Забава
Тиранијата на тенкоста сè уште доминира во модата
И покрај тврдењата дека модната индустрија сè повеќе вклучува манекенки со облини, податоците покажуваат дека тоа е само мачкање очи.
Во последните години неколку плус-сајз модели, како Палома Елсесер, добија медиумско внимание, но бројките покажуваат дека тие сè уште се во малцинство.
„Вог бизнис“ прегледа дури 9.137 облеки прикажани на 219 ревии одржани минатата сезона во Њујорк, Лондон, Милано и во Париз и откри дека само 0,6 отсто биле плус сајз – дефинирани како големина 14 или над 14, што всушност е просечната големина што ја носат повеќето жени во САД, а само 3,8 проценти биле со големина од 6 до 12.
Ова значи дека 95,6 отсто од облеките биле претставени во американски големини од 0 до 4. Паоло Волонте, професор по социологија на модата во Милано, тврди дека брендовите користат само неколку модели плус-сајз за да избегнат критики.
„Тоа е мачкање очи“, рече тој за АФП споредувајќи го овој феномен со, како што рече, циничниот манипулативен зелен маркетинг или екоманипулација, при што таа индустрија ја обвинуваат за празни климатски ветувања.
„Тие користат модели со облини во своите кампањи за да покажат инклузивност, но тоа го прават само за да го зачуваат системот заснован на тиранија на идеалот на витост“, рече Волонте. Дваесетгодишната студентка по право, која е и модел, Екатерина Ожиганова, тврди дека луксузните брендови, едноставно, одбиваат да претставуваат обични луѓе.
На жените што носат средна големина или мидиум-сајз обично им се кажува да изгубат тежина или да зголемат до XL“, изјави таа за АФП. „Не е здраво ниту првото ниту второто“.
Група на активистката Екатерина Ожиганова, која работи со името Model Law („закон за модели“), направила анкета според која 9 од 10 манекенки изјавиле дека се под притисок да ја сменат тежината, а повеќе од половина од нив тоа го доживуваат на дневна основа.
„Тешко им е да зборуваат за тоа,“ вели таа. „Ако се жалите, сите ќе ви кажат: душо, тоа ти е работа.“
Волонте објаснува како оваа опсесија со тенкоста почнала со појавата на техниките за индустриско производство. Дизајнерите порано создавале облека специфична за поединец. Во ерата на масовно производство се користат помали шаблони, кои се зголемуваат на поголеми димензии. Ова функционира до одредена големина по што дебелината и мускулите може да го променат обликот на телото на сложени начини.
„Многу е поскапо да се произведува и продава облека во поголеми димензии, а тоа бара поголема експертиза“, објаснува Волонте.
Имаше напори да се променат работите од раните 2000 години кога се проширија стравувањата дека моделите со нулта големина (size-zero) поттикнуваат анорексија кај младите луѓе.
Но, модата останува мода… Тоа е свет на фантазија и тоа никогаш нема да се промени суштински.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Забава
Се појавија фотографии од ирската претставничка на Евровизија без шминка и рогови, луѓето коментираат колку е убава
Евровизија 2024 ја одбележаа бројни скандали и поради дисквалификацијата на претставникот на Холандија, а сите постојано ја коментираат овогодинешната претставничка на Ирска, Бамбија Туг.
Сега на Твитер кружи видео од прес-конференцијата од првата полуфинална вечер на Евровизија 2024, каде Бамби за време на разговор со новинарите рече: „Да се биде квир и да се биде вештерка ме прави посебна личност“.
This is Bambie Thug, the Irish delegate for the Eurovision competition.
She uses they/them pronouns and describes herself as a “goth gremlin goblin witch.” Why don’t we have talent like this in the US? pic.twitter.com/maFeeJEKR7
— Dr. Jebra Faushay (@JebraFaushay) May 8, 2024
Исто така, се појавија фотографија од претставничката без шминка, а огромниот контраст ги изненади сите кои коментираат дека е многу убава.
Бамби Реј Робинсон е родена како жена, но се идентификува како „небинарна“ личност и претпочита да ја користи заменката „тоа“, наместо „таа“.
Забава
Холандија е дисквалификувана од финалето на Евровизија по инцидент што пејачот го предизвикал зад сцената
Холандскиот пејач Јост Клајн е дисквалификуван од Евровизија по инцидент зад сцената.
Изведувачот нема да пее на денешното финале на Евровизија, откако членка на продуцентската екипа до шведската полицја изнесе наводи за заплашување.
„Не би било соодветно да го продолжи натпреварот додека трае истрагата“, објави Европската радиодифузна унија (ЕБУ), организатор на Евровизија.
„Сакаме јасно да ставиме до знаење дека, спротивно на некои медиумски извештаи и шпекулации на социјалните мрежи, во овој инцидент не се вклучени други изведувачи или членови на делегацијата“, се додава во соопштението.
ЕБУ вели дека инсистира на политика на нулта толеранција за какво било несоодветно однесување и е посветена на безбедна и сигурна работна средина за сите што учествуваат на натпреварот.
Во овој поглед, однесувањето на Јост Клајн кон член на тимот се смета за кршење на правилата на натпреварувањето, додаваат од ЕБУ.
Клајн беше меѓу фаворитите за победа.
Исклучувањето на Холандија значи дека во финалето нема да има 26, туку 25 земји.