Забава
„Тесла“: Возилото што се удри во Калифорнија, било вклучено на автопилотско возење
![](https://makfax.com.mk/wp-content/uploads/2018/03/Tesla-avtopilot.jpg)
Производителот на електрични автомобили „Тесла“ соопшти дека возилото кое доживеа фаталната несреќа во Калифорнија, било вклучено на автоматски режим, што пак од друга страна, подигна дополнителни прашања за безбедноста на технологијата на авто-возењето, објави Би-Би-Си.
Еден од моделите X на компанијата, минатата недела се удри во бетонска бариера на патот и се запали. Од „Тесла“, велат дека 38-годишниот возач, кој починал кратко по ударот, брзо пред несреќата, го активирал автопилотот. Но не објаснија дали системот ја детектирал конкретната бариера.
“Возачот добил неколку визуелни и едно звучно предупредување претходно во возењето. Рацете на возачот не биле на воланот шест секунди пред ударот. Возачот имал околу пет секунди и 150 метри непречен поглед на конкретниот бетон.. но записите на возилото покажуваат дека не е преземено никакво дејство” се вели во соопштението на веб-страницата на компанијата.
Автоматскиот системот на „Тесла“ може да сопира, забрзува и управува самостојно под одредени услови, но е класифициран како систем за помош на возачот, не е наменет да работи самостојно, поради што, возачот треба да има постојано раце на воланот.
Во 2016 година, возач на возило на „Тесла“ загина на Флорида, кога неговиот автомобил не успеа да забележи камион кој го преминал патот.
Тоа ја навело компанијата да воведе нови безбедносни мерки, како што е исклучувањето на автопилотот и доведување на автомобилот до прекин, доколку возачот долго време не ги ставил рацете на воланот.
Несреќата во Калифорнија се случува во многу тешки моменти за автопилотската технологија. Претходно овој месец, на „Убер“ му беше забрането да ги продолжи тестирањата за автопилотско возење во сојузната американска држава Аризона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Дејвид Бекам фотографиран на Вимблдон, беше со мајка си
![](https://makfax.com.mk/wp-content/uploads/2024/07/Screenshot-2024-07-02-114323.jpg)
Почна Вимблдон, а на трибините веќе е снимен и пензионираниот фудбалер Дејвид Бекам.
Дејвид никогаш не го пропушта овој тениски турнир.
Тој е снимен на трибините со мајка си Сандра Вест, со која е многу близок. Фотографите ги уловија во кралската ложа заедно со други познати личности.
View this post on Instagram
Дејвид и Сандра го следеа мечот на Британката Ема Радукана, на која Дејвид ѝ е голем обожавател, и Русинката Екатерина Александрова. Иако Сандра не се појавува често во јавноста, таа оди на Вимблдон речиси секоја година.
„Дејвид и мајка му се обидуваат да одат на натпреварите секоја година. Тие се многу блиски, имаат посебен однос и двајцата уживаат во тенисот“, изјавил претходно извор за „Дејли мејл“.
Имено, Дејвид и минатата година беше снимен со мајка си на трибините. Тогаш фотографите го снимиле во неколку наврати како се проѕева, го трие челото и едвај ги држи очите отворени.
Сандра Џорџина Вест работеше како фризерка и се омажи за таткото на Дејвид, Алан, во 1969 година. Алан и Сандра имаат три деца, а се разведоа во 2002 година.
Забава
Џеј Ло беше фотографирана во ретко излегување со своите деца, особено внимание привлече синот Максимилијан
![](https://makfax.com.mk/wp-content/uploads/2024/07/285a5381-904b-4999-93a9-d7ade83634d0.jpg)
Џенифер Лопез беше фотографирана надвор со своите деца, близнаците Ема и Максимилијан, кои ги има со поранешниот сопруг Марк Ентони.
Тие се снимени во Лос Анџелес додека оделе на ручек. Особено внимание привлече Максимилијан, кој ретко се појавува во јавноста со својата мајка. 16-годишникот излезе во кошула на пруги, која ја скомбинира со карирани панталони и сива капа.
За излегувањето Еме носеше маичка со кошула со куси ракави и широки панталони преку неа. Поради својот стил, таа честопати го привлекуваше вниманието на јавноста и претходно. Многумина ја критикуваа дека ја имитира мајка си и го копира нејзиниот стил, но Еме ги игнорира ваквите коментари.
За потсетување, Џенифер и Марк беа во брак од 2004 до 2014 година. По разводот, тие останаа во добри односи и заедно ги воспитуваа децата.
Забава
Два хороскопски знака што не сакаат да се на одмор, размислуваат само за работа
![](https://makfax.com.mk/wp-content/uploads/2024/07/hy.jpg)
Повеќето луѓе едвај чекаат да се тргнат од секојдневните обврски и да уживаат во безгрижноста на годишниот одмор, но има и такви што не може целосно да го исклучат мозокот и да престанат да размислуваат за работа. Овие хороскопски знаци се вистински работници, посветени на својата работа до тој степен што ниту сонцето, морето и песокот не може да ги одвлечат од работните задачи.
Јарец
Јарците се познати по својата неверојатна работна етика и посветеност на работата. Тешко им е да се опуштат, дури и кога се на одмор бидејќи нивните мисли секогаш се насочени кон постигнување на целите и напредок во кариерата. Тие веруваат дека клучот за успехот е постојан напор и постојано подобрување.
Тие се природни лидери и стратези, кои секогаш го планираат следниот чекор. На одмор, додека другите уживаат во коктели и сончање, Јарците размислуваат за деловни проекти, рокови и како да ги подобрат своите вештини. Нивната амбициозна природа не им дозволува целосно да се исклучат бидејќи се плашат дека би можеле да пропуштат важна шанса или да го изгубат чекорот со конкуренцијата. И додека пријателите се обидуваат да ги убедат да се опуштат, Јарците секогаш гледаат во далечината замислувајќи нови деловни победи.
Девица
Девиците се аналитичари и се стремат кон совршенство. Тешко им е да се опуштат бидејќи постојано размислуваат за сите детали од работата што треба да ја завршат. Девиците се неверојатно посветени на својата работа и секогаш бараат начини да ги подобрат своите перформанси и ефикасност. Луѓето родени во овој знак не може целосно да си го исклучат мозокот кога се на одмор.
Нивните умови се зафатени со размислување за деловни задачи, анализа на податоци и планирање идни проекти. Нивната предност за организација и ред ги прави неспособни да се предадат на релаксација. Тие веруваат дека секогаш има нешто што може да се подобри, па дури и на одмор размислуваат како да ги оптимизираат работните процеси и да бидат уште попродуктивни кога ќе се вратат на работа.