува ваш нов омилен избор, без разлика дали излегувате на кафе, на состанок или на летен фестивал.
Зошто кафеавата боја е толку модерна?
Затоа што е неочекувана. Затоа што совршено се вклопува со тенот, без напор ги нагласува усните и дава елегантно смирена атмосфера – тој изглед „не се потрудив премногу, но сепак изгледам совршено“. Бонус? И одговара буквално на сите, само треба да ја изберете вистинската нијанса.
Ако имате светла кожа – пробајте посветли, беж-капучино тонови или розово-кафеави варијации кои изгледаат природно и меко.
Ако имате среден до темен тен – чоколадните, карамелизираните или кафеаво-црвените тонови ќе ви изгледаат фантастично и дополнително ќе ги истакнат вашите усни.
Како да го носите?
За дневен, чист девојачки изглед – нанесете тенок слој кафеав кармин, малку маскара и лесен бронзер. Готово за 5 минути, и изгледате свежо и стилски!
За вечер – создадете smokey eye во топли тонови (црна, чоколадна, бронзена) и оставете карминот да ја заврши останатата работа. Ефектот „wow“ е загарантиран.
Мат наспроти сјаен
Сакате нешто што трае цел ден (и ноќ)? Мат кафеавиот кармин е ваш сојузник – елеганција со карактер и нула шанса за размачкување.
Преферирате природен сјај? Сјајните варијанти во кафеави тонови изгледаат сочно, женствено и совршено за летна вечер со коктел во рака.
Совет за убавина: Комбинирајте кафеав кармин со златни обетки, лабава коса и големи очила – и бидете ѕвезда на секоја приказна!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Кралицата на деколтеата го носи хит костимот за капење за крајот на летото

Сè попопуларната млада актерка Сидни Свини неодамна го прослави својот 28. роденден, а сега на социјалните мрежи покажа како изгледало сето тоа.
Сидни, која често е цел на коментари за нејзините прекрасни облини, направи кратко патување со своите пријатели за да го прослави еден од најважните денови во годината.
Секако, кога станува збор за неа и нејзините фотографии од костими за капење, јасно е дека следуваат низа позитивни коментари на социјалните мрежи. Таа позира во виралниот TA3 Hi Cut Sleeveless Surfy едноделен костим за капење, кој совршено ги истакнува нејзините облини.
View this post on Instagram
Овој модел чини помалку од 200 долари и стана омилен најмногу поради кројот како корсет и затоа што има патент што ви овозможува да го приспособите деколтето на градите.
Сидни позира во неколку други модели, имаше бел едноделен, но и златен бикини, а не се знае кое ѝ стоеше подобро.
„Мало патување на Марс“, напиша таа на шега во описот на објавата.
фото: принтскрин
Забава
(Фото) Најпознатата лото-девојка од поранешна Југославија поттикна озборувања дека е во врска со Стивен Сигал

Најпознатата лото-девојка од поранешна Југославија, Сузана Манчиќ, објави фотографија на „Инстаграм“, на која позира со холивудскиот актер Стивен Сигал поттикнувајќи озборувања за можна врска.
„Добра вечер, може ли да се фотографирам со вас? Ви благодарам многу“, напиша таа покрај фотографијата, обожавателите прашаа во коментарите дали е на повидок нова љубов, а некои ја искористија можноста да се пошегуваат.
View this post on Instagram
„Нова љубов“, „Добар пар“, „Прекрасна“, „Честитки, Сузи, толку сум љубоморна“, „Поприродно е тој да побара да се фотографира“ и „Стивен е толку згоден“, се некои од коментарите под објавата.
Стивен Сигал присуствуваше на воената парада „Моќта на единството 2025“ во Белград во саботата. Актерот, најпознат по своите улоги во акциони филмови во 80-тите и 90-тите, стана редовен гостин во Србија.
Сигал доби српско државјанство во 2016 година. Тој е близок со претседателот Вучиќ и со српската влада, а за време на посетите на Белград често го изразува своето восхитување од српската култура и традиција.
фото: принтскрин
Забава
(Видео) Обожавателите ѝ пееја на Брена под прозорецот по нејзиниот настап во Ровињ, таа им се придружи

Лепа Брена во саботата настапи во Ровињ како изненадувачки гостин на забавата на еден бенд. По настапот, обожавателите се собраа пред хотелот каде што таа престојуваше и ѝ пееја под прозорецот.
Брена излезе на балконот, ги поздрави и сите заедно ги испеаја нејзините хитови.
@minja_mirkovic @LepaBrena 👑❤️! Veliki zagrljaj za sve ove ljude u Rovinju! 🇭🇷❤️ #lepabrena #rovinj #croatia #fyp #foryoupage ♬ original sound – minja_mirkovć
Бендот почна да ги пее нејзините песни, а набрзо се собраа повеќе обожаватели, и се случи вистинска забава. Дел од изведбата беше објавен на „Тик-ток“. „Брена е легенда и најголема ѕвезда“, напишаа луѓето во коментарите.
фото: принтскрин