Во светот на астрологијата, постојат некои знаци кои едноставно се родени за драматични пресврти, солзи, смеа и сите емоции помеѓу нив. Ако некогаш сте се запрашале зошто некои луѓе реагираат како секој ден да е кулминација на сапунска опера или зошто ги гледате како се смеат во еден момент, а следниот ги бришат солзите, можеби се под влијание на одредени ѕвезди.

Ѕвездите им дадоа на овие знаци вистински емотивен тобоган и често тие не ги бираат своите чувства – нивните чувства ги избираат нив! Ова се трите хороскопски знаци кои ја носат круната на најемотивните.

Рак

Ракот е, без сомнение, најемотивниот знак на зодијакот. Тие се’ чувствуваат до срж, со интензитет што е тешко да се сфати. Ако некој само ги погледне на криво, Раковите ќе ја поминат целата вечер анализирајќи го секој детал. И не само што ги чувствуваат сопствените емоции – тие ги апсорбираат туѓите емоции како сунѓер. Раковите се оние пријатели кои плачат на романтични комедии, но и на реклами за изгубени миленичиња.

Еден збор, еден погрешен поглед – тоа е сè што е потребно за да почне емотивно торнадо. Иако тоа е како да одите по тенок мраз, никој не може да негира дека тие се вистински, лојални пријатели кои ќе ве разберат на најдлабоко ниво. Едноставно кажано, ако сакате емоционална поддршка, Ракот секогаш ќе биде тука за вас…само спремете кутија со марамчиња!

Шкорпија

Шкорпиите се емотивните вулкани на зодијакот кои можат тивко да крчкаат со недели, а потоа да експлодираат кога најмалку очекувате. Тие не доживуваат емоции како другите знаци; за Шкорпија секое чувство е интензивно и длабоко. Кога сакаат, тоа е со неверојатна страст, но кога се повредени, нивниот гнев може да биде легендарен. За Шкорпиите чувствата се како поле за истражување – тие сакаат да нурнат длабоко, до самото дно на душата, дури и преку болка.

Шкорпиите никогаш не ги прават работите со половина срце. Без разлика дали се работи за љубов, пријателство или дури и тепачка, тие го вложуваат целото свое срце и душа во тоа. Ова ги прави фасцинантни, но и емотивно раздразливи. Можеби ве сакаат до крајност, но ќе ве гледаат и со доза на сомнеж која често е необјаснива. Но, тоа се тие – ако не сте подготвени за огномет од емоции, подобро е да не го допирате вулканот.

Риби

Рибите, како најемотивни поети на зодијакот, секогаш се малку над облаците, сонуваат за совршен свет кој постои само во нивните умови. Во тој свет сè е длабоко, нежно и трогателно, па не е ни чудо што светот го гледаат низ розови очила… додека реалноста не ги соочи со нешто сурово. Рибите се познати по тоа што лесно леат солзи, а поради нивната емпатија често страдаат повеќе за другите отколку за себе.

Благодарение на нивната имагинативна природа, Рибите имаат тенденција да создаваат драматични сценарија во нивните глави, а реалноста честопати не ги исполнува тие очекувања. Тие се како ликови во филмови кои ќе ви кажат дека ги сакаат дождливите денови бидејќи тоа ја отсликува нивната тага. И додека некои би рекле дека Рибите се премногу чувствителни, тие само би одговориле: „Чувствителноста е она што го прави животот магичен“. Ако сакате драматични пресврти, солзи и поезија, Рибите се вашиот идеален придружник.