Забава
Српската хип-хоп/треш дива Сајси MC ќе настапи на Beach Film Festival
Сајси MC, српската хип-хоп/треш дива, на 21 јули ќе настапи на првото издание на Бич филм фестивал на плажата Оревче, Охрид, во соработка со „Блендер“ .
Ивана Рашиќ или попозната како Сајси МС, е српска хип-хоп уметница. Со музика се занимава од 2002 година, а својот прв албум „Далеку е Дизни“ објавен во 2010 година. Но, нејзината популарност се зголемува со соработката со диџејот БКО (dj B.k.o) и Тијана Ранчиќ. Од оваа соработка се остваруваат хитовите „Антифа кучке“ (Antifa kučke), „Надркано одење“ (Nadrkano hodanje) и „Гледај“ (Gledaj), а по овој успех след и-пи изданието „Поквареница“ (Pokvarenica).
Сајси МС и диџеј БКО веќе работат на нов материјал од кој веќе се појавија сингловите „Знам што сакате“(Znam šta ste hteli), „Клап Клап“ (Clap clap) и „Поп Поп“ (Pop pop) кои треба да се најдат на албумот „Работа, работа и само блеја“ (Rad, rad i samo bleja).
Настапот на Сајсиi MC, познатата треш/поп балканска кралица е резултат на соработката помеѓу „Бич филм фестивал“ и „Блендер“, фестивалот за децентрализирана култура, кој се труди да ги поттикне и поддржи индивидуалците и организациите во промовирањето на културата и уметноста во балканските мултиетнички општества, меѓу кои и Македонија.
Пред настапот ќе има проекција на два кратки и еден игран филм од официјалната програма на фестивалот „Бич филм фестивал“. Блендер во рамкиоте на овој фестивал ќе се претстави и со проекција на филмови од раната германска филмска продукција, односно со филмот „М-град бара убиец“ од 1931 година во режија на Фриц Ланг, како и блок анимирани авангардни филмови во Германија во 1920-тите и 1930-тите. Овие настани се поддржани од Министерство за култура на Република Македонија и Гете институт-Скопје.
Билетите за проекциите се бесплатни, додека, пак, билетот за концертот на Сајси МС заедно со филмовите од официјалната селекција на 21 јули на Beach Film Festival е 200 ден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Настап на Скопски Брас Квинтет во Загреб и Риека со музика од Тоше Проески
Скопскиот Брас Квинтет, во соработка со Скопскиот Брас Фестивал, ќе одржи два концерта во Хрватска, по повод 17-годишнината од смртта на Тоше Проески.
Концертите ќе бидат одржани во македонската православна црква Св. Злата Мегленска во Загреб (16.10) и ХКД на Шушак, Риека (18.10).
Концертот, инаку насловен „Брас Фантазија за Тоше“, беше одржан во Скопје на 25.12.2023 пред исполнетата Мала Сала на Н.У. Филхармонија, а со план потоа да биде изведен низ поранешните југословенски републики каде и ден денес одѕвонуваат рефрените на Тоше Проески.
Аранжманите на песните ги направија познатите македонски џез музичари и аранжери Трајко Велков и Зоран Костадиновски, а македонската публика навистина позитивно ги прифати истите, поздравувајќи ги авторите на овие аранжмани со бурни аплаузи при концертот во Скопје.
„Сакаме да изразиме огромна благодарност до МПЦО Св. Злата Мегленска, Советот на македонското национално малцинство на Град Загреб, Македонското културно друштво “Илинден” и Министерството за култура на Македонија, кои помогнаа овој проект да се оствари и да биде изведен пред хрватската публика“, се наведува во соопштението
Забава
„Нејзината мајка е најпосакуваната жена на светот, а таа изгледа вака“: коментарите за ќерката на Џеј Ло се безмилосни
Секогаш кога Џенифер Лопез се фотографира со нејзината ќерка Ема (16), грдите коментари на нејзината сметка не престануваат да се нижат.
На ќерка и и се замерува што не тргнала по стапките на својата мајка и што изгледа „несредено“, „валкано“, „мажествено“ и „неуредно“.
Ема и претходно беше мета на критики токму поради тоа што има свој личен стил и не се облекува како нејзината привлечна мајка. Овој пат Ема го привлече вниманието со интересна фризура и автентичен стил, типичен за тинејџерите. Сепак, иако Џенифер Лопез се труди да ја држи подалеку од очите на јавноста, на Ема не и е лесно да порасне со товарот на популарноста.
Џенифер Лопез е мајка на близнаците Макс и Ема, кои ги имаше во бракот со поранешниот сопруг Марк Ентони. Иако Макс ретко се гледа во јавноста, Еме често се појавува со нејзината мајка додека заедно пазаруваат или одат на часови по танц.
Ема, 16-годишна тинејџерка, моментално е окупирана со полагање на последниот испит во автошкола. Позната по своите лежерни комбинации на аутфит, овој пат остана доследна на својот стил – црни фармерки и маица и разбушавена фризура.
Иако нејзината мајка е симбол на стандардите за убавина, Ема за себе избира поинаков пат.
Забава
Брус Вилис снимен во автомобил, новите фотографии ги растажија фановите
Брус Вилис ретко се појавуваше во јавноста откако му беше дијагностицирана афазија, јазично нарушување, во 2022 година, а потоа премина во фронтотемпорална деменција.
Единствениот пат кога обожавателите можат да го видат е кога папараците ќе го фатат додека се вози низ Калифорнија. Деновиве тој се релаксираше со својот телохранител на возење низ Лос Анџелес.
Брус седеше на совозачкото седиште и имаше тажен израз на лицето.
Секоја нова фотографија на познатиот актер ги растажува неговите обожаватели бидејќи се навикнати да го гледаат насмеан.