Забава
Средба Трамп – Путин во Маврово?!
Можна ли е нова средба помеѓу претседателите на Соединетите Американски Држави и Руската федерација, Доналд Трамп и Владимир Путин, токму кај нас, во Маврово? Доколку ваква средба се оствари, таа ќе биде втора по онаа во Хелсинки каде двајцата лидери дискутираа за светската безбедност, но и за наводното руско мешање во претседателските избори од 2016, настан за кој американскиот специјален обвинител Роберт Мулер води тековна истрага. Наводната блискост помеѓу двајцата лидери и Трамповото оддалечување од американските класични партнери од Европската Унија, според многумина експерти, сигнализира нов светски поредок.
Ваквата можна средба помеѓу Трамп и Путин не е невозможа, но е секако неверојатна да се случи токму во Маврово. Причините за тоа се во огромен број, но сепак енигматичниот наслов проследен со прашалници беше доволно интригантен за да кликнете на оваа лажна вест.
Што ја прави оваа вест лажна? Секако фактот дека никаде во текстот не е потврдено она кое е поставено како прашање во насловот. А за таква средба (било во Маврово или каде и да е) сè уште не станало збор. Веројатноста дека лидерите би се сретнале во некоја локација што ќе е посигурна за обезбедување и подостапна од Маврово е голема. Но тоа не нѐ спречи да ја објавиме оваа вест и да собереме кликови.
Зошто го направивме ова? Секако не за да ви го потрошиме времето залудно туку да ве алармираме и едуцираме како полесно да можете и самите да препознаете лажна т.н. „кликбејт“ вест. Наредните неколку недели на нашата фејсбук-страница, како и на сајтот zdravozagotovo.mk ќе можете да проследите серија од 4 едукативни видеа за тоа како да препознаете и како да се борите против најновиот глобален проблем – лажните вести или популарно наречените „фејк њуз“. Во очекување на првото видео погледнете ја најавата, следете нѐ на социјалните медиуми и не земајте здраво за готово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Британец се обидел да направи торта за внуката која ја обожува Тејлор Свифт, фотографиите станаа вирални
На социјалните мрежи кружат вирални фотографии од Британец, кој сакал да ја расположи својата внука, која инаку е голем фан на пејачката Тејлор Свифт.
Кит Сковел се пофали со торта инспирирана од пејачката во група на Фејсбук, а неговото дело набрзо стана вирално.
„Не очекував да бидам толку исплашен денес“, „Дали внука ти можеби имаше кошмари после тоа?“, „По ова ми треба терапија“, „Ова ми требаше денес , фала на смеењето“, „Ја погоди скрос“, се дел од коментарите.
This Taylor Swift cake has just made my week. pic.twitter.com/7UjnmXzBVY
— Claire Thompson She/Her (@thompoclaire) October 10, 2024
Инаку, Тејлор Свифт официјално стана најбогатата музичарка во светот со проценета нето вредност од 1,6 милијарди долари. Пејачката стана милијардерка по огромниот успех на нејзината турнеја Ерас минатата година, надминувајќи ја Ријана, чие богатство се проценува на 1,4 милијарди долари.
Забава
Кои биле најбогатите луѓе во Југославија – рекордот го држи граѓанин на Скопје, а на листата нема политичари
Најбогатите луѓе во поранешна Југославија се најдоа на листата на магазинот ТОП од 1988 година. Она што е особено интересно е што на списокот нема политичари.
Во февруари 1989 година, Даночната управа презентираше прелиминарна листа на најбогати граѓани од претходната година, во која беше наведено дека најголеми приходи пријавиле приватни ресторани, пејачи, композитори на народна музика, претставници на странски компании, фудбалери, ликовни уметници, новинари и универзитетски професори.
Интересно е што на оваа листа нема политичари, а вреди да се нагласи и дека даночната основа не беше еднаква за цела Југославија и се пресметуваше според оваа формула: просечен приход помножено со три.
Апсолутен рекордер е приватен угостител од Скопје, кој пријавил дека во 1988 година остварил заработувачка од 171 милион динари.
Во Белград најголема заработка забележал пејач на народна музика (142 милиони динари), во Загреб претставник за продажба (61 милион динари), а во Љубљана академски скулптор (28 милиони динари).
Забава
Хороскоп за милијардери: во кои знаци се раѓаат најбогатите луѓе
Најбогатите луѓе во светот често припаѓаат на знакот Вага.
Најмалку милијардери, само осум, припаѓаат на знакот Јарец, но меѓу нив е и Џеф Безос.
Астрологијата вели дека распоредот на ѕвездите во моментот на раѓање ја одредува нашата судбина. Некои веруваат дека тоа е вистина, други пак, дека секој е креатор на својата среќа. Меѓутоа, хороскопските експерти утврдиле кои знаци се најбогати, односно во кој период од годината се родени најбогатите луѓе на светот. Тие ја погледнале листата на милијардери на Форбс и дошле до заклучок дека повеќето од нив припаѓаат на знакот – Вага.
Во хороскопот на милијардерите, дури 27 од најбогатите луѓе на денешницата се Ваги. Во таа група е и познатиот американски дизајнер Ралф Лорен.
Второто место им припаѓа на Рибите, а меѓу 22-те супербогати личности се најдоа бизнисмените Руперт Мардок и Бернард Арно, директор на групацијата LVMH.
Третото место го делат Лав, Рак и Бик со многу познати имиња како Илон Маск, Ричард Бренсон, Марк Цукерберг. Најмалку милијардери, „само“ осум, припаѓаат на знакот Јарец. , но меѓу нив е и Џеф Безос .
Ким Кардашијан, чие богатство се проценува на 1,2 милијарди долари, на 21 октомври слави роденден, што значи дека припаѓа на знакот Вага. Ријана е побогата за двесте илјади долари. Таа е Риба. Музичкиот магнат Џеј Зи, кој има две ипол милијарди на сметката, е роден во знакот на Стрелец.