Забава
(Видео) Тина Тарнер – жена која имаше неверојатен глас и енергија

Тина Тарнер беше еден од оние музички феномени кои со текот на времето ги надминаа не само жанрот и минливите трендови, туку и сите пречки со кои се соочуваа афроамерикнаските музичари.
Таа беше посебен вид на музичка легенда чија големина најверојатно никој нема да може да ја достигне.
Енергична, самоуверена… можеше да се препознае по нејзината силуета, фризурата која совршено одговараше на дивата и незауздана сила со која зрачеше.
Таа беше кралица на рокот, нејзиниот длабок и карактеристичен вокал не може да се помеша со која било друга пејачка пред или по неа.
Накратко, таа беше единствена.
По повеќе од 50 години кариера, Тина го одржа својот последен концерт во Шефилд на 5 мај 2009 година. Тогаш 69-годишната дива одлучи дека повеќе нема да пее. Таа им изјави на новинарите на Би-би-си години подоцна: „Тоа беше одлична изведба, навистина прекрасна. Но, тоа е тоа. Нема шанси за враќање на сцена.“
Половина век неуморни турнеи и концерти оставија белег врз неа. Многу вечери поминати во автобус, авион, автомобил или хотел.
„За мене постоеше само еден живот. Во еден момент решив дека повеќе не сакам да танцувам и пеам. Сакам да седам дома и да бидам нормална,” рекла таа.
А нејзиниот дом беше вила во близина на Куснахт на брегот на Циришко езерото, каде што живееше од деведесеттите. Тоа беше местото каде конечно најде мир во прегратките на својот сопруг, Германецот Ервин Бах.
Долго време се криеше фактот дека во последните години од животот била тешко болна.
По нејзината смрт во средата Мик Џегер напиша на „Инстаграм“: „Тажен сум поради смртта на мојата прекрасна пријателка Тина Тарнер. Таа беше неверојатно талентиран изведувачка и пејачка. Таа беше инспирација. Топла, духовита и дарежлива. Ми помагаше кога бев млад и никогаш нема да ја заборавам“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Мајмун упадна во ресторан во Црна Гора, им го изеде ручекот на гостите

Инцидент се случи во ресторан во Сутоморе – мајмун скокна од дрвјата на маса, а гостите избегаа во паника.
Видео од ресторан на црногорскиот брег остави многумина во шок, а коментарите се слеваа со брзина на светлината.
Главниот виновник е мајмун што влегол во ресторанот среде бел ден и ги оставил гостите без ручек.
View this post on Instagram
Забава
Меган Маркл открива како го прославила својот 44-ти роденден: „Ви благодарам за прекрасните 24 часа“

По враќањето на „Инстаграм“ на 1 јануари оваа година, Меган Маркл објавува повеќе детали од својот приватен живот отколку порано, секогаш посветувајќи барем една објава на важни датуми во животот на своето семејство. Овој пат таа објави за својот роденден и покажа како го прославила.
Таа објави фотографија од себе како ги дува свеќите на торта украсена со жолт хибискус и додаде емотивна благодарност. „Ги гасам свеќите по прекрасни 24 часа и им се заблагодарувам на мојот сопруг, пријателите и на семејството што го направија тоа толку посебно. На оние од вас што не ги познавам лично, но кои испраќаат љубов секој ден – ви благодарам од дното на моето срце. Знајте дека го чувствувам тоа и многу го ценам“, напиша таа.
Таа ја продолжи објавата заблагодарувајќи му се на персоналот во ресторанот во Беверли Хилс, особено истакнувајќи го готвачот Еван Фанке. „И да бидеме малку foodie: Синоќешната вечера беше меѓу петте најдобри оброци во мојот живот. Неверојатно искуство. Ви благодарам за прекрасната вечер“, додаде таа.
Меган исто така ја искористи прославата на својот роденден како можност да го промовира својот бренд As Ever претставувајќи нова етикета на розе вино од долината Напа, берба 2024. Таа објави видео со приказна на „Инстаграм“ во кое отвори шише и наздрави со зборовите: „Првото шише е отворено! На здравје за прекрасен ден. Нашето розе вино од Напа сега е достапно на As Ever“.
Забава
Хороскопски знаци што не може да го контролираат својот гнев

Сите понекогаш се лутиме, но некои хороскопски знаци се познати по тоа што се разгоруваат во еден миг. Нивните емоции се силни, нивните реакции се ненадејни, а нивниот фитил често е многу краток. Иако нивниот гнев ретко доаѓа од злоба, тој најчесто произлегува од чувствителност, импулсивност или длабока потреба за правда. Подолу, ви ги претставуваме знаците кои најчесто не можат да го контролираат својот гнев.
Овен
Овенот е познат како најжестокиот знак на зодијакот. Владејачката планета Марс им носи силна енергија, но и брз темперамент. Овенот реагира брзо, често пред да размисли, и тешко се воздржува во моменти на гнев.
Зошто се разгоруваат? Овенот не може да поднесе неправда, пасивност или одложување. Кога ќе почувствува дека некој не игра фер или не ги спречува, реагира бурно и импулсивно. Иако брзо се разгоруваат, исто така забораваат исто толку брзо, но понекогаш на оние околу нив им треба подолго време да се опорават од нивната реакција.
Шкорпија
За разлика од Овенот, кој брзо се разгорува и смирува, гневот на Шкорпијата е тивок, длабок и често долготраен. Кога се лути, Шкорпијата не секогаш го покажува тоа отворено, но нивниот внатрешен оган може да гори со денови.
Зошто се разгоруваат? Шкорпиите не можат да поднесат предавство, манипулација и нечесност. Тие ги чувствуваат работите интензивно, а кога некој ги повредува, нивната реакција често вклучува емоционална дистанца, одмазда или експлозивен конфликт – во зависност од тоа колку долго го потиснувале својот гнев.
Лав
Лавовите се огнени знаци кои се потпираат на гордост, авторитет и достоинство. Кога некој ги омаловажува, ги игнорира или им се заканува на статусот, тие можат да реагираат силно и драматично.
Зошто се разгоруваат? Лавовите не сакаат да бидат понижени или да се чувствуваат запоставени. Нивниот гнев често доаѓа од нарушено его. Иако се дарежливи и често простуваат, кога се чувствуваат оштетени, реагираат гласно и страсно.
Близнаци
Близнаците се познати по нивната брза досетливост и уште побрзи јазици. Кога нешто ги нервира, тие реагираат со зборови и без многу филтрирање. Нивниот гнев можеби нема да трае долго, но во момент на емоционален излив можат да кажат многу за што подоцна ќе се покаат.
Зошто се лутат? Близнаците тешко се справуваат со фрустрацијата, а уште потешко кога чувствуваат дека им е нанесена неправда или дека не се слушани. Нивната потреба да се изразат може да ги натера да кажат работи што не ги мислат од емоции.
Фото: принтскрин