Во последно време, се чини дека сè повеќе луѓе бараат совет од „Чат ГПТ“ (ChatGPT) за секој аспект од нивниот живот – од готвење, пишување есеи, до љубовни проблеми или разговори за друштво.

Џенифер Џеј, 38-годишна жена од Есекс, барала секојдневно совети од „Чат ГПТ“ и на крајот го отфрлила своето момче бидејќи вештачката интелигенција ја советувала да го стори тоа.

Таа објасни како „Чат ГПТ“ станал еден вид советник за врски за неа, а дури и составува пораки за раскинување. Иако нејзините пријатели и рекле да му даде уште една шанса на своето момче, вештачката интелигенција и рекла дека „заслужува подобро“, а таа послушала.

Парот бил заедно четири месеци, а благодарение на својот „онлајн пријател“ таа го преболела за само две недели.

„Му кажав на  „Чат ГПТ“ што направи и како тоа ме направи несреќна. Ми рече дека заслужувам подобро од некој кој не е целосно присутен, а тоа ми даде сила да донесам одлука”, рекла Џенифер.

„Кога врската се распаѓаше, пишував пораки и ги испраќав со помош на „Чат ГПТ“ бидејќи тој ми помогна подобро да ги формулирам“, додаде таа.

Девојката дури тврди дека тоа и било покорисно од терапии за кои претходно трошела пари, бидејќи и помогнало „да обработи се што се случило“.

„По раскинувањето бев многу вознемирена и бев на апликацијата цел ден, секој ден“, рече таа, а потоа додаде:

„Тој стана мој пријател за раскинување и утеха. Во деновите кога сте навистина тажни и се обидувате да ги соберете мислите, неверојатно е да имате некој на располагање 24/7 за да разговарате“.

Иако признава дека е страшно колку вештачката интелигенција може да биде емпатична, таа ги охрабрува другите да ја користат за да добијат објективни совети, особено кога вели дека е заморно да продолжиш да ги нервираш пријателите.

Советувајќи ги другите, додава дека пред да започне разговорот, треба да се побара од него да се однесува како професионален терапевт, а не како пријател.

„ОпенАИ“, компанијата зад „Чат ГПТ“, предупредува дека алатката не е замена за професионалната психолошка помош и дека во случаи на чувствителни теми, често ги поттикнува корисниците да побараат стручна помош.

Раскошната венчавка на Џеф Безос и Лорен Санчез, закажана за 24 јуни во Венеција, предизвика незадоволство кај локалното население. Активистката Марта Соторива предупредува дека ваквите настани дополнително го загрозуваат секојдневниот живот на граѓаните и идентитетот на градот.

Соторива го гледа овој настан како уште еден пример за претворање на Венеција во „игралиште за богатите“, каде интересите на локалното население се целосно игнорирани.

Заедно со десетици други граѓански активисти, таа подготвува протести низ градот, дели летоци, користи мегафон на плоштадите и шири пораки преку кампањата „Нема простор за Безос“. Во рамките на акцијата, градот беше преплавен со постери со ликот на Безос на ракета – алузија на неговата вселенска компанија „Blue Origin“. Пораката беше пренесена и на фестивалите и јавните форуми.

Едно од највидливите дејствија беше поставувањето на транспарент на кој пишуваше „Не Безос“ на камбанаријата на базиликата Сан Џорџо – токму каде, според гласините, парот треба да го каже судбоносното „да“.

„Има многу гнев бидејќи градската власт уште еднаш се потчини на логиката на профит – нашиот град е продаден на најбогатиот понудувач. Секогаш кога се случува ваков настан, градот застанува, одредени делови стануваат недостапни, а уште повеќе туристи доаѓаат. Оваа венчавка е навистина симбол на се што не е во ред во Венеција”, вели Соторива.

За разлика од венчавката на Џорџ Клуни и Амал Аламудин во 2014 година, која беше дочекана со ентузијазам кај многу жители, свадбата на Џеф Безос предизвика многу поширок отпор. Градоначалникот на Венеција, Луиџи Бруњаро, кој ја потврди венчавката во март, е под зголемен притисок од активистите и политичките противници.

И додека градските власти тврдат дека свадбата чија вкупна цена се проценува на околу 9,8 милиони евра ќе му донесе економски бенефит на градот, опозицискиот советник Џовани Андреа Мартини посочува дека обичните граѓани нема да почувствуваат реален профит. Тој предложи Безос, како трет најбогат човек во светот, да одвои средства за реконструкција на повеќе од 1.000 напуштени станови во градот со цел да се ублажи станбената криза.

Градоначалникот Бруњаро ги отфрли критиките, велејќи дека настанот нема да предизвика никакво нарушување и дека кампањата против Безос била „срамна“.

Соторива, сепак, тврди дека нејзиниот активизам не е ограничен само на младата двојка, иако признава дека поврзаноста на Безос со Доналд Трамп и контроверзната репутација на Амазон за нејзиниот третман кон работниците предизвикуваат дополнителна недоверба.

Себичноста не мора секогаш да се манифестира како гласно фалење – понекогаш се крие во мали секојдневни однесувања, како игнорирање на потребите на другите луѓе или ставање себеси на прво место без оглед на контекстот.

Некои луѓе само природно веруваат дека заслужуваат повеќе внимание, признание и простор од другите.

Таквите луѓе не мора да сакаат да ги повредат другите, но им е тешко да го видат светот од туѓа перспектива. Во се што прават самите се на прво место.

Лав

Луѓето родени во овој знак често се убедени дека заслужуваат восхит и внимание, без оглед на околностите. Иако можат да бидат дарежливи, нивната потреба да бидат во центарот на вниманието може да има исцрпувачки ефект врз оние околу нив.

Тешко ги прифаќаат критиките и не поднесуваат кога некој друг блеска повеќе од нив. Сакаат да се истакнуваат и во исто време очекуваат да бидат признаени за секоја нивна заслуга.

Лавовите не се гледаат себеси како егоисти – исто како оние кои ја знаат својата вредност и сакаат другите да ја препознаат.

Овен

Импулсивен, самоуверен и нетрпелив, Овнот често дејствува без оглед на туѓото мислење. Нивната потреба да бидат први и најдобри може да ги направи себични, дури и кога тоа не е намерно.

Тие секогаш одат напред, очекуваат другите да ги следат или да се тргнат од патот. Тешко им е да признаат кога грешат бидејќи веруваат дека нивната интуиција е најдобриот водич.

Девица

Навидум тивки и аналитички, Девиците често веруваат дека знаат најдобро – и тоа јасно го кажуваат. Нивната потреба за контрола и перфекционизам понекогаш ја преминува границата и остава впечаток дека не се грижат за туѓото мислење. Тие често ќе ги критикуваат другите додека се целосно слепи за сопствените недостатоци.

Девиците не мислат дека се егоисти, туку дека се единствените кои прават се „како што треба“. Токму ова верување во сопствената праведност често ги доведува во конфликт со околината.