Забава
(Фото/Видео) Џеј Ло се колне во оваа вежба: тоа е причината зошто има совршено тело

Џенифер Лопез повеќе пати зборуваше за странските медиуми за нејзината врска со спортот, како и за вежбите што ги практикува за да ја одржи својата завидна фигура.
Таа ретко ги прескокнува своите тренинзи, а тоа во една прилика го потврди и нејзиниот личен тренер Трејси Андерсон.
„Мислам дека постои позитивна врска помеѓу менталното здравје и вежбањето. Знаете, ние природно се движиме кон тоа да бидеме најдобрата верзија од себе. Вежбањето е избор што го правам секој ден и чувствувам дека станувам најдобрата верзија од себе“, изјави таа еднаш за „Ју-ес Викли“.
Што се однесува до самиот тренинг, латино дивата ужива во различни спортови – кикбокс, но и тренинг за сила. Во таа прилика, таа ја откри и својата омилена вежба, а тоа е бурпи (burpee).
Оваа вежба е многу популарна бидејќи ги вклучува сите мускулни групи, ви овозможува да согорите максимален број калории и во исто време ја зголемува издржливоста.
Како да направите бурпи?
Чекор 1: Свиткајте ги колената, како да ќе правите клекнување, и ставете ги дланките на подот во ниво на рамената.
Повлечете ги нозете назад за да бидат исправени. Не ги удирајте рацете во подот кога „слетувате“, туку обидете се да го направите тоа што е можно понежно. Слетувањето со преголем удар со дланките на подот може да ги оптовари вашите зглобови, лактите и рамената.
Чекор 2: Стиснете го глутеусот и држете го вратот во неутрална положба додека го спуштате телото на подот. По неколку повторувања, кога ќе почнете да се заморувате, можеби ќе сакате да почнете да ги спуштате колковите на подот пред остатокот од телото.
Ова може да предизвика оптоварување на долниот дел од грбот, затоа обидете се целото тело да го држите во права линија додека се спуштате на подот.
Чекор 3: Држете го телото исправено. Избегнувајте прво да ги кревате градите и да ги оставате колковите да се потпираат на подот. Ова создава преголем лак во долниот дел од грбот, што може да доведе до повреда и болки во грбот.
Скокнете напред во клекнување, со стапалата малку пошироки од ширината на колковите. Од оваа положба, скокнете нагоре, со рацете кренати кон таванот и плескајте со рацете. Свиткајте ги колената малку додека слетувате за да ги заштитите колената и глуждовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Александра Јанева со преработка на безвременската „Ми подаваш рака“

Инспирирана од минатото и неповторливата носталгична нота што ја носат македонските евергрини, Јанева ја изненади публиката со својата официјална преработка на безвременската „Ми подаваш рака“ од Даниела Панчетовиќ.
Оваа култна македонска балада беше изведена во 1978 година од Даниела Панчетовиќ на фестивалот „Скопје“. Автор на музиката е Мане Колев, текстот е на Ѓоко Георгиев, а аранжманот е на Кире Костов.
Новиот реаранжман на песната го изработи Лазар Цветкоски и заедно со Јанева дадоа нов, модерен звук и позитивен дух, кој многу прецизно ја отсликува и доловува пораката на самата песна – поддршката и потпората од најблиските е она што нѐ води низ животот, љубовта е најсилна и најзначајна кога се дели. Во преработката Александра го има искористено оригиналниот семпл од оригиналното аудио што тече низ целата песна, а особено може да се слушне на крајот од преработката сакајќи да ја задржи автентичноста на самата песна.
Видеото го изработи Даниел Јовески отсликувајќи ги најубавите агли од нашиот преубав Охрид. Во видеото се присутни повеќе пријатели на Јанева, атмосферата е ведра и позитивна и зрачи со топлина.
Овој проект Јанева го најавуваше веќе некое време, а покрај тоа, во неколку наврати на своите социјални мрежи најави нова музика за претстојниот период.
Забава
Концерт на Дорис Драговиќ и Петар Грашо на 14 март во Скопје

На 14 март 2026 година Дорис Драговиќ и Петар Грашо првпат ќе одржат заеднички концерт во Скопје, во арената „Борис Трајковски“, носејќи спектакл, кој ќе биде симбол на љубов, емоција и чиста музичка магија. Две музички легенди, две генерации, една сцена и една вечер што ќе влезе во историјата.
Дорис Драговиќ, дамата што веќе со децении владее со својата моќна интерпретација, ќе го врати сјајот на најубавите балади, кои се врежани во колективната меморија на целиот регион. Од другата страна, со истата сила и страст, на сцената ќе застане Петар Грашо, миленикот на публиката и човекот што со секоја песна создава нови химни за современата генерација.
Нивниот заеднички концерт ќе биде спој на искуство и свежина, на вечни класици и модерни хитови. Тоа ќе биде ноќ во која публиката ќе патува низ времето, од балканската естрадна ера, која ја бележеше Дорис, до денешните хитови што го дефинираат звукот на новото време со Грашо.
Една бина, два гласа, две музички епохи и еден град, кој ќе биде сведок на концерт за паметење. Раскошната емоција на Дорис Драговиќ и неповторливата харизма на Петар Грашо на 14 март ќе создадат вистинска музичка магија!
Овој концерт е повеќе од календарски датум или уште еден настан. Ова ќе биде симбол на еден момент кога две кариери се преплетуваат за да создадат нешто ново и уникатно.
Како што Дорис со децении е доказ дека вистинската уметност никогаш не старее, така и Грашо е доказ дека музиката секогаш може да биде свежа и модерна. На 14 март тие ќе се сретнат за да докажат дека музиката нема граници, ни генерациски ни географски.
Билетите за овој настан се веќе пуштени во продажба и имате можност да ги купите преку продажната мрежа на www.kupikarta.com, „Розе Веро 2“, „ЈК травел“ во Бисер и „ЈК травел Дајмонд“.
Забава
„2 бона“, Елена Ристеска и Вера Јанковиќ в сабота во Паркот на франкофонијата

Во сабота, 13 септември, со почеток во 19:30 часот ќе се одржи големиот бесплатен музички хепенинг „Нешто што ќе остане“ во Паркот на Франкофонија, во организација на Општина Центар.
На концертот ќе настапат едни од најпознатите македонски изведувачи како Дарио и Миг-21, Елена Ристеска, групата „2 Бона“, Викторија Лоба, Кристина Арнаудова и Барбара Поповиќ. Низ целиот концерт ќе не води урбаната дива Вера Јанковиќ.
Водителката Вера Јанковиќ истакнува дека музиката е доказ дека не сме сами, а музичкиот хепенинг „Нешто што ќе остане“ не асоцира на најдоброто од македонската музичка сцена.
„Драги мои поклоници на македонската музичка сцена, сакам да ви најавам „Нешто што ќе остане“. Тоа ме асоцира на моментот дека музиката е доказ дека не сме сами на овој свет. Нешто што ќе остане, по трети пат, традиционално не асоцира на најдоброто од македонската забавна музичка сцена. И повторно, Парк на Франкофонија овој пат 13 Септември, 19:30 минути. Јас сум Вера Јанковиќ, вашиот водител, домаќин, а се останато што ќе ве изненади таму ќе биде фантазија во која што ќе создадеме уште една ноќ за паметење. Се гледаме, бидете таму!“, порачува Јанковиќ.
Градоначалникот Горан Герасимовски истакнува дека Општина Центар продолжува да вложува во културни настани достапни за сите граѓани.
„Со „Нешто што ќе остане“ создадаваме традиција на заеднички моменти исполнети со музика, радост и култура. Ги поканувам сите скопјани и гости на градот да ни се придружат на оваа прекрасна вечер која ќе остане запаметена“, вели Герасимовски.