Забава
(Фото) Педро Паскал и Џенифер Анистон се во врска?

Актерката Џенифер Анистон (56) во саботата вечерта е видена во друштво на актерот Педро Паскал (49) откако поминале три часа на вечера во хотелот Сансет Тауер.
Анистон за оваа пригода носеше црни фармерки, бела маичка, црн елек и чизми на потпетици, додека Паскал беше облечен во црна јакна и фармерки.
Иако пристигнале одделно на вечера, нешто по 20 часот, а исто така одделно го напуштиле ресторанот околу половина час пред полноќ, тие биле фотографирани како разговараат непосредно пред да се разделат, а фотографиите ги објави Дејли Мејл.
Нивната средба доаѓа по гласините дека Педро Паскал би можел да добие улога во серијата на Анистон The Morning Show.
@pascalscinema please i can’t with him😭🩷. #pedropascal #pedropascaltiktok #pedropascalsimp #viral #pedropascaledit #criticschoiceawards #jenniferaniston #reesewitherspoon #foryou #fyp ♬ original sound – carolina 🎀
На црвениот тепих на доделувањето на Critics Choice Awards, Анистон и нејзината колешка Рис Витерспун јавно го поканија Паскал да се придружи на актерската екипа во четвртата сезона на популарната серија. „Дали сакате да бидете дел од серијата? Праша Анистон, додека Витерспун додаде: „Чекај, ние всушност имаме навистина добра улога за него“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Сопругот на Камерон Дијаз: Се плашам од неа, понекогаш е навистина страшна

Бенџи Маден, фронтменот на бендот „Гуд Шарлот“, даде еден од ретките коментари за бракот со Камерон Дијаз.
Во подкастот „Буквално!“ чиј домаќин беше Роб Лоу, тој призна дека понекогаш се плаши од својата сопруга, но вели дека тоа е од најдобри причини.
„Таа е кралица. И се спротивставувте? Со среќа. Воопшто не сакам да се мешам во тоа“, рекол тој.
Роб, кој е оженет со Шерил Беркоф, се согласи со Бенџи, велејќи дека не би се закачал со ниту една од нив.
Братот на Бенџи, Џоел, чија сопруга е актерката Никол Ричи, исто така учествуваше во подкастот.
„Ја почитувам и истовремено се плашам од неа“, продолжи Џоел за својата поубава половина.
Бенџи и Дијаз се запознаа во 2014 година. По осум месеци врска, парот се венча во јануари 2015 година. На почетокот на 2020 година, тие станаа родители на девојчето Редикс, кое се роди преку сурогат мајка. Во март 2024 година, тие го добија синот, Кардинал.
Иако и двајцата обично го држат својот брак подалеку од очите на јавноста, Дијаз го коментираше својот сопруг пред две години.
Забава
Елтон Џон се пожали: „Немам голема куќа, па чувам 15.000 очила во складиште“

Легендарниот музичар Елтон Џон е познат по своите очила колку и по неговите огромни хитови. Сега тој откри дека неговата колекција на очила е толку голема што дури и неговата мега палата во Виндзор не е доволно голема за да ги складира сите.
Елтон во средата вечерта настапуваше со Бренди Карлајл на лондонскиот Паладиум, а во таа прилика му беа поставувани различни прашања – од оние за неговата кариера до неговите скриени хоби.
На прашањето на канадскиот актер Ден Леви колку очила има, Елтон одговори: „Не знам навистина. Ги чуваме во складиште затоа што немам толку голема куќа, но би рекол, претпоставувам меѓу 10.000 и 15.000 илјади.
Тоа насмеа многумина, а Бренди додаде: „Сега не се чувствувам лошо за мојата колекција на чевли“.
Инаку, замокот на Елтон Џон во Стариот Виндзор е на само 10 минути возење од замокот Виндзор и се наоѓа на 37 хектари земја. Големата куќа била изградена во 1500-тите за хирургот на кралот Хенри VIII, специјално поставена на повидок од замокот Виндзор, така што доколку се подигне знаме од дворот, лекарот може да го види и да притрча на помош на кралот.
Реновирана во 1989 година, вилата има осум спални соби, пет соби за гости, соба за билијард, па дури и терен за сквош. Ја купил во 1974 година за 480.000 евра, што е еквивалентно на 6,2 милиони евра денес, а тоа е само една од многуте куќи во сопственост на поп ѕвездата.
Елтон поседува и две куќи во Беверли Хилс и разни куќи за одмор низ Европа. Но, неговата палата во Вудсајд – во близина на местото каде што живеела неговата сестра – е негова гордост и радост.
Во текот на целата вечер, Елтон и Бренди добиваа голем број видео пораки од бројни обожаватели и колеги, меѓу кои и Ед Ширан и Дуа Липа.
Забава
Најсебичните хороскопски знаци

Иако секој од време на време се става себе си на прво место, некои хороскопски знаци го прават тоа многу почесто – до тој степен што другите може да ги доживуваат како себични.
Според астрологијата, луѓето родени во овие знаци често се фокусираат на сопствените потреби, желби и цели, па во врските понекогаш го занемаруваат тоа како се чувствуваат другите. Нивното однесување не е секогаш намерно штетно, но емпатијата често не им е силнa страна.
Овен
Родените во знакот Овен се познати по својот натпреварувачки дух и силна волја. Тие се брзи, импулсивни и често реагираат без да размислуваат за туѓите емоции. Кога сакаат нешто, тие одат по тоа без оглед на препреките – и без многу да внимаваат на чувствата на луѓето околу нив. Овните се водени од потребата да бидат први и најдобри, што ги прави одлични во акција, но и склони кон себично однесување кога нивните интереси се во прашање.
Лав
Лавовите сакаат внимание, пофалби и признанија, а понекогаш им е тешко да видат надвор од нивните потреби. Иако можат да бидат дарежливи, нивната желба да бидат во центарот на вниманието често ги доведува до однесување кое другите го доживуваат како егоцентрично. Кога не се чувствуваат доволно ценети, тие можат да станат драматични и да бараат, заборавајќи дека и другите имаат потреби и чувства.
Близнаци
Близнаците се шармантни и духовити, но поради својата природа често се однесуваат себично, особено кога станува збор за преземање одговорност. Тие можат брзо да се предомислат, лесно да заборават на ветувањата и да се повлечат кога ситуацијата станува емоционално напорна. Нивната потреба за постојана возбуда и разновидност често ги наведува да го следат само она што им одговара во моментот, без оглед на туѓите очекувања.