Забава
Сопругата на Брус Вилис сама со децата, а тој во карантин со Деми Мур

Брус Вилис (65) не остава впечаток дека би сакал да си отиде од својата поранешна љубов Деми Мур (57) бидејќи веќе неколку недели е во карантин со неа и децата во нејзиниот семеен дом.
На фотографијата што ја објави Деми се гледа и Брус, како и нивните деца, но и момчињата на нивните две ќерки и повеќегодишниот асистент на актерката.
„Семејниот книжевен клуб… Како да се владее со светот од овој кауч – карантинско издание“, напиша Деми.
Иако не е во преден план, сите веднаш го забележаа Вилис како седи зад Деми и нивните деца.
Деми и Брус беа во брак од 1987 до 2000 година и имаат три ќерки, а набргу по разводот, тие се венчаа со нови партнери.
Брус беше присутен дури и на свадбата на Деми Мур и нејзиниот втор, сега поранешен сопруг Ештон Кучер, во 2005 година, а минатата година Деми беше на обновувањето на заветот на Брус со сопругата Ема Хеминг, со која има две ќерки.
Тие се едно големо среќно семејство, така што Брус и Ема ѝ беа голема поддршка на Деми кога минатата година ги објави своите мемоари со наслов Inside Out.
Сепак, колку и да се добри, сите се прашуваат каде е неговата сегашна сопруга Ема Хеминг Вилис (41), со која е во брак од 2009 година и има две деца – Мејбл (8) и Евелин (5).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Андријана Јаневска ја изведе „Ако утре ме нема“ од ДНК: Еден од најтешките настапи во мојата кариера…

„Еден од најтешките настапи во мојата кариера… ‘Ако утре ме нема’ од ДНК ја изведов во придружба на Битолскиот камерен оркестар и Благојче Трајковски на кларинет“, напиша пејачката Андријана Јаневска на социјалните мрежи и објави снимка од настапот.
Забава
(Видео) Ед Ширан настапи на улица и ги воодушеви минувачите

Британскиот пејач и текстописец Ед Ширан ги воодушеви обожавателите, минувачите и патниците со уличен настап во Лондон.
Ширан (34) свиреше на акустична гитара пред железничката станица Кингс Крос во петокот, облечен во впечатлива розова маица. Тој ја изведе новата песна „Азизам“, како и хитовите Perfect, Bad Habits и Shivers.
View this post on Instagram
Пејачот, познат по хитовите Shape of You и Thinking Out Loud, по настапот напиша објава на „Инстаграм“, во која атмосферата ја опиша како неверојатна.
Една случајна минувачка, која чекала меѓу возовите, изјави дека имала неверојатна среќа што била сведок на таква ѕвездена изведба.
Забава
Принцот Хари не сака Меган да објавува фотографии од децата?

Принцот Хари наводно не е премногу среќен што неговата сопруга Меган Маркл ги користи децата за да го промовира својот нов бренд As Ever.
Кралскиот уредник на британски „Сан“, Мет Вилкинсон, тврди дека војводата и војвотката од Сасекс не се синхронизирани кога станува збор за објавување фотографии од нивните деца, принцот Арчи (5) и принцезата Лилибет (3) ,на социјалните мрежи.
„Колку што сум запознаен, Хари би сакал неговите деца да останат надвор од очите на јавноста до одредена возраст“, рече Вилкинсон во петокот во A Right Royal Podcast.
View this post on Instagram
Од друга страна, Вилкинсон тврди дека Меган има поинаков став: „Таа порасна во Калифорнија и претходно веќе кажа дека сака да има калифорниски начин на живеење – да ги однесе на плажа, да излезат, да бидат активни“. „Таа не сака да ги крие“, рече новинарот иако забележа дека Маркл сè уште не ги покажува јасно лицата на своите деца, туку ги користи за да го претстави својот имиџ како мајка и домаќинка. „Хари, веројатно, не е премногу среќен поради тоа“, додаде Вилкинсон.