Забава
Сите ѝ ја пеат песната на Шакира: девојката на Жерар Пике наводно побарала помош од психолог
Клара Чиа Марти, девојката на Жерар Пике, со која ја изневеруваше Шакира, наводно морала да побара помош од психијатар откога пејачката ја прозва во новата песна, пишува весникот „Марка“.
Шпанскиот новинар Саул Ортиз тврди дека Клара се вратила во куќата на своите родители и сега од таму работи.
„Мораше да побегне бидејќи нејзината душевна состојба не е добра. Не ѝ е лесно додека цела Шпанија и светот зборуваат за неа. Мораше да направи чекор понатаму“, изјави новинарот.
Шпанските медиуми пишуваат дека Клара се преселила кај своите родители за да избега од гневот на Шакира.
„Девојката на Пике ја запираат на улица и ѝ ја пеат песната на Шакира и сите ја препознаваат, но таа, всушност, е многу тивка и срамежлива девојка“.
Пике неодамна на „Инстаграм“ ја објави нивната прва заедничка фотографија, која предизвика многу негативни коментари. Многумина му коментираа дека им ги уништува животите на своите деца и дека треба да се срами од себе.
Но, се чини дека Пике и Шакира се во добри односи бидејќи фудбалерот неодамна беше виден како излегува од нејзината куќа видно расположен откако пејачката го покани на роденденската забава на нивниот десетгодишен син.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Хејли Бибер бремена: го покажа стомакот во венчаницата, Џастин пресреќен
Џастин Бибер и неговата сопруга Хејли го очекуваат своето прво дете.
По бројните шпекулации за бременоста на манекенката, тие ја споделија радосната вест на своите социјални мрежи, а потоа и нивните претставници на медиумите ја потврдија веста и изјавија дека манекенката е во шестиот месец од бременоста, пишува „Пипл“.
Двојката сподели видео од нив како ги обновуваат заветите и ја споделија својата бременост со светот. Хејли носи долг, чипкаст бел фустан и вел, истакнувајќи го нејзиниот труднички стомак.
Парот се венча во септември 2018 година во Њујорк само два месеци по свршувачката. Подоцна, тие славеа со семејството и пријателите.
Забава
(Видео) Прашањето што ја збуни Израелката на прес-конференцијата по Евровизија: „Не мора да одговарате ако не сакате“
Откако беше објавено кои десет земји одат во финалето на Евровизија, се одржа прес-конференција на која беа поставувани прашања и за Израелката Еден Голан, која во финалето отиде со песната „Ураган“.
Новинар од Полска доби шанса да и постави прашање на претставничката на Израел – „Дали некогаш сте помислиле дека бидејќи сте тука ги загрозувате другите учесници и јавноста?
Водителот на прес-конференцијата веднаш рече дека „не мора да одговара ако не сака“.
„А зошто да не“, искоментираа неколку новинари.
Еден Голан прво застана, а потоа одлучи да одговори на прашањето.
„Мислам дека сите сме тука поради една причина, ЕБУ ги презеде сите мерки да го направи ова натпреварување безбедно за сите нас. Мислам дека е безбедно за сите, инаку немаше да бидеме тука“, изјави Еден Голан на прес-конференцијата.
Забава
(Видео) Никол Кидман блесна во божествена креација на Мет Гала: 800 часа работа се потрошени само за рачно везење
Мет Гала 2024 се одржа во Музејот на уметност Метрополитен во Њујорк, а овогодинешната тема беше „Заспаните убавици: повторното будење на модата“.
Гостите мораа да се придржуваат до кодексот на облекување наречен „Градината на времето“, чија тема е именувана по приказната за еден гроф кој, за да ја одбрани лутата толпа што се приближува до неговиот замок, сече роза од неговата градина за да го забави времето додека не остане ниту еден цвет.
Дамите беа доста креативни во изборот на стајлинг, а една од најзабележителните беше актерката Никол Кидман која блесна во црно-бела креација. Овој фустан е омаж на креација од пролетната колекција на Баленсијага од 1951 година.
View this post on Instagram
Во тоа време славната Доријан Ли носеше необичен црно-бел фустан, а фотографијата што тогаш ја направи Ричард Аведон стана легендарна. Кидман изјави дека и самата сакала да соработува со овој фотограф, но „не успеале да се вклопат“.
Според Vogue, фустанот што го носела Никол Кидман барал 800 часа за рачен вез и внимателно шиење на 3.000 пердуви на 150 метри свила. Дополнително, во ателјето биле потрошени уште 400 часа за да се спојат двете одделни парчиња во едноделен фустан.
View this post on Instagram
„Фустанот претставува природен момент од целосниот круг на времето – тоа е прослава на делото на Ричард што ќе живее, но и почит на уметничката визија на Баленсијага која продолжува беспрекорно да ја комбинира илузијата на минатото, сегашноста и иднината“, изјави актерката.