Во денешно време не е лесно да се пронајде вистинската личност, па една жена се одлучила на прилично необичен потег. Лиса Каталано (42) од Сан Франциско вложила илјадници долари во џамбо билборди и реклами на такси возила со пораката „Ожени ме“, а на нејзиниот повик се јавиле повеќе од 4.000 мажи, наведува „Kалифорнија пост“.

„Луѓето ќе бидат шокирани колку потрошив. Сигурно ќе објавам преглед на трошоците кога сè ќе заврши и кога ќе се верам“, рекла Каталано.

Илјадници долари за реклами низ градот

Како што вели, најголемиот дел од парите отишле за џамбо билборди покрај автопатот 101 меѓу Санта Клара и Јужен Сан Франциско. Бидејќи во самиот Сан Франциско нема такви билборди, таму се одлучила за дигитални екрани на такси возила, кои во еден момент биле околу дваесет. Со рекламите на такси возилата престанала на 1 јануари, а огласите се прикажувале во циклуси од околу триесет секунди.

@marrylisaofficial I’m trying to find a husband, and I’m doing it by renting billboard space on highway 101 in the #sanfrancisco Bay Area! 😱 #moderndating #lookingforlove #highway101 #siliconvalley ♬ original sound – Lisa

На почетокот кампањата опфаќала десетина локации за билборди, но околу октомври бројот се намалил на шест до осум. За Денот на вљубените, на два дена поставила 14 специјални билборди со порака за празникот.

Сопствена веб-страница и рачна обработка на пријавите

Освен рекламирањето, Лиса вложила и во домен и хостинг за интернет-страница што самата ја изработила, како и во промотивни материјали како визит-картички, флаери и беџови. Купила и печатач и ги покрила трошоците за хартија и мастило за самата да ги испечати и рачно да ги прегледа илјадниците пријави.

„Сè правев рачно, сама, без ничија помош“, рекла Лиса, која со години работела во технолошката индустрија, а денес работи како фриленсерка и се занимава со препродажба на винтиџ облека. Во заливската област околу Сан Франциско, каде трошоците за живот и рекламирање се многу високи, целиот потфат, како што вели, ја чинел илјадници долари.

Од 4.000 пријави до првите состаноци

Откако добила повеќе од 4.000 пријави, Лиса секоја ја прочитала и изборот го стеснила на 50 мажи, потоа на 20, па договорила пет први состаноци. Вели и дека секој кандидат со кој излегува мора да потпише договор за доверливост, за да се заштити и себе и неа.

Иако сè уште не е во ексклузивна врска, 42-годишната жена вели дека ужива во состаноците и запознавањето нови луѓе. Денот на вљубените го поминала со маж со кој се гледа околу еден месец.

Румер Вилис, ќерка на холивудските актери Брус Вилис и Деми Мур, одлучи да одговори на коментарите на социјалните мрежи, појаснувајќи дека самата ја издржува својата ќерка Луета без никаква финансиска помош од своите славни родители.

Откако во понеделникот на својот Инстаграм објави видео за мајчинските обврски, како подготовка на оброци и вежбање, Румер Вилс се соочи со несакани коментари. Подоцна се огласи преку Инстаграм, посочувајќи на авторите на коментарите поради, како што рече, неинформираност и безобразлук.

Самохраната мајка, која ќерката ја има со поранешниот партнер Дерек Ричард Томас, откри дека работи повеќе работи за да се издржува и нагласи дека не добива финансиска помош од родителите.

„Работам четири различни работи за да ја издржувам својата ќерка. Јас сум нејзиниот единствен старател. Не живеам од семеен фонд ниту добивам пари од родителите. Поголемиот дел од времето немам никаква помош околу неа“, порача таа. „Затоа, што велите да застанете малку пред да почнете да осудувате и да носите претпоставки.“

Бидејќи коментарите продолжиле, Вилис се осврна и на конкретна забелешка од корисник дека, во случај на нужда, секогаш може да се потпре на „грбот“ што ѝ го обезбедува семејството. Во нова објава на Инстаграм дополнително го појасни својот став за претпоставките што луѓето ги имаат за неа како мајка и како личност.

„Многу сум свесна дека во животот имам привилегии што многумина ги немаат и не го земам тоа здраво за готово“, рече таа. „Знам дека постојат реалности што никогаш нема целосно да ги искусам и тоа го почитувам. Но оваа објава не се однесуваше на привилегии или споредување на животни околности, а изгледа дека луѓето претпоставуваат дека сум го занемарила тоа, иако тоа не беше темата за која сакав да зборувам.“

Дополнително објасни дека своето славно семејство никогаш не го сметала за резервен план и дека е горда што може сама да ја издржува својата ќерка. Изјавата ја заврши со зборовите дека секој „се соочува со различни животни околности“ и лични борби.

Како и нејзините родители, и Румер Вилис е актерка. Се појави во филмовите, „Sorority Row“ и Once Upon a Time in Hollywood, глумеше во серијата Empire, а дебитираше и на Бродвеј.

Астрологијата сугерира дека одредени хороскопски знаци во улогата на родители не отстапуваат од своите принципи и воспитуваат со дисциплина, јасни правила и високи очекувања.

Јарец

Јарците се симбол на дисциплина. Под влијание на Сатурн, воспитувањето го сфаќаат како сериозна животна мисија. Очекуваат ред, одговорност и исполнување на обврските без изговори. Иако делуваат строги, нивната љубов се изразува преку стабилност и учење на вредноста на трудот и упорноста.

Девица

Перфекционистите на зодијакот поставуваат високи стандарди. Домот им е организиран, а од децата се очекува дисциплина, добри навики и посветеност. Критиките не им се злонамерни – целта е детето да го достигне својот целосен потенцијал.

Лав

Лавовите имаат големи очекувања од своите деца и ги поттикнуваат да блескаат. Иако се топли и дарежливи, бараат почит и одговорност. Веруваат во исклучителноста на своите деца и ги туркаат напред за да успеат.

Овен

Како родени лидери, Овните ги воспитуваат децата да бидат храбри, самостојни и борбени. Не толерираат откажување и ги учат директно да се соочуваат со предизвиците.

Шкорпија

Интензивни и заштитнички настроени, Шкорпиите бараат искреност и емоционална сила. Веруваат дека карактерот се гради преку соочување со тешкотии, па воспитуваат психолошки издржливи личности.