Забава
Сѐ е подготвено за свадбата на векот, веќе се резервирани луксузни хотели и јахта

Основачот на „Амазон“, Џеф Безос и неговата свршеница Лорен Санчез избраа датум за нивната венчавка, која веќе е наречена „свадба на векот“. Парот ќе го каже судбоносното „да“ во Венеција, опкружени со пријатели и познати личности, а според информациите кои ги објави „Пејџ Сикс“, планираат да направат незаборавна прослава и нема да штедат на ништо.
Венчавката ќе се одржи во јуни, а според гласините, парот би можел да организира церемонија на јахта вредна 500 милиони долари, која е закотвена во венециската лагуна.
Оваа мега јахта, една од најголемите со јарбол во светот, може да смести 18 луѓе во девет кабини. Иако јахтата е опција за свадбата, изворите сугерираат дека таа ќе се користи само како „додаток“, можеби како водено такси или место за помали прослави. „Ви ветувам дека свадбата нема да биде на брод“, изјавил еден од нивните блиски пријатели.
Италијанските медиуми јавуваат дека најдобрите хотели во Венеција, Грити Палас и Аман Венеција, се целосно резервирани од 26 до 29 јуни. Цените на собите во овие луксузни хотели започнуваат од 3.200 долари за ноќевање, а за апартманите цените може да достигнат и десет пати повеќе, во зависност од сезоната и видот на сместување.
Подготовките за свадба се веќе во полн ек, а Венеција се подготвува да ги пречека ВИП гостите. Најдобрите луксузни хотели во градот се веќе резервирани, а изворите велат дека цела флота на водени такси ќе биде достапна за превоз на гости низ венецијанските канали. Планирањето на овој настан укажува на многу ексклузивна и совршено координирана прослава.
Венеција, која Безос и Санчез често ја посетуваа за време на нивната врска, беше избрана не само поради романтичната атмосфера, туку и поради значењето што овој град го има во нивната заедничка историја. Оваа свадба се очекува да стане еден од клучните општествени настани во 2025 година, не само за парот, туку и за градот Венеција.
Се верува дека Лорен избрала гламурозна тоалета на Оскар де ла Рента, со помош на главната уредничка на Вог, Ана Винтур.
Безос ја запроси Лорен во мај 2023 година, на луксузна јахта, по пет години врска. Тој ја запросил со впечатлив дијамантски прстен, за кој експертите веруваат дека може да вреди околу 2,5 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Јелена Ѓоковиќ во секси бикини! Папарацо-фотографиите ја обиколуваат планетата, Британците сè уште пишуваат за неа

Еден месец по одморот на Новак и Јелена Ѓоковиќ на Миконос, британските медиуми сè уште не престануваат да зборуваат за изгледот на сопругата на најдобриот тенисер во историјата.
Имено, локалните таблоиди „Дејли стар“ и „Сан“ се опседнати со изгледот на Јелена, па повторно пишуваа за нејзината заводлива фигура заедно со неколку фотографии од нејзиниот одмор на Миконос, секако.
„Двојката разменуваше бакнежи додека се релаксира покрај брановите на грчкиот остров Миконос за време на семејниот одмор со своите две деца. Тие уживаа во луксузното одморалиште Намос, познато по тоа што привлекува многубројни светски ѕвезди во текот на летните месеци.
Јелена Ѓоковиќ плени со својата фигура на плажа, таа беше опколена од папараците додека разменуваше нежности со Новак“, се вели во статијата на „Дејли стар“.
Секое лето десетици приватни авиони и хеликоптери слетуваат на оваа ексклузивна дестинација, а мегајахтите со познати личности вредни милиони се закотвуваат во блиското пристаниште. Сите тие доаѓаат во потрага по луксузно искуство на плажите.
Луис Хамилтон, Аријана Гранде, Вејн Руни, Леонардо ди Каприо и Никол Шерцингер се само дел од имињата што редовно ја посетуваат оваа песочна оаза.
фото: принтскрин
Забава
(Фото/видео) Двете најдобри тенисерки во светот ги закопаа секирите

Руската тенисерка Марија Шарапова и американските шампиони во двојки Боб и Мајк Брајан беа примени во Меѓународната тениска куќа на славните.
Сепак, најголемо внимание на церемонијата го привлекоа две тениски легенди – Марија Шарапова и Серена Вилијамс. Познато е дека тие не беа во добри односи, па затоа љубителите на тенисот беа доста изненадени кога Серена одржа говор во чест на Русинката.
Не беше обичен говор, туку лавина комплименти и пофалби за Марија Шарапова.
„Во 2004 година, кога Марија имаше 17 години, таа го воодушеви светот и го освои Вимблдон. До ден-денес таа го нарекува тој момент врвот на својата кариера.
За мене, тоа е еден од моите најтешки порази. Тој натпревар не само што го одлучи шампионот туку ја направи Марија ѕвезда и почна едно од најконтроверзните соперништва во тенисот“, рече таа додавајќи: „Тензијата беше вистинска, огнот беше вистински и искрено можеше да се почувствува, можеше да се чуе, со целото мрморење на Марија“.
Фотографиите и видеата станаа вирални, а јавноста можеше да ги види двете убавици како се гушкаат.
View this post on Instagram
За посебниот ден Серена одлучи да ја покаже својата тенка фигура во небесносин фустан, а Марија, како вистинска дама, носеше долг бел фустан, кој го комбинира со бела наметка.
Се чини дека двете тениски ѕвезди ги закопаа секирите и сега живеат во хармонија.
фото: принтскрин
Забава
Иконата на 90-тите го прослави 55-тиот роденден во костим за капење: времето застанало…

Клаудија Шифер го поминува летниот одмор во Грција, од каде што ги почасти своите следбеници и обожаватели со серија фотографии со порака за роденден.
Германскиот супермодел и едно од најпознатите лица на модните писти на сите времиња, Клаудија Шифер, го прослави својот 55-ти роденден и по тој повод објави неколку фотографии, на кои ги покажува својата завидна фигура и препознатливото лице во средината на педесеттите години.
View this post on Instagram
Познатата русокоса позира покрај базенот во бел, елегантен и романтичен едноделен костум од „Клое“, со цена од 690 евра.
View this post on Instagram
Костимот за капење има длабоко деколте и набори на горниот и на долниот дел, што му даваат доза романтика, а Клаудија го комбинира со кафеави очила за сонце и скап златен накит од истата марка.
View this post on Instagram
Нејзиното лице без шминка и препознатливата насмевка, кои красеа многубројни престижни насловни страници и модни писти, сè уште се нејзин заштитен знак.
View this post on Instagram
„Денес полнам 55 години, толку сум среќна што го славам мојот роденден радосна и здрава🎉!“, напиша Клаудија Шифер покрај објавата.
фото: принтскрин