Забава
Холивудската двојка обвинета за малтретирање
Блејк Лајвли и нејзиниот сопруг Рајан Рејнолдс се обвинети за малтретирање на продуцентот и режисер на филмот „Ова завршува со нас“ (It Ends With Us), Џастин Балдони, во шокантна тужба, пишува „Дејли мејл“.
Рејнолдс, една од најголемите холивудски ѕвезди, кој ужива во успехот на минатогодишниот филм Deadpool & Wolverine наводно агресивно го обвинил Балдони за серија навреди кон сопругата, вклучително и намалување на тежината.
Во тужбата се наведува дека Балдони, други продуценти и претставник на „Сони“ биле поканети во домот на парот.
„Тие пристигнаа подготвени да разговараат за плановите за утрешното снимање, со подготвени материјали за производство. Наместо тоа, беа изненадени од Лајвли и Рејнолдс, кои презентираа список со поплаки, кои беа неочекувани и вознемирувачки. Балдони подоцна ја опиша средбата како трауматична наведувајќи дека никогаш во животот не му се обраќале така“, се вели во тужбата.
Рејнолдс побарал извинување за постапките кои биле погрешно претставени и очигледно неточни, се наведува во тужбата.
Во него се додава: „Кога Балдони одби да се извини за нешто што не го направил, Рејнолдс стана уште полут. Сите присутни во шок го напуштиле состанокот“.
Балдони тврди дека по завршувањето на снимањето, Лајвли го презела филмскиот проект од него, одбила да оди на црвениот тепих со него или да му дозволи да присуствува на премиерата и дека таа и нејзиниот сопруг Рејнолдс наводно го користеле своето влијание за да му наштетат.
Во тужбата се наведува дека во јули минатата година, пред прикажувањето на филмот, Балдони дознал дека за време на премиерата на Deadpool & Wolverine, Рејнолдс му пристапил на агентот на Балдони од агенцијата „Вилијам Морис Ендевор“ и побарал тој да го отпушти Балдони.
Тужба е поднесена синоќа и против „Њујорк тајмс“ откога во нивниот напис од 20 декември се тврдеше дека холивудската машина за дискредитирање била активирана за да се оцрни Лајвли, пишува „Дејли мејл“.
Во написот се наведува, делумно врз основа на правна жалба од 80 страници поднесена од Лајвли, дека Балдони и неговата партнерка се обвинети за сексуално вознемирување.
Во тужбата, сепак, се тврди дека „вистинскиот извор на тензија меѓу Лајвли и тужителите била смелата и намерна стратегија на Лајвли да го преземе филмот“.
Адвокатот Брајан Фридман најавува поднесување на повеќе тужби во наредните денови.
Адвокатите на Балдони и неговите ПР експерти доставија бројни докази, вклучително и СМС пораки, е-пошта и разговори на „Ватс ап“, кои наводно докажуваат дека Лајвли извршила непријателско преземање на филмот.
Наводно таа го нарушила филмот со тоа што одбила да се сретне со координаторот за интимни сцени, барајќи промена на гардеробата и доставување облека до нејзиниот дом за прегледување, како и додавање реплики во филмот.
Таа на крајот ја презела монтажата на филмот и направила своја верзија.
Таа, наводно, им се заканувала на продуцентите во Сони дека ќе го напушти проектот и на крајот ја презела целосната контрола над Балдони.
Балдони тврди дека тој, неговото семејство и пријателите не биле поканети на пост-забавата, па дури и завршиле во подрумот вечерта на премиерата, бидејќи Лајвли не им дозволувала да бидат во иста просторија со неа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Мадона измамува воздишки во секси облека
Пејачката Мадона долго време е тема на јавноста поради нејзиниот љубовен живот. Странските медиуми неодамна објавија дека поп-дивата треба да се омажи за својот 38 години помлад партнер, Акем Морис, а извори блиски до неа тврдат дека таа е вљубена во него до уши.
„Морис ја прави среќна, никој никогаш не се однесувал така со неа“, велат изворите.
Сега таа објави серија жешки фотографии на „Инстаграм“ покажувајќи дека годините за неа се само бројка и дека на 68 години изгледа како вистинска дива.
Носеше розов фустан од корсет, кој ги нагласува нејзината вита фигура и градите, а на својот изглед додаде и крзнено палто, исто така во розова боја.
View this post on Instagram
Изгледот го надополни со брановидна фризура и впечатлива шминка, а ова издание многу потсетува на нејзината ера Blond Ambition од 1990 година.
Судејќи според објавите на социјалните мрежи, поп-дивата ужива во љубовта со својот 38 години помлад партнер, а за него носи комбинации што привлекуваат погледи и измамуваат воздишки.
фото: Depositphotos
Забава
(Фото) Сè што ви треба за најмодерниот зимски изглед се овие чевли
Како што се приближуваат празниците, модните љубители во светот бараат совршена облека за божиќни вечери, вечерно излегување со пријатели или гламурозна новогодишна забава.
Додека фустаните со светки и екстравагантните парчиња секогаш имаат свој шарм, Французинките – апсолутните кралици на шикот без напор – нè потсетуваат дека вистинската софистицираност често лежи во деталите. Оваа година тој детаљ е чифт црвени чевли.
Црвената боја веднаш испраќа порака за самодоверба, празничен дух и женственост. За разлика од очигледните празнични изгледи, црвените чевли може да ја трансформираат дури и наједноставната облека давајќи ѝ моментен карактер и енергија. Французинките го знаат ова и затоа ги избираат одново и одново – од класични чевли до удобни балетанки и минималистички сандали.
Црвени чевли за секоја пригода
За време на празниците црвените чевли лесно се приспособуваат на секоја ситуација. За гламурозни вечери, чифт црвени чевли со зашилен врв или тенка потпетица веднаш додава софистициран и елегантен допир. За понеформални моменти – како што е излегување со пријатели или семејно собирање – црвените балетанки или „мери џејнс“ со ниски потпетици се идеални бидејќи обезбедуваат удобност, без да се жртвува стилот.
Дури и црвените сандали може да бидат хит, особено кога се комбинираат со монохроматски комбинации, што им овозможуваат на чевлите да блеснат.
Друга голема предност на црвените чевли е нивната разноврсност – тие не се само за празниците. Може да се носат преку целата година, со фармерки, здолништа или елегантни панталони. Значи, наместо да инвестирате во нов фустан што можеби ќе го носите само еднаш, црвените чевли нудат бесконечни можности за стилизирање.
фото: unsplash
Забава
(Видео) Тие ја почнаа својата љубовна приказна со афера, а 25 години подоцна се сакаат како првиот ден
Филмот „Аватар 3“ полека пристигнува во кината, а на премиерата режисерот Џејмс Камерон и неговата сопруга го привлекоа вниманието.
Прославениот режисер Џејмс Камерон се појави на премиерата на филмот со својата сопруга Сузи Амис, со која е во брак од 2000 година. Нивното заедничко доаѓање на премиерата многумина ги потсети на таа стара љубовна приказна со многу комплициран почеток.
Камерон ја запозна Сузи додека сè уште беше во брак со Линда Хамилтон. Шпекулациите за афера меѓу Сузи и Џејмс станаа почести, особено по снимањето на филмот „Титаник“.
Линда набргу поднесе барање за развод и доби 50 милиони долари за возврат. Тоа му беше четврти развод на Камерон, а потоа и негов петти брак со Сузи, со која подоцна доби три деца.
View this post on Instagram
Тие го посветија својот живот целосно на своето семејство, особено Сузи, која исто така престана да глуми. Сега живеат на Нов Зеланд, каде што имаат фарма и куќа.
Со заедничкото појавување на црвениот тепих тие им покажаа на сите дека, дури и по 25 години, љубовта не бледнее, без оглед на фактот дека сè почна со афера, која беше во центарот на сите настани во тоа време.
View this post on Instagram
Камерон еднаш зборуваше за тоа какви жени го привлекуваат, а неговата изјава се прераскажуваше со денови.
„Ми се допаѓаат силни, независни жени, но има една мана во тоа – на силните и независни жени не им треба никој. За среќа, јас сум во брак со силна и независна жена, која верува дека сè уште ѝ требам“, рече режисерот во тоа време.
фото: Depositphotos
(Фото) Претрес во Тетовско, пронајдени дрога, оружје и муниција
Денеска околу 08:00 часот, полициски службеници од СВР Тетово го лишија од слобода 30-годишниот Ф.Р. од село Орашје, општина Јегуновце....
Обвинение за таткото и двете ќерки: спречиле службени лица да одземат добиток во Крива Паланка
Основното јавно обвинителство Крива Паланка поднесе обвинителен предлог против три лица за кривично дело спречување службено лице во вршење службено...
(Видео) „Филипче работел на изградба на прифатен центар за мигранти во Македонија“: Лефков објави документи
„Филипче не е лидер, туку потрчко на Заев, едно дугме-политичар кој има единствена улога да го покрива и штити неговиот...
Уапсено лицето што насилно упадна во студиото на „Инфомакс“
Полициски службеници од ПС Кисела Вода го лишија од слобода 43-годишниот Г. С. од Скопје веднаш по добиената пријава на...
Насилен упад во студиото на „Инфомакс“, ЗНМ бара најстрога санкција за напаѓачот
Здружението на новинарите на Македонија (ЗНМ) најостро го осудува бруталниот напад што вчера се случи во редакцијата на „Инфомакс“ за...
Приведен навивач од Словачка, на 10 други не им беше дозволен влез во државата поради агресивно однесување во авион за време на лет
Вчера околу 20:30 часот во СВР Скопје, од службите на Меѓународен аеродром Скопје и од Регионалниот центар за гранични работи...
(Видео) „Невозможно е да се запрат, тие се насекаде“: Покровск е нападнат од огромен број руски војници
Во една од најжестоките битки од почетокот на војната, украинските сили го бранат Покровск од огромни руски сили од околу...
Црногорскиот премиер рече дека ќе влезе во ЕУ пред Србија; Вучиќ: Прво скокни, па кажи оп
Српскиот претседател Александар Вучиќ вчера во Брисел ја коментираше реакцијата на црногорскиот премиер Милојко Спајиќ на неговата идеја земјите од...
(Видео) Зеленски: Во руската историја никој никогаш не бил толку зависен од Кина
Украинскиот претседател Володимир Зеленски изјави, по извештајот на шефот на киевската служба за надворешно разузнавање, дека Русија и Кина преземаат...
Трамп: Поканети сме на состанок во Европа, на кој би учествувал и Зеленски
САД се поканети на состанок во Европа овој викенд, каде што се очекува и украинскиот претседател Володимир Зеленски, изјави вчера...
(Видео) Американците упаднаа на танкер кај Венецуела, објавена снимка: „Транспортира нафта“
САД запленија танкер за нафта крај брегот на Венецуела, изјави американскиот претседател Доналд Трамп, со што се ескалираа тензиите со...
Градот Скопје обезбедува сопствен стан, шелтер центар за заштита на жртвите од родово базирано насилство
На денешната седница на Советот на град Скопје беше донесена одлука со која се отвора можност еден стан во сопственост...
Зеленски: Го финализираме мировниот документ што наскоро ќе им го претставиме на Американците
Претседателот на Украона, Володимир Зеленски вели дека земјата го финализира мировниот документ од 20 точки и ќе го претстави на...
Пазарот на недвижности расте – Аеродром со најмногу склучени купопродажби во првата половина од годината
Пазарот на недвижности во земјава во првите шест месеци од оваа година бележи зголемена динамика, а гледано на територијата низ...
Скопјанец го онесвестил брата си со дрвена ногарка по глава и си легнал да спие, ОЈО го гони за обид за убиство
Скопското Обвинителство, по спроведена истражна постапка, поднесе обвинение против едно лице, за обид за убиство врз неговиот брат. Обвинетиот 37-годишник,...
Уапсени 12 лица од Скопје, купувале оружје и муниција од Косово, го криеле во Сингелиќ и Брест
По неколкумесечна предистражна постапка, денес во раните утрински часови, под раководство на јавен обвинител од Основното јавно обвинителство за гонење...
ДЗС не е детективска служба да открива нелегални објекти, ги има околу 100.000, рече Шабан Салиу и тврди дека немал ништо со „Пулс“
Актуелниот министер без ресор, Шабан Салиу, обвинет за трагедијата во кочански „Пулс“ како директор на Дирекцијата за заштита и спасување...
Тројца бугарски државјани осомничени за неовластена трговија со македонски народни носии
Основното јавно обвинителство Битола отвори против тројца бугарски државјани, жители на Пловдив, поради основано сомнение дека вршеле кривично дело неовластена...
(Видео) Мицкоски: Ќе се повлечам од политиката ако Филипче најде и еден мигрант, во спротивно да се извини јавно
„Граѓаните треба да знаат каква е состојбата, СДСМ нема тема, притисокот е голем за Венко Филипче однатре и однадвор да...
Kривична пријава против Оливер Спасовски: како министер за внатрешни работи ги злоупотребил положбата и овластувањата
Вчера, Одделот за сузбивање организиран и сериозен криминал до ОЈО Скопје поднесе кривична пријава против О. С. (49) од Куманово...
