Забава
Си одат кога најмногу се грижат: зошто овие знаци бегаат од блискост

Тие не покажуваат емоции кога треба. Не се јавуваат кога најмногу сакаат да чујат глас. Не ги признаваат своите чувства затоа што се плашат да бидат ранливи.
Луѓето родени под овие три хороскопски знаци честопати изгледаат ладни или резервирани, но вистината е дека се преполни со емоции. Тие се повлекуваат не затоа што не им е гајле, туку токму затоа што им е важно.
Шкорпија
Кога Шкорпијата сака, таа сака длабоко, но не го покажува тоа лесно. Има силен страв од предавство и отфрлање, па затоа претпочитаат да ги премолчат своите чувства отколку да се отворат. Кога се грижат, се повлекуваат за да „ја почувствуваат земјата под нозете“.
Во тој процес, може да изгледаат ладни, но всушност се обидуваат да го преживеат она што не можат да го кажат.
Водолија
Водолијата се повлекува кога чувствува дека некој би можел да ги „прочита“ емоционално. Нивната потреба за слобода понекогаш е всушност бегство од блискоста.
Кога им е грижа, но се надвор од контрола, тие претпочитаат да се затворат и да се преправаат дека не се заинтересирани отколку да признаат дека се ранливи.
Риби
Рибите често се повлекуваат емоционално бидејќи сè чувствуваат премногу силно. Кога некој ќе ги допре длабоко, тие стануваат несигурни прашувајќи се дали чувството е возвратено, дали е вистинско. Во овој внатрешен хаос тие лесно се губат и стануваат тивки.
Повлекувањето служи како одбрана од потенцијално разочарување, што веќе го почувствувале премногу пати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„2 бона“, Елена Ристеска и Вера Јанковиќ в сабота во Паркот на франкофонијата

Во сабота, 13 септември, со почеток во 19:30 часот ќе се одржи големиот бесплатен музички хепенинг „Нешто што ќе остане“ во Паркот на Франкофонија, во организација на Општина Центар.
На концертот ќе настапат едни од најпознатите македонски изведувачи како Дарио и Миг-21, Елена Ристеска, групата „2 Бона“, Викторија Лоба, Кристина Арнаудова и Барбара Поповиќ. Низ целиот концерт ќе не води урбаната дива Вера Јанковиќ.
Водителката Вера Јанковиќ истакнува дека музиката е доказ дека не сме сами, а музичкиот хепенинг „Нешто што ќе остане“ не асоцира на најдоброто од македонската музичка сцена.
„Драги мои поклоници на македонската музичка сцена, сакам да ви најавам „Нешто што ќе остане“. Тоа ме асоцира на моментот дека музиката е доказ дека не сме сами на овој свет. Нешто што ќе остане, по трети пат, традиционално не асоцира на најдоброто од македонската забавна музичка сцена. И повторно, Парк на Франкофонија овој пат 13 Септември, 19:30 минути. Јас сум Вера Јанковиќ, вашиот водител, домаќин, а се останато што ќе ве изненади таму ќе биде фантазија во која што ќе создадеме уште една ноќ за паметење. Се гледаме, бидете таму!“, порачува Јанковиќ.
Градоначалникот Горан Герасимовски истакнува дека Општина Центар продолжува да вложува во културни настани достапни за сите граѓани.
„Со „Нешто што ќе остане“ создадаваме традиција на заеднички моменти исполнети со музика, радост и култура. Ги поканувам сите скопјани и гости на градот да ни се придружат на оваа прекрасна вечер која ќе остане запаметена“, вели Герасимовски.
Забава
(Фото) Сите зборуваат за патиките на Карлос Алкараз: дали тој е новата модна икона?

Младиот шпански тенисер Карлос Алкараз покажа дека модата може да оди рака под рака со врвниот тенис на теренот.
Во последното финале на Отвореното првенство на САД, Алкараз го победи Јаник Синер, но покрај неговата мајсторија на теренот, тој бргу стана тема и поради облеката.
На сите им го привлече вниманието со виолетовите патики, како и со маицата и шорцовите, кои беа во слични нијанси, па затоа не би било изненадувачки ако младата шпанска ѕвезда набргу стане модна икона.
Алкараз носеше светло розовамаичка без ракави и виолетови шорцови, а целиот изглед беше комплетиран со патики во истата нијанса на виолетова – персонализиран модел Nike Vapor 12, инспириран од патиките Vapor Pro 1 од 2020 година, кои често ги носеше во раните фази од својата кариера.
фото: принтскрин
Забава
(Фото) По разводот, таа процвета и ја потврди новата врска

Холивудската актерка Џесика Алба одамна не ја крие својата романса со актерот Дени Рамирез, кој е 11 години помлад од неа, но до сега немаше официјална потврда.
Џесика се појави и на финалето на Отвореното првенство на САД заедно со своето ново момче.
Двојката го гледаше возбудливиот натпревар помеѓу Карлос Алкараз и Јаник Синер, во кој Шпанецот победи.
Првите претпоставки дека актерката започнала нова врска дојдоа само пет месеци откако поднесе барање за развод од Кеш Ворен.
Џесика Алба беше во брак со Кеш Ворен 17 години и заедно имаат три деца. Сепак, по разводот, ниту тој не губеше време. Неодамна беше виден со нова девојка, манекенката Хана Сан Доер, која е 21 година помлада од него.
Поранешните сопружници останаа во пријателски односи поради своите деца.
фото: принтскрин