Забава
Фризура на сезоната: ќе се носи оваа пролет, совршена е за секоја пригода

Од елегантни до едноставни варијации, пунџата секогаш може да се носи и секогаш изгледа елегантно и лежерно, а е особено пожелна во потоплите денови што претстојат.
Парискиот шик веќе со месеци е на тронот на модната инспирација кога станува збор за избор на естетика, особено во претстојните потопли месеци кога целта е да изгледате што е можно подобро со што е можно помалку труд. Летните фустани и едноставните комбинезони во комбинација со рамни сандали и голема чанта стануваат речиси униформа, а сето тоа е придружено со едноставна шминка и опуштена фризура.
View this post on Instagram
Пуштената коса со лесни, по можност морски бранови, е исклучително привлечна, но кога е подолга од боб или лоб, станува досадна. Се заглавува под ременчињата на торбата, побргу се мрси и најлошо од сè – дополнително топли. Затоа често се носи подигната во потоплите денови, а најдобрата шик опција е пунџа.
View this post on Instagram
Парижанките ја обожаваат оваа фризура бидејќи е едноставна за креирање, а сепак исклучително ефикасна. За разлика од другите подигнати фризури, пунџата остава впечаток на лежерност и негрижа за сопствениот изглед поради што совршено се вклопува во оваа естетика, која првенствено ја нагласува природната убавина.
View this post on Instagram
Постојат неколку варијации што ќе бидат особено популарни ова лето – елегантната пунџа, која не е целосно стегната, и стегната пунџа.
View this post on Instagram
Кога косата е крената, ушите и вратот автоматски се во преден план, што отвора простор за носење големи парчиња накит. Масивните обетки се прв избор бидејќи ја прават секоја комбинација поелегантна.
View this post on Instagram
Кога носите пунџа, особено интересна комбинација е со кркми, класични или оние како завеса, кои дополнително го врамуваат лицето. Потоа, дури и со наједноставно подигнатата коса целата фризура изгледа посериозно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Ѓоковиќ им подари потпишани маици на Модриќ и на Ковачиќ

Неодамнешна фотографија од фудбалерите Лука Модриќ и Матео Ковачиќ и тенисерот Новак Ѓоковиќ, направена на островчето Вела Ступа во близина на Корчула, стана вирална на интернет.
Лука и Матео позираа и со потпишани маици од колекцијата на Ѓоковиќ од Вимблдон. Српскиот тенисер напиша пораки на нивните маици кои ги воодушевија социјалните мрежи.
„За големиот Лука, од срце, за спомен. Се најдобро, брате“, му напиша тој на Модриќ.
На маицата на Ковачиќ напиша: „За Матео, од срце. Ти посакувам се најдобро.“
На островчето, фудбалерите и тенисерот се дружеа со претседателот на УЕФА, Александар Чеферин.
Сите четворица се големи фанови на хрватскиот брег.
Модриќ и Ковачиќ редовно одат заедно на одмор, а Чеферин одмара во Хрватска со години.
Забава
(Фото) Ослабе 40 килограми, почна да тренира и сега изгледа беспрекорно

Реалната ѕвезда Моли Смит, победничка на шоуто Love Island All Stars, повторно се најде во центарот на вниманието поради фотографиите направени на Мајорка, на кои позира во тесно бикини, а нејзиното затегнато тело и витата фигура оставаат многумина без зборови.
„Сезона на бикини“ – беше сè што напиша атрактивната русокоса со објавата од Мајорка, а во преден план се нејзините совршено обликувани стомачни мускули додека лежи на лежалка.
View this post on Instagram
И бикинито изгледаше како да се вклопува во атмосферата, а овој изглед на плажа го зачини со очила за сонце и дискретен накит.
View this post on Instagram
Таа направи неколку пози за да ги покаже својата беспрекорна фигура и исончаниот тен и доби многу комплименти за својот изглед.
View this post on Instagram
„Секојпат ми го одземаш здивот“, „Целиот труд се исплати“, „Изгледаш апсолутно неверојатно. Тоа тело е совршено“, се некои од коментарите упатени кон реалната ѕвезда.
View this post on Instagram
Таа го постигнува овој изглед со тренинг и не крие колку обожава да вежба, а често ги покажува своите тренинзи на социјалните мрежи.
View this post on Instagram
Таа гордо го покажува своето тело откога ослабе 40 килограми, а обожава да вежба и со своето момче Том Клер, кого го запознала во гореспоменатото реално шоу. Двајцата ја освоија првата сезона од шоуто.
Фото: принтскрин
Забава
Алкохолот влијае на ризикот од рак на усната шуплина

Ракот на усната шуплина е меѓу 20-те најчести видови рак во светот. Кај мажите тој е на 12-тото место, а кај жените е на 18-тото, според податоците од Светскиот фонд за истражување на ракот. Оваа болест може да влијае на јазикот, непцата и на внатрешноста на усните, а во некои случаи се шири и на задниот дел од грлото.
И додека генетиката игра улога, експертите нагласуваат дека исхраната и начинот на живеење може значително да влијаат на ризикот од развој на рак на усната шуплина.
Една секојдневна навика, која многумина ја доживуваат како дел од релаксација или социјални моменти, всушност може да биде сериозна закана – а тоа е консумирањето алкохол.
„Кога пиеме алкохол, тој се разградува во телото во ацеталдехид – токсично соединение, кое може да ја оштети ДНК и со тоа да го зголеми ризикот од рак“, објаснува диететичарката и нутриционистка специјализирана за онколошка исхрана, Керол Саливан, за EatingWell. Покрај тоа, алкохолот им овозможува на штетните супстанции полесно да навлезат во клетките на усната шуплина и грлото.
Таа додава дека алкохолот е класифициран како канцероген од категорија 1. Може да ја наруши природната рамнотежа на микроорганизмите во устата и во цревата, да предизвика воспаление и да го ослаби имунолошкиот систем – сето тоа заедно создава плодна почва за развој на рак.
Саливан истакнува дека дури и умереното пиење алкохол може речиси да го удвои ризикот од развој на рак на усната шуплина. Алкохолот исто така се меша во апсорпцијата на важни хранливи материи, како што се фолна киселина, витамините А, Ц и Е, кои се неопходни за обновување на клетките и заштита од слободните радикали.
„Редовното пиење алкохол може да предизвика сериозни недостатоци на есенцијални витамини и минерали. Алкохолот речиси и да нема хранлива вредност, но сериозно ги нарушува природните одбранбени механизми на телото“, нагласува таа.
Стоматологот Чед Либрати советува дека, за превенција, треба да се грижите за исхрана богата со овошје и зеленчук, да избегнувате тутун, редовно да посетувате стоматолог и да користите заштита за усни во сончеви денови.
„Дури и умереното пиење може да го удвои ризикот, а за оние што пијат често ризикот може да биде петпати поголем“, предупредува д-р Либрати.
Саливан додава дека многу луѓе се грижат повеќе за ритуалот на пиење отколку за самиот алкохол, па затоа предлага да се премине на безалкохолни алтернативи, кои се сè повеќе достапни денес и може да помогнат во одржувањето на здравјето, без да се жртвуваат социјалните навики.