Британскиот војвода од Сасекс, Хари, во средата извојува победа над британската група весници на Руперт Мардок, откако издавачот го реши судскиот спор со неговиот адвокат, првпат признавајќи дека е одговорен за незаконските дејствија на својот таблоид „Сан“ и вети дека ќе плати значителни штети.

Хари (40), помладиот син на кралот Чарлс III, ја тужеше News Group Newspapers (NGN), издавачот на The Sun и сега веќе непостоечката News of the World, пред Високиот суд во Лондон, тврдејќи дека весникот незаконски добивал приватни информации за него помеѓу 1996 до 2011 година.

NGN призна и дека упаднал во приватниот живот на неговата покојна мајка, принцезата Дијана. Адвокатот на Хари, Дејвид Шерборн, рече дека издавачот се согласил да му плати на Хари значителна отштета, а извор запознаен со случајот и спогодбата рече дека станува збор за сума од осум цифри.

„Со денешната монументална победа, News UK призна дека The Sun, предводникот на британската медиумска империја на Руперт Мардок, навистина бил вклучен во незаконски активности“, изјави Хари на новинарите по пресудата.

„Денес се разоткриени лаги. Денеска се разоткриени прикривања. Дополнително, денешниот ден е доказ дека никој не е над законот и дека дојде време некој да одговара“, се вели во соопштението прочитано пред Високиот суд од страна на адвокатот на Хари.

„NGN му понуди целосно и недвосмислено извинување на војводата од Сасекс за сериозното мешање на „Сан“ во неговиот приватен живот помеѓу 1996 и 2011 година, вклучително и инциденти како што се нелегални активности на приватни истражители ангажирани од „Сан“.

Музичарот Стинг одложи два свои концерти и го откажа претстојното појавување на наградите на списанието Bass поради нарушено здравје, пренесува Дејли Мејл.

73-годишниот пејач на доделувањето на наградите требаше да добие награда за животно дело, но на крајот нема да учествува.

Поранешниот фронтмен на Police, исто така, ги одложи своите американски шоуа во Феникс, Аризона и Витленд, Калифорнија, кои беа одложени до крајот на месецот, додека тој закрепнува. Не се наведува за каков здравствен проблем се работи.

Портпаролот на Стинг во објава на социјалните мрежи потврди дека обожавателите можат да ги задржат своите оригинални билети, кои ќе важат за новите датуми на концертот.

„По совет на неговиот лекар, поради болест, со длабоко жалење Стинг мора да го откаже своето појавување на наградите на магазинот „Бас“ овој четврток и да ги одложи концертите. Старите билети ќе бидат валидни за новите датуми. Стинг искрено се извинува за секоја непријатност и им благодарам на неговите фанови за разбирањето“, изјави портпаролот на пејачот.

Откако Доналд Трамп повторно ја презеде функцијата претседател на САД, тој и неговото семејство присуствуваа на бал заедно со потпретседателот Џеј Ди Венс и неговата сопруга Уша.

За специјалната пригода дамите избраа елегантни свечени фустани, а вниманието го привлече Иванка Трамп, ќерката на Трамп во бел фустан без прерамки.

@paullee3012 the Commander in Chief Inaugural Ball! Donald Trump Junior – Ivanka TRUMP – Eric TRUMP – Tiffany TRUMP Inauguration day 🇺🇸 #TRUMP #inauguration #ivankatrump ♬ original sound – WorldWideHistory🌎

Според Вог, фустанот на Иванка од Живанши бил инспириран од креација што ја носела Одри Хепберн во филмот „Сабрина“ од 1954 година, во кој таа глуми заедно со Хемфри Богарт. Сепак, Иванка стави свој печат на оваа комбинација со неколку детали кои се разликуваат од оригиналната верзија на Хепберн. Имено, наместо белите ракавици кои ги носеше Хепберн, Иванка избра црни, а со фустанот искомбинираше и накит.

Ова не е прв пат Иванка Трамп да црпи инспирација за својот моден избор од стилот на холивудските икони. На свадбата на нејзината сестра Тифани, таа носеше син фустан кој изгледаше речиси идентично со фустанот на Грејс Кели во филмот „To Catch a Thief“ од 1955 година.