Забава
Тајландскиот крал избега од коронавирусот на Алпите и си направи харем

Тајландскиот контроверзен крал Маха Ваџиралонгкорн (67) ужива во самоизолација во луксузен хотел сместен на Алпите.
Кралот го резервирал целиот хотел со 4 ѕвездички кога објектот добил посебно одобрение од градскиот совет дека во него може да се престојува и покрај пандемијата на коронавирусот.
Наместо да се придржува кон мерките, Маха направил приватна забава со дваесет жени во хотелот. Странските медиуми пишуваат дека станува збор за слуги, но и за љубовници. Не е познато дали неговата сопруга била во хотелот за време на забавата.
Градскиот совет соопшти дека ги затвориле сите хотели поради Ковид-19, но погоренаведеното сместување е исклучок бидејќи луѓето во него се дел од хомогена група.
Многубројни активисти го нападнале Ваџиралонгкорн на социјалните медиуми и напишале дека тој бил на службено патување во Германија на почетокот на март. Инаку, десетици илјади граѓани ги ризикуваа своите животи имајќи предвид дека би можеле да добијат затворска казна до 15 години ако се навреди монархијата.
Кралот не е омилен меѓу својот народ. Тој ја наследи титулата пред четири години по смртта на татко му Бумибол, кој владееше 70 години. Маха денес се смета за најбогат монарх во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Северина сподели снимка со нејзината мајка Ана на Денот на мајките, танцуваа на песна од Дино Дворник

Северина посвети објава на социјалните мрежи на својата мајка Ана за Денот на мајките.
„На најдобрата мајка (и баба и прабаба) на светот, среќен Ден на мајките. Нејзината топлина, грижа и детска душа нè држи сите заедно“, напиша 53-годишната пејачка во описот на видеото во кое таа и нејзината мајка се забавуваат на песна од Дино Дворник.
Пејачката претходно во неколку наврати нагласи дека нејзината мајка е нејзината најголема поддршка.
Забава
Том Круз даде ретка изјава за Никол Кидман во интервју

Во 1990 година, 28-годишниот Том Круз се ожени со 23-годишната Никол Кидман. Во текот на следните 11 години, тие снимија три филма и посвоија две деца, пред да се разведат во 2001 година.
Тие глумеа заедно како вереници во филмот Days of Thunder, кој беше објавен во јуни 1990 година, а се венчаа во декември. Подоцна ги направија Far and Away (1992) и Eyes Wide Shut (1999), последниот филм на режисерот Стенли Кјубрик.
Сеќавајќи се на Eyes Wide Shut и како ги добија главните улоги, Круз изјави за списанието „Sight and Sound“ дека долетал до куќата на Кjубрик, го прочитал сценариото претходниот ден и го поминал целиот ден разговарајќи за филмот со режисерот. Тој додаде дека ги знае сите негови филмови.
Тој ја пофали Никол Кидман, што е реткост бидејќи ретко зборува за својот приватен живот. Тој рече дека во тоа време тој и Кjубрик се запознавале подобро, а за улогата ја предложил Никол бидејќи, како што вели, таа е одлична актерка.
Круз рече дека бил многу заинтересиран за филмот и сакал да го доживее. Тој објасни дека пред снимањето, прави многу подготовки, истражува и поминува време со луѓе за да можат сите подобро да се разберат и заедно да создадат нешто посебно.
Забава
Северина се фотографираше во пилотската кабина, патуваше за Копенхаген

Северина објави фотографии од авионот на Инстаграм. Таа седеше во пилотската кабина и позираше, насмевнувајќи се. Во описот на објавата, таа откри дека патува за Копенхаген, каде што имаше настап.
„Се гледаме во Копенхаген, во прекрасната сала Албертслунд / MusikTeatret. Едвај чекам да ги уклучам рацете на продолжување и да ве прегрнам сите… А вие ми ги скратувате маките и го испишувате мојот репертоар…“, напиша 53-годишната пејачка.