Хармоникашот Мишел Трајковски и познатата актерка Јана Стојановска ја претставуваат својата најнова креација – песната „Весник“. Ова дело е уникатна комбинација на музика и актерска емоција, која допира до душата на слушателите.

Видео записот за „Весник“ е снимен на неколку препознатливи локации низ Скопје, доловувајќи ја убавината и магијата на градот. Со впечатливи визуелни елементи и моќна изведба, песната носи порака за љубов, носталгија и животните патишта.

Оваа соработка ја истакнува способноста на уметниците да создадат нешто навистина посебно, обединувајќи две различни, но комплементарни уметнички форми. Песната „Весник“ е на пат да стане вистински хит, инспирирајќи ги слушателите со својата искреност и емоција.

Музиката, текстот и аранжманот се на Мишел Трајковски.

Има една земја сонце што ја грее, оди таму, в’ срце земи ја, слушни вечна песна таму што се пее: Нека живеј Македонија!… дел од стиховите на една од трите најавени нови преработки со наслов „Има една земја“, а која ќе биде отпеана на концертот „Македонијо во срце те носиме“ закажан на 7 декември во Филхармонија.

Песната е со потписот на Григор Копров, а е отпеана во далечната 1986 година од страна на легендарниот Гоце Николовски и се нашла на албумот што го носел неговото име. Песната носи моќни стихови, а во себе крие и интересна приказна за тоа како станала дел од опусот на Николовски, кој во тоа време живеел во Ниш, пеел шлагери и бил дел од една од легендарните нишки групи, познатите Далтони. Набрзо влегол во етно водите и светот на народната музика, а токму со Копров работел на споменатиот албум кој бил издаден за РТВ Словенија. Всушност тоа бил неговиот прв фолк албум.

„Кога го побаравме Копров беше изненаден што некој воопшто се сетил на оваа композиција која одлично се вклопува во целата наша приказна што ја раскажуваме во изминатите две години. На сцената на Филхармонија сега ќе биде отпеана во дует и тоа од Сузана Спасовска и Александар Тарабунов“, велат од Скендеровски продукција, инаку задолжени за целата ова убава приказна која се раскажа во сите поголеми градови ширум земјата.

Освен „Има една земја“, веќе добро познатите 12 нумери кои публиката имаше можност да ги чуе, на сцената ќе ја чуеме и „Молитва“ на авторот Миле Барбаровски, а што ќе ја отпее Бојана Скендеровски. За преработките, но и оркестрациите ќе се погрижи маестро Николче Мицевски, додека симфонискиот оркестар ќе музицира под диригентската палка на Сашо Татарчевски.

Низ целиот музичко-драмски перформанс, пак, публиката ќе ја води актерот Дејан Лилиќ.

7 декември со почеток од 20:00 часот бидете во Филхармонија, бидете дел од завршниот концерт во рамки на приказната „Македонијо во срце те носиме“ за уште еднаш да ја обоиме Македонија со најубавите звуци и да се потсетиме на аманетот што ни го оставиле генерациите пред нас, велат од продукцијата.

Сите заедно да уживаме во дел од најубавите македонски патриотски песни, и изведбите на Бојана Скендеровски, Миле Кузмановски, Сузана Спасовска, ДНК, Наум Петрески, Зуица Лазова, Александар Тарабунов, Мина Блажев, Андријана Јаневска, Марија Спасовска, Огнен Здравковски и Ламбе Алабаковски, додаваат во соопштението.

Ѕвездата од серијата „Очајни домаќинки“, Тери Хачер (59), ужива во самечкиот живот.

Тери го сними божиќниот филм How to Fall in Love by Christmas и гостуваше во емисијата Sherri Shepherd. Таму, меѓу другото, зборуваше и за својот љубовен живот. Таа призна дека состанувањето во последно време ѝ изгледа малку досадно.

 

View this post on Instagram

 

A post shared by Sherri (@sherrishowtv)

„Што се однесува до мене – луѓето ме прашуваат дали се гледам со некого, а јас секогаш велам дека веќе не одам на состаноци многу често. Порано одев на состаноци, го гледав човекот што седеше спроти мене и си мислев: „Добро, се прашувам дали ќе завршиме во кревет“. И сега ги гледам и се прашувам кога ќе треба да му ја сменам пелената на тој човек. Едноставно, веќе не е толку забавно“, рече Тери.

„Не излегувам многу. Најчесто се гледам со мојата мачка“, рекла таа и објаснила дека „дружењето со мачката е подобро од кој било состанок“. Водителот потоа ја советуваше да почне да излегува со помлади мажи бидејќи очигледно тоа функционира за Шер, која е 37 години постара од момчето Александар Едвардс.

 

View this post on Instagram

 

A post shared by Teri Hatcher (@officialterihatcher)

„Луѓето ми велат: ‘Не можеме да веруваме дека не излегуваш, сигурно стојат во ред пред вратата’. Им велам: ‘Не. Ја отворам вратата одвреме-навреме, нема никој’“, додава актерката.

Иако Хачер сега е сама, таа претходно беше во брак двапати – со Џон Тени од 1994 до 2003 година и со Маркус Литхолд од 1988 до 1989 година.