Забава
Три хороскопски знаци што поседуваат најмногу таленти
Секој човек носи нешто посебно во себе и владее одредена вештина. Така, одредени таленти им се припишуваат на одредени хороскопски знаци кои се карактеристични за нив.
Сепак, како луѓе со најизразени таленти, се истакнаа три знаци од Зодијакот.
1. Лав
Лавовите се познати по своите силни и интензивни чувства. Но, сепак, ова е знак кој се сака и цени себеси, а исто така го обожава вниманието. Затоа, најголемите изведувачи и луѓе кои сакаат да се докажат на сцената, без разлика дали се работи за глума, пеење или танцување, се Лавовите. Ќе и ја дадат душата на публиката, само за да остават впечаток каков што досега никој не оставил.
2. Водолија
Водолиите се сонувачи, кои имаат големи цели и се посветени на нив. Така, тие сакаат да им помагаат на другите, вешти се во комуникацијата и некако го држат светот на дланка. Обожаваат да истражуваат и сè тече со нив, затоа генерално сакаат да размислуваат и да навлегуваат во длабоки чувства. Тие се посветени и на образованието и на сето она што ќе им помогне да ги прошират своите хоризонти. Тие имаат големи предиспозиции што се однесува до науката и се талентирани за се што има врска со понатамошно истражување на делови од светот или нешто теоретско.
3. Близнаци
Близнаците неверојатно брзо учат и совладуваат нови пречки. Особено брзо учат кога нешто ги интересира, совршено им служи меморијата, а силна страна им се јазиците. Многу Близнаци, без никаква намера акумулираат познавање на јазици кои тешко се учат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Сите дадилки што Џенифер Лопез ги ангажирала за своите деца си заминале за седум дена: причината е прилично бизарна
Познатата Џенифер Лопез ги има близнаците Максимилијан и Ема со нејзиниот поранешен сопруг, пејачот Марк Ентони.
Како што еднаш и самата призна, Џенифер Лопез на почетокот имала големи проблеми да најде дадилка за своите деца.
„Не можете да замислите како е да се биде мајка додека не станеш мајка. Постојано им давав совети на пријатели кои имаат деца, а тие ме гледаа како да имам три глави. А потоа, кога ги добив двајцата, буквално им се извинив на сите мои пријатели“, изјавила тогаш таа, пренесува „yourtango“.
Како што еднаш рекол извор близок до Лопез, првата дадилка што таа и Марк ја ангажирале дала отказ по само една недела.
„Обично луѓето кои заработуваат огромни суми на пари и имаат многу професионални и социјални обврски ангажираат дадилка за секое дете, особено за новороденчиња. Но, како Џенифер да очекувала дека дадилката не само што треба да се грижи за близнаците, туку и да работи 16 часа, седум дена во неделата“, рекол извор за „Today“, пренесува споменатиот медиум.
Меѓутоа, истото се случило и со другата дадилка.
„Тие најмија друга дадилка која беше прекрасна со близнаците, но таа не можеше да работи толку долги часови без пауза. По отказот на дадилката, парот почна очајно да бара трета дадилка“, додал тогаш изворот.
Самата Џенифер пред неколку години истакна дека нејзината работа многу влијае на времето што го поминува со своите деца.
„Мојот син неодамна ми рече: Мамо, би сакал да имам пикник со тебе оваа недела, бидејќи знам дека си работелa напорно. Беше со мене во Њујорк, но сепак ми рече: Би сакал да закажам пикник за следниот петок, бидејќи ни треба повеќе квалитетно време. Јас му одговорив – Во ред, душо“, истакна таа, пренесува „yourtango“.
Забава
Најпознатото бебе на Интернет стана полнолетно
Сами Гринер, познат како Успешното дете ( Success Kid) , го прослави својот 18. роденден.
Неговата мајка на „Инстаграм“ покажа како денес изгледа момчето од познатото меме.
„Моето мало момче наполни 18 години. Среќен роденден Сем“, напиша мама Лејни Гринер.
View this post on Instagram
На мемето е прикажано бебе како стиска грст песок. Фотографијата е направена во 2007 година. Семи имал само 11 месеци кога неговите родители го фотографирале додека се обидувал да јаде песок. Неговата мајка ја објави фотографијата на Интернет за да ја видат нејзините пријатели и семејството, но таа стана интернет сензација и меме.
Сликата стана толку популарна што „Си-Ен-Ен“ го нарече Семи Гринер „веројатно најпознатото бебе на Интернет“. Освен за популарна употреба на социјалните мрежи, сликата се користи и за комерцијална употреба.
Во 2012 година, Џастин и Лејни Гринер, родителите на Семи, зборуваа на конференција поврзана со ROFLCon за предизвиците на воспитувањето на детето додека го штитат брендот. Тие беа критикувани дека го искористиле нивниот син, на што Лејни одговорила дека немала контрола дали мемето ќе се шири.
Во средината на 2015 година, семејството Гринер ја искористи фотографијата за да ја промовира кампањата GoFundMe за да собере пари за да плати за трансплантација на бубрег на неговиот татко. Иако Лејни првично се двоумеше дали да ја поврзе кампањата со мемето, на крајот се одлучи да го направи тоа и за неколку дена беа собрани 83.000 долари. Така настана мемето „Станав меме, па го спасив тато“.
Забава
Научниците пронајдоа сирење старо 3.600 години, било ставено околу вратот на кинеска мумија
Научниците го открија најстарото парче сирење на светот – го пронајдоа околу вратот на мумија во Кина.
Ковчегот стар 3.600 години бил отворен на гробиштата Ксиаохе во Ксинџијанг, Кина за време на ископувањето во 2003 година, каде што над вратот на мумифицираната млада жена бил поставен предмет што изгледал како накит.
И покрај тоа што изгледаше како парче накит во тоа време, научниците сега велат дека го идентификувале примерокот како најстарото парче сирење во светот, пренесува „Скај њуз“
„Обичното сирење е меко. Ова не е. Сега стана суво и тврдо“, изјави за „Ен,би,си њуз“ Киаомеи Фу, палеогенетичар од Кинеската академија на науките во Пекинг. Таа објасни дека кога бил ексхумиран ковчегот на жената, било откриено дека сирењето е добро зачувано поради сувата клима во пустината Тарим Басен.
Иако производството на сирење одамна е опишано во историјата, истражувачите во студијата објавена во списанието Cell напишале дека „историјата на ферментирани млечни производи во голема мера е изгубена во антиката“.
„Овие примероци од сирење стари 3.500 години се меѓу ретките остатоци од млечни производи кои се зачувани повеќе од 3.000 години.
Зборувајќи за „Ен-би-си њуз“, Фу рече дека таа и нејзиниот тим земале примероци од три гробници на гробиштата Ксиаохе и ја обработувале ДНК-та за да ја следат еволуцијата на бактеријата во текот на илјадници години.
Тие рекоа дека примероците покажале дека се работи за кефир направен со ферментирање на млеко со користење на зрна кефир, а има и докази за употреба на козјо и кравјо млеко.
Истражувањето покажа дека популациите од бронзеното време, како и луѓето од Ксиаохе, за кои се знаело дека се генетски нетолерантни на лактоза, консумирале млечни производи пред ерата на пастеризација и ладење.
„Овие примероци од кефирско сирење стари 3.500 години се меѓу ретките остатоци од млечни производи зачувани повеќе од 3.000 години, произведени од популацијата Ксијаохе од бронзеното време – популација со мешани животни стилови и техники“, велат научниците.
„Ен-Би-Си“ ја праша Фу дали сирењето може да се јаде и дали ќе го проба, на што таа одговори „нема шанси“.