Забава
Хејден Панетијер: Злоупотребата на дроги почна на 15 години кога ми дадоа „пилули за среќа“

Хејден Панетијер се борела со тајна зависност од опијати и алкохол.
32-годишната актерка откри дека нејзината зависност станала толку лоша што довела до распад на врската со боксерот Владимир Кличко, а во 2018 година ја испратила нивната ќерка Каја во Украина да живее со својот татко.
Во интервју за „Пипл“ таа вели: „Тој не сакаше да биде со мене. Јас не сакав да биде со мене. Но, со опијати и алкохол се чувствував среќна за момент. Потоа се чувствував полошо од претходно. Бев во циклус на самоуништување“.
А за одлуката да ја испрати ќерката да живее со Кличко, ѕвездата од Нешвил рече: „Тоа беше најтешкото нешто што некогаш морав да го направам. Но, сакав да бидам добра мајка за неа – а понекогаш тоа значи да ги пуштам да си одат.
„Никогаш немав чувство дека сакам да му наштетам на моето дете, но не сакав да поминувам време со неа“.
Хејден откри дека почнала да консумира дрога кога имала само 15 години, откако член од нејзиниот тим ѝ понудил „пилули за среќа“. Работите излегле надвор од контрола откако ја родила Каја во 2014 година и страдала од постпородилна депресија.
Морала да оди на рехабилитација осум месеци, откако пиела толку многу што ѝ била дијагностицирана жолтица, а во изминатата година имала интензивна терапија на траума и болничко лекување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Селена Гомез објави интимни фотографии на интернет и светот полуде

Пејачката и глумица Селена Гомез неодамна се венча. Таа му рече „да“ на својот партнер и музички продуцент Бени Бланко, а самата свадбена церемонија беше како бајка.
Иако официјалната церемонија е долгоочекувана приказна, се чини дека пејачката не може да го заборави тој посебен ден.
Сега таа објави серија интимни фотографии на Инстаграм пред самата свадба за дополнително да ја разбуди имагинацијата на своите обожаватели.
„Од пишувањето на моите завети до заминувањето од свадбата порано од повеќето…“, напиша Гомез.
Таа покажа момент на тишина додека седи во розов сатенски фустан и ги пишува своите љубовни завети.
Насмевката на нејзиното лице беше многу забележлива, а коментари како: „Прекрасна си“, „Го обожавам твојот стил“, „Сјаеш“ беа забележливи под серијата фотографии.
фото: принтскрин
Забава
(Фото) Меланија Трамп е божица на стилот и може да носи што сака

Веќе неколку пати видовме дека Меланија Трамп не мора секогаш да биде елегантна и гламурозна, но овој пат буквално ги засени сите со своите полежерни модни избори.
Иако „нејзината област“ се претежно фустани и костуми, првата дама на Америка сепак покажа дека е непобедлива во секое модно поле.
За посетата на поморската станица во Вирџинија, Меланија избра кожна бомбер јакна која ја комбинираше со бела кошула и потемни фармерки. Не би било исто без спектакуларна капа на која пишуваше САД, а целата нејзина комбинација потсети на сцена од филм.
Ако се сеќавате на Кели Мекгилис од филмот „Топ Ган“, ќе видите дека беше облечена слично, па можеби Меланија пронашла инспирација од неа.
Kelly McGillis (1986) pic.twitter.com/tkzUDA19nt
— Luxe (@luxefemmes) June 3, 2025
На овој настан ѝ се придружи и Доналд Трамп, но сепак, целото внимание беше насочено кон неа, барем кога стануваше збор за овој моден момент од целата приказна.
фото: принтскрин
Забава
(Фото) Кралицата на деколтето повеќе не го крие своето озлогласено момче: папараците повторно ги фатија

Актерката Сидни Свини повеќе не се крие кога е во друштво на Скутер Браун, озлогласениот менаџер во Холивуд, кој успеа да го освои срцето на фаталната русокоса.
Иако веќе некое време се шпекулира дека се во врска, сега сè е дефинитивно јасно, со оглед на тоа што тие повеќе не се кријат дури ни кога разменуваат нежности во јавност, објави „Пејџ Сикс“.
Sydney Sweeney and Scooter Braun hold hands while heading to office https://t.co/AbY8qm221m via @DailyMailCeleb
— andreu200 (@andreu20089490) October 6, 2025
Папараците ги фотографираа за време на прошетка во Њујорк додека се држеа за раце, а првите сомневања за нивната врска започнаа по свадбата на Лорен Санчез и Џеф Безос кога беа видени заедно во Венеција.
Во исто време, ова е и првата официјална врска на Сидни Свини откако ја раскина свршувачката со Џонатан Давин, со кого беше заедно седум години.
Очигледно, Скутер Браун првично бил загрижен за фактот дека е 16 години постар од актерката, но кога таа го направила првиот потег, и тој се опуштил.
Никогаш не беше целосно јасно зошто половина од Холивуд го мрази Браун, но познато е дека и Аријана Гранде и Џастин Бибер одеднаш ја прекинаа соработката со него, додека Тејлор Свифт го смета за голем непријател затоа што ги купил правата за нејзините песни без нејзина дозвола.
фото: принтскрин