Забава
Сѐ е подготвено за свадбата на векот, веќе се резервирани луксузни хотели и јахта
Основачот на „Амазон“, Џеф Безос и неговата свршеница Лорен Санчез избраа датум за нивната венчавка, која веќе е наречена „свадба на векот“. Парот ќе го каже судбоносното „да“ во Венеција, опкружени со пријатели и познати личности, а според информациите кои ги објави „Пејџ Сикс“, планираат да направат незаборавна прослава и нема да штедат на ништо.
Венчавката ќе се одржи во јуни, а според гласините, парот би можел да организира церемонија на јахта вредна 500 милиони долари, која е закотвена во венециската лагуна.
Оваа мега јахта, една од најголемите со јарбол во светот, може да смести 18 луѓе во девет кабини. Иако јахтата е опција за свадбата, изворите сугерираат дека таа ќе се користи само како „додаток“, можеби како водено такси или место за помали прослави. „Ви ветувам дека свадбата нема да биде на брод“, изјавил еден од нивните блиски пријатели.
Италијанските медиуми јавуваат дека најдобрите хотели во Венеција, Грити Палас и Аман Венеција, се целосно резервирани од 26 до 29 јуни. Цените на собите во овие луксузни хотели започнуваат од 3.200 долари за ноќевање, а за апартманите цените може да достигнат и десет пати повеќе, во зависност од сезоната и видот на сместување.
Подготовките за свадба се веќе во полн ек, а Венеција се подготвува да ги пречека ВИП гостите. Најдобрите луксузни хотели во градот се веќе резервирани, а изворите велат дека цела флота на водени такси ќе биде достапна за превоз на гости низ венецијанските канали. Планирањето на овој настан укажува на многу ексклузивна и совршено координирана прослава.
Венеција, која Безос и Санчез често ја посетуваа за време на нивната врска, беше избрана не само поради романтичната атмосфера, туку и поради значењето што овој град го има во нивната заедничка историја. Оваа свадба се очекува да стане еден од клучните општествени настани во 2025 година, не само за парот, туку и за градот Венеција.
Се верува дека Лорен избрала гламурозна тоалета на Оскар де ла Рента, со помош на главната уредничка на Вог, Ана Винтур.
Безос ја запроси Лорен во мај 2023 година, на луксузна јахта, по пет години врска. Тој ја запросил со впечатлив дијамантски прстен, за кој експертите веруваат дека може да вреди околу 2,5 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) „Ај кју“ со Pay the Price го продолжуваат музичкиот континуитет
Дуото составено од Бојан и Марија го продолжуваат својот музички пат со песни испеани на англиски јазик, а најнова во низата е песната „Pay the Price“. Музиката и аранжманот е целосно дело на Бојан, а текстот го напишаа заедно со Марија и уште една нивна редовна соработничка од Лондон.
Песната опишува едно типично секојдневие на партнери кои живеат заедно и низ шармантен и духовит начин ги доловува ситуациите кои се предизвици на партнерите.
Песната е снимена во Лондон во студиото во кое творат последните неколку години и на оваа песна ја продолжија соработката со ко-продуцентите од Шведска и Италија.
Забава
(Видео) Враќање во иднината со Јован Јованов и Елвир Мекиќ
Јован Јованов и Елвир Мекиќ повторно ги споија своите гласови и енергија, 16 години откако ја испеаја „Слаба точка“.
Музички позрели од претходно, а сепак со истата страст, тие ја снимија песната „Адреналин“, која ќе биде вистински хит, а ќе почнете да си ја пеете и да играте во нејзин ритам уште на првото слушање.
Премиерата на песната е закажана за 01.11.2025 (сабота) во 15:00 часот.
Забава
Заборавете на црното: овој капут е хит за зимата и тешко е да се победи
Оваа сезона ќе се оддалечиме од вечниот класик – црниот капут, кој е неопходен дел од зимскиот гардеробер, и ќе носиме таков што е малку потежок за одржување, но ја воздигнува секоја комбинација во студените денови.
Постигнувањето елегантен зимски изглед често се сведува на едно клучно парче облека – совршениот капут. Бидејќи ја дефинира целата силуета, добриот капут ви овозможува да носите речиси сè под него, а сепак да изгледате беспрекорно. Токму затоа модните експерти посветуваат посебно внимание на изборот на идеалниот модел секоја сезона.
Оваа зима еден стил и една боја особено се издвојуваат и привлекуваат внимание со својата ненаметлива софистицираност, а тоа е кремастиот капут.

Фактот дека капутите во оваа боја се вистински хит го потврдија многу познати личности, вклучувајќи ги Селена Гомез, Ема Вотсон и други, кои избраа вакви капути за разни пригоди во изминатите неколку недели, а истиот тренд го прифатија и многубројни инфлуенсери.
Одлична алтернатива на белата
За разлика од чисто белата, кремастите нијанси нудат помек и потопол изглед и создаваат посуптилен контраст на потемните бои внесувајќи доза елеганција, што е тешко да се победи.

Секако, клучниот предизвик со овој тренд е одржувањето. Бидејќи кремастите палта се чувствителни на нечистотија, се препорачува да се чуваат за суви денови и за посебни пригоди, а за дождливи и ветровити денови потемните модели се сепак попрактичен избор.
Свежо, елегантно и несомнено софистицирано, кремастото палто е парче што веднаш го воздигнува секој зимски гардеробер. Од популарни брендови до дизајнерски класици – понудата е побогата од кога било досега оваа сезона.
фото: принтскрин

