Забава
Украинката која беше избрана за Мис Јапонија се откажа од титулата поради афера со оженет маж

Манекенката родена во Украина со јапонско државјанство Каролина Шино (26), која победи на изборот за Мис на Јапонија 2024 година, се откажа од титулата, објавија денеска организаторите на изборот, откако еден неделен магазин детално ја опиша нејзината врска со оженет маж.
Здружението за Мис на Јапонија соопшти дека го прифатило нејзиното барање да се откаже од титулата, објави Кјодо.
Нејзината победа за Мис на Јапонија се сметаше за контроверзна поради нејзините странски корени, но таа се откажа од титулата откако неделникот „Шукан Буншун“ во четвртокот откри дека била во врска со оженет инфлуенсер кој исто така е доктор.
На 22 јануари 2024 година, Шино беше прогласена за победник на изборот за Мис на Јапонија.
Таа беше првата личност со европско потекло што ја освои таа титула.
Шино пораснала во Нагоја, централна Јапонија, откако дошла од Украина со нејзините родители кога имала 5 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Вереницата на Џеф Безос: Се плашам да одам во вселената

Лорен Санчез, свршеницата на милијардерот Џеф Безос, проговори за нејзиното претстојно патување во вселената.
„Во нашата куќа ја користиме изреката ‘животот започнува од другата страна на стравот’. Верувајте и јас многу се плашам“, призна Санчез во интервју за магазинот Elle.
Санчез е една од вкупно шесте жени кои ќе летаат во вселената на 14 април.Покрај неа, во мисијата учествуваат и новинарката Гејл Кинг, пејачката Кеjти Пери, ракетниот научник Ајша Боу, биоастронаутичкиот научник Аманда Нгуен и филмската продуцентка Керијан Флин.
Претходно во видеото објавено на социјалните мрежи, Санчез рече дека се надева дека мисијата ќе ги инспирира луѓето да имаат „големи соништа“. „Ако некој ми кажеше дека еден ден ќе можам да одам во вселената, ќе се насмеев“, рече таа.
Мисијата е предводена од компанијата на Безос, Blue Origin, а ова ќе биде прв пат женски екипаж да лета во вселената. Според извештаите, патувањето треба да трае 11 минути. Откако ќе стигнат до нивната дестинација, членовите на екипажот ќе можат да лебдат околу ракетата неколку минути пред да се вратат на Земјата. Ова ќе биде 11-ти човечки лет до работ на вселената за програмата New Shepard.
Забава
Новата фризура на Деми Мур магично одзема години, а холивудските диви веќе се луди по неа

Познатата актерка Деми Мур со децении го воодушевува светот со својот изглед, а со улогата во филмот „Substance“ конечно ја доби својата прва голема награда Златен глобус.
Откако изминатиов период често ја гледавме на црвениот тепих, таа секогаш не оставаше без зборови со своите гламурозни тоалети и нејзината препознатлива долга коса. Сега таа се одлучи за голема промена и ни покажа нова фризура.
Деми Мур реши да ја скрати косата и да направи популарен лоб, еден вид долга боб, фризура која ќе ја одбележи и оваа и следната сезона, ако ги прашате кралиците на стилот.
Холивудската дива ја раздвои косата, оставајќи дел на страна, а врвовите ги свитка, давајќи и дополнителна исполнетост. Многу дами се одлучуваат за оваа фризура, бидејќи визуелно подмладува, велат дека „отстранува“ десет години од лицето.
Фризурата лоб секогаш е популарна, а на нив не останаа имуни ниту Селена Гомез, Рози Хантингтон Вајтли, Алесандра Амбросио, Џенифер Лопез.
Со оваа фризура косата изгледа погуста отколку што е, а сигурно сте позадоволни кога ја имате фризурата од соништата.
Деми Мур е позната како една од познатите жени кои променија бројни фризури во текот на својата кариера. Имаше популарна пикси фризура, а за потребите на филм беше и ќелава.
Сепак, најдолго остана верна на својата долга коса која понекогаш ја пушташе права, понекогаш ја виткаше во бранови и секогаш беше главна ѕвезда.
Лесно е да се биде гламурозен со долга коса, Деми Мур веќе ни го има докажано многу пати, па останува да видиме како ќе се снајде сега со оваа промена.
Забава
(Фото) Кејт Хадсон повторно привлече внимание со нејзиниот избор на облека

Заводливата Кејт Хадсон ја користи секоја прилика да го привлече вниманието кон себе и досега тоа и оди доста добро, а сите зборуваат за нејзиното последно модно издание.
Во последните денови актерката се споменува повеќе од кога било. Таа постигна голем успех со серијата „Runing Point“ и некако повторно се најде на насловните страници.
Без разлика дали се работи за изјави или само нејзиниот бомбастичен изглед, Кејт не може да остане незабележана. Неодамна ја загреа атмосферата со фотографија во костим за капење, а сега прошета во неверојатен фустан.
Циркони, светки и се што блеска оваа година се чини дека го достигна својот врв, бидејќи не постои ниту еден настан каде барем една актерка не е во слично издание.
Кејт овој пат избра предимензиониран фустан обложен со златни светки, но така што во најголем дел беше проѕирен. Се потрудила најмногу да си ги покрие интимните делови.
Со оглед на морето од светки со кои беше опсипана, Кејт не експериментирала понатаму и не додавала ефикасен накит за да не претера.
Таа само ја обликуваше косата за да го истакне своето лице и продолжи да го прави она што го прави најдобро, привлекувајќи го целото внимание во светот.
Таа, како и секогаш, беше придружувана од нејзиниот партнер Дени Фуџикава, кој избра совршена елеганција и црн костум.
„Зошто едноставно не дојде гола“, беше еден од коментарите, но тоа не е баш така. Кејт внимаваше на се, па иако беше облечена предизвикувачки, ја задржа пристојноста.