Забава
Сонот на Владимир Путин кој ќе може да си го оствари дури по заминување во пензија

Владимир Путин вчера по четврти пат го посети српскиот главен град, Белград. Шеесет и шестгодишниот руски претседател сака да патува и ваквите професионални обврски не му се тешки, но мал проблем е тоа што него го интересираат малку поинаков тип патувања – без голема придружба, камери, набиена агенда и премногу луѓе.
Иако веќе долго време е на чело на Русија, логично е дека Путин во еден момент ќе се повлече, а пред неколку години, тој отворено зборуваше за плановите за пензионерските денови, при што ја истакна желбата за патување во природа и посета на некои туристички атракции.
„Би сакал успешно да ја завршам својата кариера“, изјави Путин при посета на една фабрика, кога во една од малкуте такви ситуации, го спушти гардoт и му се довери на еден работник – „Сакам да патувам. Денес, сите моите патувања се сведуваат на тоа да стигнам до аеродромот, во хотел, а потоа се враќам назад на аеродром. Би сакал да патувам во друг стил. Да одам некаде во природата, да видам некои туристички дестинации“, рекол рускиот претседател.
Со оглед на тоа што не зборува премногу за својот личен живот, уште во само едно интервју Путин откри дека често оди на викенди во природа, на локација каде еден од неговите пријатели има куќа. Како што рече, само во дивината се одмора онака како што сака.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Хороскопски знаци на кои им е тешко да најдат пријатели

Пријателството е една од најскапоцените врски во животот, но додека стекнувањето пријатели е лесно и природно за некои, за други може да биде вистински предизвик.
Во светот на хороскопите, одредени знаци, поради нивните специфични карактеристики, честопати наидуваат на пречки кога станува збор за поврзување со другите, објавува Index.hr.
Без оглед на причината, без разлика дали станува збор за недоверба, резервираност или едноставно поинаков поглед на светот, пронаоѓањето на вистинските пријатели понекогаш е многу потешка задача за овие знаци.
Јарец
Јарците се познати по својата сериозност, амбиција и резервираност. Иако се исклучително сигурни и лојални, нивниот ладен и далечен прв впечаток честопати ги одбива потенцијалните пријатели.
Тие не влегуваат во врски лесно, им треба долго време за да стекнат доверба кај друга личност.
Покрај тоа, поради нивниот фокус на работата и целите, тие често ги занемаруваат социјалните аспекти на животот, што може да создаде впечаток дека нивните пријатели не се приоритет.
Само оние кои се доволно трпеливи да го пробијат тој заштитен оклоп ја откриваат својата топла, лојална страна.
Шкорпија
Шкорпиите се длабоки, интензивни и емоционално сложени. Нивната природна сомничавост и стравот од предавство честопати ги спречуваат брзо да се отворат кон другите. Тие бараат длабоки, искрени пријателства и не се грижат за површни врски.
Сепак, нивната тенденција да контролираат и повремено тајно однесување можат да создадат ѕид меѓу нив и потенцијалните пријатели.
Само кога ќе почувствуваат дека можат целосно да му веруваат на некого, Шкорпиите дозволуваат да се развие вистинско пријателство и тогаш се подготвени да направат сè за оние што ги сакаат.
Девица
Девиците се перфекционисти во секој аспект од животот, вклучувајќи ги и меѓучовечките односи.
Нивната тенденција да анализираат и критички да размислуваат честопати им отежнува да најдат пријатели кои ќе ги исполнат нивните стандарди.
Покрај тоа, Девиците можат да бидат резервирани и претпазливи, што понекогаш може да дејствува како емоционална дистанца.
Луѓето може да ги сметаат за премногу строги или резервирани, иако длабоко во себе копнеат по вистинска врска. Откако ќе прифатат некого, Девиците се исклучително грижливи и лојални пријатели.
Водолија
Водолиите се познати по својата оригиналност, независност и понекогаш ексцентричен начин на размислување. Иако се отворени и пријателски расположени, нивната емоционална дистанца и потребата за личен простор честопати им го отежнуваат длабокото поврзување.
Можеби имаат многу познаници, но вистинските, блиски пријатели се ретки.
Нивната склоност кон идеализам, а понекогаш и непредвидливо однесување, може да биде збунувачка за оние што бараат стабилност во врските. Сепак, оние кои ја прифаќаат својата единственост ќе бидат наградени со лојално пријателство.
Рак
Иако Раковите се многу емотивни и интуитивни, токму оваа емоционална длабочина често станува пречка за стекнување пријатели. Тие се плашат да не бидат повредени и предадени, па затоа градат заштитни ѕидови околу себе кои не се лесни за рушење.
Нивната чувствителност може да доведе до повлекување дури и при најмала закана.
Им треба долго време да се чувствуваат сигурно во врска, но откако ќе стекнат пријатели, Раковите се исклучително грижливи, сочувствителни и подготвени да дадат сè за оние што ги сакаат.
Забава
(Видео) Само во Флорида: Босоног човек се бори со алигатор

Невообичаена глетка ги пречека возачите на Флорида вчера на раскрсница на автопат во јужен Џексонвил. Имено, тие можеа да видат бос човек како се бори со голем алигатор на тревата помеѓу сообраќајните ленти.
Видео објавено од канцеларијата на шерифот на округот Џексонвил го прикажува лиценцираниот ловец на диви животни Мајк Драгич како се бори со влекачот долг неколку метри.
Забава
Диди ја одби спогодбата: му се заканува доживотен затвор

Судот во Њујорк потврди дека Шон „Диди“ Комбс го отфрлил договорот за признавање на вина од федералните обвинители, кој би му дал намалена затворска казна во замена за признавање на вината, објави ABC News. Одлуката е донесена само три дена пред почетокот на неговото судење, кое вклучува сериозни обвиненија за рекетирање, трговија со луѓе и организирање проституција.
Судијата Арун Субраманијан лично го праша музичарот дали ја одбил понудата на обвинителите. „Да, да, Ваша Чест“, одговори Комбс на сослушувањето.
Деталите за одбивањето не се објавени. Судењето започнува во понеделник со избор на порота, додека воведните зборови се закажани за 12 мај.
Комбс се соочува со доживотен затвор доколку биде прогласен за виновен по сите точки од обвинението.
Обвинителите тврдат дека познатиот продуцент со години принудувал жени на сексуални односи. Во обвинението се тврди дека тој водел криминална организација која систематски злоупотребувала повеќе жртви низ целата земја.
Еден од клучните сведоци ќе биде неговата поранешна партнерка, пејачката Кеси Вентура, која јавно го обвини за силување и долготрајна злоупотреба во 2023 година. Тој случај брзо беше решен надвор од судот, а деталите од спогодбата не се познати.
Адвокатите на Комбс најавуваат одбрана врз основа на тврдењето дека станува збор за „свингерски начин на живот“, што нивниот клиент не го сметал за проблематичен бидејќи, според адвокатот Марк Агнифил, тоа било „вообичаено и општествено прифатено во одредени кругови“.
За време на судењето се очекуваат исклучително шокантни сведоштва. Обвинителите најавија сведочења за „години физичко малтретирање, принудни сексуални маратони и повеќекратни силувања“.
Комбс е во притвор во Бруклин од неговото апсење во септември 2024 година. Тој беше уапсен откако властите ги претресоа неговите луксузни вили во Лос Анџелес и Мајами, каде што наводно беа пронајдени автоматски пушки АР-15 и илјадници шишиња лубрикант.
Се очекува судењето да трае помеѓу осум и десет недели.