Забава
Фотограф падна на црвениот тепих во Венеција, Џорџ Клуни ги изненади сите со својот гест

Џорџ Клуни и неговата сопруга Амал се појавија на црвениот тепих за премиерата на неговиот филм Wolfs, во кој глуми со Бред Пит. Парот им позира на фотографите на филмскиот фестивал во Венеција, а еден од фотографите падна додека ги снимаше. Актерот пријде да му помогне.
Клуни му помогна на фотографот да стане, а Амал стоеше до него. После тоа, актерот решил да го расположи фотографот, па го зеде фотоапаратот и им се придружи на фоторепортерите од другата страна на црвениот тепих и почна да фотографира.
Неговиот потег ги воодушеви присутните, а фотографиите на кои актерот го следи настанот со сериозен израз и опкружен со насмеани фотографи го обиколија светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Џим Кери се збогува со Вал Килмер: Почит кон него како човек и талент

Џим Кери се прости од Вал Килмер, со кого глумеше во филмот „Бетмен засекогаш“ од 1995 година.
„Со голема почит се сеќавам на Вал Килмер, како човек и генерациски талент кој ни остави завидно наследство на извонредни актерски изведби. Неговите брилијантни актерски достигнувања беа конкурентни само со благодатта и храброста со кои се соочи во своите најпредизвикувачки моменти“, рече Кери во соопштението за печатот, изразувајќи сочувство до семејството.
Патем, во филмот „Бетмен засекогаш“, Килмер ги играше Брус Вејн и Бетмен кои се борат за правда во Готам, додека Кери беше негативецот Ридлер.
Вал Килмер почина на 65-годишна возраст. Веста ја потврди неговата ќерка Мерцедес Килмер, која ја доби во бракот со актерката Џоан Вели.
Забава
(Фото) Леонардо ди Каприо ги обои косата и веѓите

Леонардо ди Каприо го привлече вниманието на овогодинешниот CinemaCon во Лас Вегас, каде го претстави својот најнов филм One Battle After Another.
Покрај тоа што е неговиот прв голем филм по Killers of the Flower Moon во 2023 година, Ди Каприо изненади и со својот нов изглед.
50-годишниот актер на црвениот тепих се појави со бојадисана коса и веѓи, што многу медиуми веднаш го окарактеризираа како „средовечна криза“.
На настанот му се придружија и неговите филмски колешки Тејана Тејлор (34) и Реџина Хол (54), кои исто така привлекоа внимание со својот моден избор.
Ди Каприо претходно имаше посветла коса и веѓи.
Забава
(Видео) Луѓето во шок од интимната сцена на Блејк Лајвли: „Жената нема срам“

Среде расправијата помеѓу Блејк Лајвли и Џастин Балдони, се појави видео од сетот на филмот на Лајвли, „A Simple Favor“. Она поради што видеото го привлече вниманието е фактот што во една сцена актерката ја става раката на меѓуножјето на Хенри Голдинг со кого глуми, за што призна дека била импровизација.
Блејк во коментарот на филмот рече дека овој потег изгледа како нешто што нејзиниот лик би го направил. Иако филмот е снимен во 2018 година, снимката од сцената повторно стана актуелна за време на правната битка меѓу Балдони и Лајвли, кој актерката го обвини дека сексуално ја вознемирувал на снимањето на „It Ends With Us“.
Гледачите во коментарите го изразија своето згрозување од потегот на Лајвли. „Ова е неверојатно. Таквото лицемерие е одвратно“, „Кутриот Хенри изгледа како да е навистина засрамен. Оваа жена воопшто не се срами“, „Каде беше координаторот за интимност?“, „Може сексуално да ги вознемирува мажите, а потоа лажно да тврди дека некој ја вознемирувал“, „Таа се однесува несоодветно со сите мажи со кои снима, мора да одговара за своите постапки“, се само некои од реакциите.