Забава
Хороскопски знаци за долги врски: веруваат во долгорочна љубов
![](https://makfax.com.mk/wp-content/uploads/2024/07/Screenshot-2024-07-16-112416.jpg)
Хороскопските знаци за долги врски веруваат во љубов до крајот на животот. Тие се многу посветени партнери и сигурно нема лесно да се откажат од врската.
Одредени хороскопски знаци едноставно се создадени за долги врски и не знаат како да функционираат на други начини. Овие знаци не дозволуваат негативните искуства од претходните врски да ги ограничат и поради тоа имаат проблеми со довербата.
Хороскопски знаци за долги врски
Бик
Бикот сака сигурност и стабилност. Токму тоа е причината поради која тие се многу поврзани со своите партнери. Потребен им е партнер кој дава поддршка и е тука за секој проблем што го имаат. Мразат промени и ќе се трудат до крај да не раскинат. Секој вистински Бик знае да истрае и целосно да и се предаде на другата страна. Важно е само да изградат доверба и партнерот да биде ценет и сакан.
Рак
Раковите се емоционално наелектризирани знаци и се познати по тоа. Потребен им е партнер кој секогаш ќе биде тука за нив, ќе се грижи за нив и ќе направи да се чувствуваат безбедно. Откако ќе влезат во врска, многу тешко ќе раскинат. Уште од самиот почеток, тие најверојатно ги замислуваат семејствата и децата со својот партнер. И секако, штом ќе се поврзат и ќе ја видат сликата на совршено семејство, ќе направат се за да го остварат тоа.
Лав
Иако се огнени знаци, тие се едни од најверните во врската. Како и Биковите, така и Лавовите не сакаат промени и не сакаат да одат од еден партнер на друг поради која било причина. Нивниот оптимизам кога работите ќе тргнат наопаку влијае и на нивниот партнер, па тие релативно лесно се справуваат со секоја бура. Сè што е поврзано со љубовта, Лавовите го имаат од раѓање. Ако чувствуваат дека партнерот ги почитува, тие ќе направат се за да возвратат со тоа што ќе направат нивниот партнер да се чувствува сакан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.
Забава
Ортега призна дека ѝ е тешко да се справи со славата: „Тоа е страшно чувство“
![](https://makfax.com.mk/wp-content/uploads/2024/09/39915bbe-69d4-4b14-b543-9a6ffc626f0a.jpg)
Џена Ортега, ѕвездата на новото продолжение на „Бубимир“, откри дека тешко се справува со славата.
Ортега, која се прослави со улогата во серијата на Тим Бартон во средата, ја почна својата кариера на 10-годишна возраст во серијата „Заглавени во средината“ на каналот „Дизни“ и во хит-серијата Jane the Virgin, а глумеше и во филмот Iron Man 3“.
21-годишната актерка во интервју за МТВ зборуваше за својата почит и восхит кон колешката Винона Рајдер, ѕвезда на филмот „Бубимир“ од 1988 година, која исто така се појавува во продолжението.
Ортега објасни како разговарала со актерката за сличностите меѓу нив. Имено, и Рајдер ја почнала својата кариера на рана возраст. На 15-годишна возраст глумела во филмот „Лукас“ од 1986 година, а наполнила 16 години за време на снимањето на „Бубимир“.
„Седнавме и разговаравме за тоа долго време. И тоа е навистина, навистина охрабрувачко и утешно, особено затоа што кога го снимавме продолжението на ‘Бубимир’, немаше ниту една година откако излезе, па сè беше уште ново“, изјави Ортега и објасни дека не е лесно да се справиш со славата.
„Тоа е страшно чувство. И не го велам тоа за да се пожалам. Се случуваат многу работи. И, дефинитивно, е приспоосбување“, признала таа.
„Многу сум благодарна што сум таму каде што сум, а и Рајдер ми го кажа тоа. Не знам, тоа беше една од работите околу кои се врзавме“, рече таа.
Во новото продолжение на „Бубимир“ играат и Мајкл Китон, кој повторно се најде во главната улога, и Кетрин О’Хара, која исто така глумеше во филмот од 1988 година.