Забава
Филмот за Мерилин Монро ќе ги навреди сите, вели режисерот

Биографскиот филм за холивудската икона Мерилин Монро, со Ана де Армас во главната улога, има нешто што може да ги навреди сите, коментира режисерот на филмот, Ендрју Доминик.
54-годишниот Новозеланѓанец во интервју за Vulture во четвртокот нагласи дека е изненаден што претстојниот филм на „Нетфликс“ добил назнака 17 плус (NC-17), што не дозволува никој под 18 години да го гледа во киносала во ниту една околност.
„Од една страна, повеќе би сакал да одам да гледам NC-17 верзија на приказната за Мерилин Монро доколку имам избор затоа што знаеме дека нејзиниот живот беше на работ, очигледно од начинот на кој заврши. Дали сакате да ја гледате верзијата за брадавици или сакате дезинфицирана верзија?“, рече Доминик.
„Русокоса“ (Blonde), базиран на истоимениот роман од 2000 година на Џојс Керол Оутс, е долгогодишен проект на Доминик, кој го напиша и сценариото.
„Тоа е филм што, дефинитивно, има морал. Но, плива во многу двосмислени води затоа што мислам дека не е направен по желба на луѓето што сакаат да го гледаат. Има нешто во него што ќе ги навреди сите“, додаде Доминик.
Покрај Ана де Армас, во филмот глумат и Адријан Броди, Боби Канавејл и Каспар Филипсон како Џон Кенеди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Том Круз му оддаде почит на Вал Килмер: „Ти посакувам се најдобро на следното патување“

Том Круз му оддаде почит на неговиот колега од „Топ Ган“ Вал Килмер, кој почина во вторникот на 65-годишна возраст.
Круз присуствуваше на CinemaCon, годишната конвенција на сопственици на кино сали што моментално се одржува во Лас Вегас, за да го промовира претстојниот филм Mission: Impossible – The Final Reckoning, кој ќе се појави во кината ова лето.
Но, пред да почне да ги раскажува лудите акробации по кои е познат како тајниот агент Итан Хант, Круз побара од толпата да му се придружат во едноминутно молчење за неговиот покоен колега.
„Би сакал да му оддадам почит на мојот драг пријател Вал Килмер“, рече Круз на сцената во хотелот Цезар Палас.
„Не можам да ви кажам колку се восхитувам на неговата работа, колку бев благодарен и почестен кога тој се приклучи на Top Gun, а потоа се врати во Top Gun: Maverick. Мислам дека би било убаво сите заедно да му оддадеме почит со минута молк бидејќи тој многу ги сакаше филмовите и многу ни даваше. Присетете се само на сите прекрасни моменти што ги поминавме со него“, додаде Круз.
Актерот го заврши емотивниот момент велејќи: „Ти посакувам се најдобро на следното патување“
Забава
(Фото) Кралицата Летиција го носи најубавото женско здолниште

Кралицата Летиција неодамна го посети Истражувачкиот центар за ум, мозок и однесување (CIMCYC) на Универзитетот во Гранада.
Причината за нејзиното присуство е претставувањето на катедрата за клиничка психонеуроимунологија, дисциплина во медицината која ја проучува интеракцијата и комуникацијата на системите во човечкиот организам.
Таа за оваа пригода го избра совршеното плисирано здолниште на шпанскиот дизајнер Адолфо Домингез.
Оваа класична облека веќе ја носеа многу познати дами, како што се: Џиџи Хадид, Џенифер Лоренс, Ева Лонгорија и Џенифер Лопез. А сега и самата шпанска кралица му даде потврда за стилот.
Покрај тоа, макси здолништето се карактеризира со црвени пруги меѓу наборите, како и удобност на самиот материјал.
Својот стајлинг кралицата го комплетираше со црвен џемпер од кашмир и чанта во истата нијанса. Додаде и беж сандали со ниска потпетица.
Забава
(Фото) Времето минува, таа не старее: познатата убавица изгледа двојно помладо во провокативна комбинација

Хали Бери блесна во едно од нејзините попровокативни изданија и покажа дека и кон крајот на шестата деценија зазема високо место на листата на најубави жени во Холивуд.
Сите очи беа вперени во актерката Хали Бери (58), на промотивен настан за Amazon MGM Studios CinemaCon 2025 во Лас Вегас. Ѕвездата на филмот „Monster’s Ball“ изгледаше половина од својата возраст во провокативната комбинација со која го привлече вниманието.
Таа за овој свечен настан избра атрактивна црна комбинација за која жените велат дека е непогрешлива и со која секогаш успеваат да привлечат внимание. Станува збор за проѕирен црн корсет со интересни детали кои не и дозволуваат на холивудската ѕвезда премногу да открие, а кој одлично го истакна нејзиното деколте.
Таа го спои корсетот со структуриран црн блејзер и црно макси здолниште со голем шлиц напред кој ги открива затегнатите и тенки нозе на познатата убавица.
Привлечната фризура на Хали Бери одлично се вклопува со оваа комбинација и неодоливо потсетува на 70-тите.