Забава
Финансиска среќа каква што не сте виделе 50 години: ненадејно богатство за четири знаци

Познатиот руски астролог Тамара Глоба неодамна даде сензационално предвидување: во следните три месеци (мај, јуни, јули 2025 година), уникатното подредување на планетите ќе им донесе на некои хороскопски знаци неверојатна финансиска среќа – среќа каква што не е видена во последните 50 години.
Затоа, хороскопот предвидува дека универзумот ќе им даде шанса драстично да ја подобрат својата финансиска состојба и одеднаш да се збогатат. Дали сте еден од среќниците во Зодијакот?
Овен: Време е за берење на плодовите
Овните ги очекува период на триумф. Смелите потези ќе донесат долгоочекувани финансиски резултати. Активноста и решителноста ќе станат ваши главни сојузници на патот кон просперитет. Можно е ненадејно наследство, голема добивка или профитабилна инвестиција.
Глоба советува да не се двоумите и да дејствувате решително за да не ја пропуштите вашата шанса. Внимателно анализирајте ги сите понуди и не плашете се да ризикувате.
Лав: Господар на паричните текови
Лавовите можат да очекуваат напредок во деловното и финансиско поле. Вашата креативност и лидерски вештини ќе ви помогнат да склучувате профитабилни зделки и да го зголемите вашиот капитал.
Астрологот ве советува смело да се впуштите во спроведување на планираните проекти – од стартапи до големи договори. „Финансиските реки ќе бидат полни и турбулентни“, вели Глоба. Преземете иницијатива и одговорност за финансиските одлуки.
Стрелец: Кон финансиска изобилство
Љубовта кон авантурата на Стрелецот ќе отвори врата кон неконвенционални начини на заработка – работа во странство, развој на нови пазари или необични работни места со флексибилно работно време. Интуицијата ќе стане ваш најверен сојузник.
Глоба ве советува да му верувате на вашиот внатрешен глас и да не се плашите да отстапите од воспоставениот пат. Сега е вистинско време за експерименти и ризици, бидејќи тие можат да донесат неочекуван приход. Бидете отворени и не се ограничувајте.
Водолија: Иновацијата е клучот до богатството
Неконвенционалното размислување на Водолијата ќе го привлече вниманието на сериозните инвеститори. Револуционерните идеи, особено во технологијата и креативните индустрии, можат да ви донесат огромен профит.
Глоба охрабрува смелост: „Дури и најфантастичните проекти сега имаат шанса да станат реалност!“. Не плашете се да ги поместувате границите и верувајте во вашата визија. Вашиот уникатен поглед на светот ќе биде вашиот билет за финансиска благосостојба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Актерот Мајкл Ворд обвинет за силување

Актерот Мајкл Ворд е обвинет за два случаи на силување и три сексуални напади, објави лондонската Метрополитен полиција.
Наводните инциденти наводно се случиле во јануари 2023 година.
Познат по своите улоги во серии и филмови како што се „Топ Бој“, „Мала секира“ и „Сина приказна“, Ворд го привлече вниманието на публиката и критичарите со својата младешка енергија и актерска автентичност, поради што беше крунисан со награда БАФТА во 2020 година.
Мајкл Ворд сега се соочува со сериозни обвиненија кои ќе го добијат својот судски епилог на 28 август, кога треба да се појави пред надлежниот суд во Лондон.
Детективскиот началник Скот Вејр од Метрополитен нагласи: „Нашите специјализирани службеници продолжуваат да ја поддржуваат жената што го направила извештајот. Знаеме дека истрагите од ваков вид можат да имаат значително влијание врз оние кои избираат да проговорат.“
Според него, истрагата е сè уште во тек, а полицијата апелира до јавноста да се воздржи од предвремени заклучоци.
Забава
Бајага се огласи првпат по откажаните концерти во Хрватска

Момчило Бајагиќ-Бајага се огласи за прв пат откако беа откажани неговите концерти во два хрватски града – Сисак и Солин.
На 1 август, пак, ќе одржи концерт во Пула, во Малиот римски театар.
„Ниту се обидов да разберам, ниту можам да разберам. Никогаш во животот не сум бил вклучен во политика и сум фокусиран само на прекрасно дружење со публиката во Пула“, рече музичарот во интервју за Нови лист.
„Пред неколку концерти ја освеживме листата на песни и сигурни сме дека публиката во Пула ќе биде многу задоволна и едвај чекаме“, додаде тој.
За потсетување, првиот концерт на Бајага во Сисак, кој требаше да се одржи на 4 јуни за да се прослави Денот на градот, беше откажан. Информацијата ја потврди менаџерот на групата Драгослав Гане Пецикоза за локалниот портал Sisak.info.
„Веќе имаме свирено во Сисак и сè помина без проблеми. Објаснувањето е дека новата влада ја најде својата каса празна и нема пари. Мислам, немаме друг избор. Тоа го кажаа. Имаме договор од јануари, но нема причина да тужиме или да се жалиме“, рече тој.
Потоа беше откажан и концертот на Бајага во Солин, кој требаше да се одржи во петок, 22 август 2025 година.
„Ве известуваме дека концертот на бендот Бајага и Инструктори, кој требаше да се одржи во петок, 22 август 2025 година, како дел од овогодинешниот Кава Фест, е откажан поради безбедносни и технички причини“, објави Кава Фест, кој се одржува во рамките на Солинското културно лето.
Но, Далматинскиот портал дознава дека организаторите наводно со недели биле под притисок од одредени здруженија и групи кои сè уште го сметаат Бајага за политички непожелна личност – без оглед на фактот дека истиот бенд и истиот музичар се редовни гости на хрватските сцени со години, од Пула до Дубровник. На крајот, притисокот си го направи своето и концертот беше откажан.
Забава
И шефицата на одделот за човечки ресурси поднесе оставка по мегаскандалот на концертот на „Колдплеј“

Шефицата на одделот за човечки ресурси во американската технолошка компанија „Астрономер“, Кристин Кабот, поднесе оставка откога беше снимена како го прегрнува сега веќе поранешниот извршен директор на компанијата, Енди Бајрон, на концерт на „Колдплеј“.
Компанијата потврди за Би-би-си дека Кристин Кабот повеќе не работи во „Астрономер“, само неколку дена откако Енди Бајрон исто така поднесе оставка. Неговото заминување дојде откога „Астрономер“ објави дека ќе биде ставен на отсуство и под истрага.
@ctvnews CEO and colleague caught on camera at Coldplay concert Coldplay singer Chris Martin may have caused an awkward moment when he commented on a CEO embracing a colleague at the band’s show in Boston. #news #ctvnews #coldplay #ceo #boston ♬ original sound – CTVNews
Скандал што го обиколи светот
Скандалот што доведе до вакви последици се случи на 16 јули на концерт на „Колдплеј“ во Бостон. Во тоа време Бајрон и Кабот беа прикажани на големиот екран на „Кис кам“ додека стоеја во публиката прегрнувајќи се.
Кога сфатија дека се во кадарот, двајцата одеднаш се повлекоа назад и се обидоа да си ги скријат лицата, што предизвика бура од коментари на социјалните мрежи.
Ситуацијата дополнително ја зачини пејачот на бендот, Крис Мартин, кој се пошегува со публиката: „Погледнете ги! Или имаат афера или се навистина срамежливи“.
Последиците од аферата
Енди Бајрон беше првиот што се соочи со последиците од своето неверство – првин неговата сопруга Меган го избриша неговото презиме од социјалните мрежи, а потоа, кога неговата милијардерска компанија „Астрономер“ почна внатрешна истрага, тој самиот поднесе оставка од функцијата извршен директор.
Фото: Принтскрин