Забава
(Фото) Тие се вратија на модниот трон: здолништа кои се најпопуларни ова лето

Во светот на модата ништо не е конечно, а враќањето на тексас-здолништето е совршен доказ дека старите класици секогаш го наоѓаат својот пат назад – честопати поубави, посилни и постилски од порано.
По еден период на заборав, тексас-здолништето повторно е еден од најголемите модни трендови ова лето. Доживува ренесанса и во 2025 година ќе стане задолжително парче во летниот гардеробер. Разновидно, ефикасно и безвременско – тексас-здолништето е тука за да остане.
Сепак, што всушност значи да се носи тексас-здолниште денес кога строгите модни правила повеќе не важат и кога стилот диктира индивидуалност?
Оваа сезона мини тексас-здолништето најчесто се носи со контрасти, на пример, со преголемо сако и класична бела маичка, со што се постигнува ефект на лежерна елеганција. Оваа комбинација на девојка од соседството и моден инсајдер е совршена за дневните обврски, а со промена на обувките – од патики до сандали со ремчиња – лесно станува вечерен стил на облекување.
View this post on Instagram
Миди варијациите носат ново ниво на женственост. Трапезоидниот крој со шлиц е идеален за комбинирање со ретро маички без ракави, еспадрили со високи потпетици и впечатливи очила за сонце. За оние што претпочитаат пософистициран изглед, миди тексас-здолништето изгледа одлично со тенок кожен ремен, свилена маичка и балетанки. Во оваа комбинација фармерките не се лежерни – тие се елегантни, тивки, но моќни.
View this post on Instagram
А што е со макси здолништата? Подолгите кроеви, често со шлиц напред, сега се носат со кратки маички и минималистички влечки. Тоа е формула за непретенциозен, но ефективен изглед, што владее во летните вечери, прошетките покрај брегот и неформалните собири. Во комбинација со голема платнена чанта и тенок златен накит, макси тексас-здолништето станува икона на летната едноставност.
View this post on Instagram
Комбинациите тексас на тексас веќе не се табу. Со тексас-здолниште и кошула изработена од ист материјал можете да постигнете модерен униформен изглед, кој е и ретро и многу актуелен. Клучот е во нијансите и текстурите – потемниот тексас изгледа посериозно, а испраниот тексас дава разиграна нота. Рамните сандали и чантата во боја ќе додадат личен шмек на оваа комбинација.
View this post on Instagram
За трендсетерите што сакаат да покажат повеќе став, тука е и комбинацијата на мини здолниште со дебели чизми – да, дури и во лето – што визуелно го заземјува овој изглед и создава интересен контраст помеѓу женственоста и гранџ-енергијата. Овој изглед бара храброст, но исто така испраќа јасна порака: Носам што сакам, како сакам.
Во сето ова она што го издвојува денешното тексас-здолниште од минатите сезони е неговата приспособливост. Тоа повеќе не е врзано за еден стил, една генерација или едно модно правило. Во 2025 година тексас-здолништето е како празно платно – секој може да му даде свое толкување, без страв од грешка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Планината станува сцена за млади креативци, Echoes in the Wild на 7 септември

На 7 септември (недела) во Ехлоец, село на падините на планината Стогово во близина на Кичево, ќе се одржи Echoes in the Wild, настан кој го поврзува филмот, музиката и младинската креативност во едно заедничко искуство на отворено.
Настанот ќе започне од 19 часот со филмска проекција во организација на EcoKult и Nightflix кои го отвораат настанот со идеја за заедничко доживување на интимноста на кино-искуството надвор од градските сали. По проекцијата, вечерта ќе продолжи со диџеј сетови на Ива Арифај (Србија), Aco Sound и Дарко Јованоски (Македонија) кои ќе ја донесат енергијата на младата електронска сцена од регионот во ехлоечкото место познато како „На камен“.
Во разговорот со Дарко, член на Montparnasse и организатор, дознавме дека Echoes in the wild е настан преку кој сакаат да создадат нова навика кај младите, каде што уметноста и културните настани ќе бидат гледани како заеднички искуства што можат да се случат насекаде. Според него: „И малите села, и планините, и историските места, и заборавените предели можат да станат простори каде младите ја обликуваат својата креативна сцена. А младите дефинитивно имаат енергија и идеи за тоа да го остварат“.
Настанот е во организација на Моntparnasse и е дел од проектот на Western Balkans Youth Cultural Fund, што го спроведува Regional Youth Cooperation Office (RYCO) со поддршка на Германското Министерство за надворешни работи.
Организаторите ги покануваат сите да дојдат уште од пладневните часови за подобро да ги доживеат Ехлоец и Стогово во нивната целосна убавина, но и да си понесат топла облека за во вечерните часови. Влезот за настанот е бесплатен.
Забава
Селма Хаек го прослави својот 59-ти роденден: „59 патувања околу сонцето и сè уште танцувам“

Актерката Селма Хаек го прослави својот 59-ти роденден. По тој повод таа објави фотографија во костим за капење на „Инстаграм“.
„59 патувања околу сонцето и сè уште танцувам. На здравје на сите и ви благодарам за љубовта“, напиша таа.
View this post on Instagram
Многумина ѝ го честитаа роденденот во коментарите, вклучувајќи го и актерот Ентони Хопкинс, кој напиша: „Среќен роденден, те сакаме“.
Селма често позира во бикини и без шминка покажувајќи го својот природен изглед. Неодамна ја сподели својата дневна рутина за нега на кожата и шминкање за „Вог“.
View this post on Instagram
„Мора да ги менувате вашата шминка и рутината за убавина како што стареете. Можеби она што функционирало порано, сега не функционира. Затоа е добро да бидете авантуристички настроени, креативни и да се обидете да се забавувате додека го правите тоа“, вели Хаек и додава дека ја научила оваа лекција од баба ѝ: „Имам голема среќа затоа што имав баба што беше опседната со убавината и знаеше секакви трикови“.
Забава
(Фото) Убавата бринета ги покажа своите голи гради, но и новото момче: се шпекулира дека го изневерила поранешниот со него

Моделот Каја Гербер долго време беше главна тема на медиумите. За многу кратко време таа успеа да ја освои својата позиција, без оглед на фактот дека е ќерка на познатата манекенка Синди Крофорд.
Сега убавата Каја се појави на Венецискиот филмски фестивал рака под рака со своето ново момче Луис Пулман. Двајцата прошетаа на црвениот тепих, а исто така ја искористија и можноста да му покажат на светот колку се вљубени.
Сепак, и покрај сето ова, Каја привлече внимание со својот фустан.
За оваа пригода таа избра црна тантелена креација од модната куќа „Живанши“, а под неа не носеше градник, па не им требаше долго време на сите веднаш да ги забележат нејзините гради.
Парот цело време разменуваше нежни зборови, се шпекулира дека токму поради него Каја ја раскинала тригодишната врска со Остин Батлер, а некои наведуваат и дека можеби го изневерила и затоа раскинале.
Инаку, Каја и Луис дојдоа на премиерата на неговиот The Testament of Ann Lee, во кој тој игра една од главните улоги.
фото: принтскрин