Забава
Три парчиња облека што секоја жена над 40 години треба да ги исфрли од плакарот

Каролина Херера, светски позната модна дизајнерка со повеќе од четири децении искуство во модната индустрија, еднаш откри дека стилот на облекување на жените над четириесет години бара одговорност и зрелост.
Не станува збор за откажување од вашиот шарм, туку за покажување на вашата мудрост и самодоверба преку внимателно одбрани парчиња.
Тексас
Според филозофијата на Херера, тексасот никогаш не бил наменет да одразува зрелост – напротив, тој евоцира младешка безгрижност.
Фармерките, јакните или здолништата направени од овој материјал треба да се заменат со парчиња изработени од фини, лелеави ткаенини и кроеви по мерка. Изберете елегантен крој и материјали кои не го следат премногу телото, туку и ласкаат на вашата фигура.
Премногу провокативни костими за капење и бикини
Иако секое лето бара освежително капење на плажа или покрај базен, избегнувајте бикини со екстремно длабоко деколте и тесен крој. Ваквите стилови можат да испратат погрешна порака за вашата зрелост и самодоверба.
Наместо тоа, одлучете се за софистицирани едноделни комбинезони или одржувајте ги вашите бикини минималистички, но гламурозни со внимателно одбрани детали што ја истакнуваат вашата женственост без да бидат премногу провокативни.
Екстремно кратки здолништа
Мини здолништата се симбол на 1970-тите и не одат со зрела фигура. Тие не само што можат да бидат неудобни, туку и да изгледаат невкусно, намалувајќи ја вашата природна елеганција.
За женствен, но софистициран изглед, изберете миди или макси должина – овие модели даваат беспрекорен пад и совршено одат со фина блуза или структурирана јакна.
Каролина Херера нагласува дека овие промени не се трендови само од една сезона, туку одраз на зрела жена која го познава своето тело и ја цени бескрајната елеганција.
Ослободете го вашиот плакар од парчиња што ве врзуваат за минатите децении и отворете ја вратата кон софистицирани силуети што зборуваат за вашата сила и автентична убавина.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Есента пристигна, време е да се зајакне имунитетот

Со доаѓањето на есента, деновите стануваат пократки, температурите се намалуваат, а времето сè почесто е променливо. Овие услови носат поголем ризик од настинки и вирусни инфекции, па затоа потребно е навремено да се зајакне имунитетот.
Лекарите потсетуваат дека здравиот имунолошки систем е клучен за справување со сезонските предизвици. Тие советуваат редовна и разновидна исхрана богата со свежо овошје и зеленчук, кои се извор на витамини и антиоксиданси. Особено се препорачуваат намирници богати со витамин Ц, како цитрусното овошје, кивито и пиперките.
Физичката активност, дури и во поладните денови, исто така е од големо значење. Брзото пешачење, лесното трчање или вежбањето дома можат да помогнат во одржување на енергијата и подобрување на општата состојба на организмот.
Стручњаците дополнително советуваат доволно сон и намалување на стресот, бидејќи тие се меѓу најчестите фактори кои го ослабуваат имунитетот.
Есента може да биде убава и пријатна, доколку се грижиме за нашето здравје и превентивно го зајакнеме организмот за студените денови кои следуваат.
-
Вклучете повеќе овошје и зеленчук – јаболка, круши, киви, цитрусно овошје, моркови и тиква. Овие намирници се богати со витамини Ц и А, кои го зајакнуваат организмот.
-
Консумирајте намирници богати со цинк – ореви, семки од тиква, интегрални житарки и мешунки, бидејќи цинкот игра важна улога во одбраната од инфекции.
-
Додајте пробиотска храна – јогурт, кефир и кисела зелка, кои ја поддржуваат здравата цревна флора и го јакнат имунитетот.
-
Не заборавајте на топли супи и чорби, особено оние со зеленчук и домашна пилешка супа, кои се вистинска „вакцина“ од природата во студените денови.
-
Вклучете мед и ѓумбир во секојдневната исхрана, познати по своите антибактериски и антиинфламаторни својства.
Топли чаеви за есенски денови
-
Чај од ѓумбир и лимон – ја подобрува циркулацијата и ја зајакнува одбранбената моќ на телото.
-
Чај од шипка – богат со витамин Ц, помага против замор и настинки.
-
Чај од камилица – го смирува телото, го намалува стресот и помага за подобар сон.
-
Чај од мајчина душица и нане – корисен за дишните патишта и во борба со кашлица.
-
Зелен чај – природен антиоксиданс, кој го зајакнува
Забава
(Фото) Сексапилната актерка повторно воодушеви во проѕирен фустан

Холивудската актерка Дакота Џонсон се појави на Филмскиот фестивал во Цирих и воодушеви со уште еден проѕирен фустан.
Секое појавување на оваа убавица привлекува внимание, а се чини дека наскоро ќе стане синоним за чипкани, проѕирни комбинации, со оглед на тоа што успеа да ги воодушеви сите со уште еден.
Таа прошета во Цирих во син фустан чиј горен дел е направен од чипка и е проѕирен, додека долниот дел е малку поширок, направен од тил и доста волуменозен.
Како и обично, фокусот беше на природната убавина, па Дакота ниту овој пат не претеруваше со вечерната шминка, а косата ја остави да паѓа во бранови.
На својот стајлинг додаде обетки и два импресивни прстени, а сите собрани ги разоружа со насмевка.
Во текот на вечерта, таа беше наградена и со наградата „Златно око“ за животно дело, па нејзината кариера е побогата за ова значајно признание.
фото: принтскрин
Забава
(Видео) Селена Гомез се мажи овој викенд: објави снимка на социјалните мрежи

Актерката, пејачка и претприемачка Селена Гомез наговести дека овој викенд се мажи за музичкиот продуцент Бени Бланко, пишува „Дејли меил“.
Имено, Селена Гомез објави видео од маса полна со производи за шминкање на официјалниот Инстаграм профил на нејзиниот бренд за убавина „Rare“.
Покрај производите за убавина, имаше и мобилен телефон, како и црни очила за сонце и сребрена чанта.
„Јас цел викенд“, кратко напиша пејачката.
Видео материјалот ја разбуди имагинацијата на многу нејзини обожаватели, а тие сега претпоставуваат дека Селена ќе го каже судбоносното „ДА“ во текот на викендот, бидејќи… Исто како и секоја невеста, таа ќе посвети доста време на разубавување и нанесување шминка за големиот ден.
Некои американски медиуми веќе објавија дека актерката ќе се мажи овој викенд.