Забава
Хороскопски знаци кои имаат најголемо срце: ќе ве чуваат како малку вода на дланка
Доколку барате некој кој искрено ќе ве сака, обрнете внимание на следните хороскопски знаци. Ова се хороскопските знаци кои имаат најголеми срца.
Има претставници на зодијакот кои секогаш ги поддржуваат своите партнери и се подготвени да го вложат своето време, пари и емоции за да ја задоволат својата сакана.
Кои хороскопски знаци имаат најголемо срце
1. Рак
Секој знае дека Раковите се најљубезните и најнежните луѓе – па сосема е за очекување дека ќе ги видите на оваа листа. Иако, понекогаш Раковите може да изгледаат груби и затворени. Но само на оние кои ги гледаат првпат или на оние кои на некој начин ги навредиле. Избегнувајте непримерни шеги и зајадливи коментари доколку сакате да се дружите со Ракот. Но, среќниците кои се во врска со Рак многу добро знаат дека никој друг нема да им посвети толку внимание и љубов.
2. Риби
Претставниците на овој знак придаваат големо значење на сопствените и туѓите чувства. Затоа, тој долго и вредно ќе ви се извинува дури и за помала грешка. Рибите можеби не се најодлучните партнери – така што првиот чекор ќе зависи од вас – но дефинитивно нема да ве остават на цедило. Рибите ќе ги исцрпат сите начини да и помогнат на саканата личност и нема да можат да се вратат во нормалниот живот доколку со партнерот не е се во ред. Нивното срце е големо колку вселената.
3. Лав
Општо е прифатено дека Лавовите се најсебичните луѓе. Но, овој хороскопски знак знае да го сака не само својот одраз во огледалото, туку и својот романтичен партнер. Лавовите се многу дарежливи – ги опсипуваат своите сакани со љубов, внимание и подароци. Најважно е никогаш да не се потсмевате или да ги обезвредните чувствата на Лав, во спротивно никогаш повеќе нема да го видите.
4. Овен
Ова е најмоќниот и најенергичниот знак, а неговиот љубовен јазик е заштита на саканите. Ако отсекогаш сте сонувале за партнер кој нема да дозволи другите да кажат ниту збор за вас на негативен начин, тогаш Овенот дефинитивно ќе стане ваш идеал. Само не ги доведувајте во прашање неговите достигнувања и не обидувајте се да ја разнишате неговата самодоверба. Овенот ќе ви го даде своето срце само ако верувате во него.
5. Девица
Колку пати сме слушнале дека Девиците се неверојатно критични и сурови луѓе. И како се најдоа на оваа листа? Всушност, Девицата одлично знае колку нејзиното срце е ранливо и колку може да биде слаба – и затоа не паѓа на изјави за љубов и комплименти, бидејќи на тој начин се заштитува од емоционални повреди. Но, тие ги опсипуваат своите најблиски со знаци на внимание и им пружаат безрезервна поддршка. Најважно е да и дадете до знаење на Девицата дека никогаш нема да ја изневерите.
6. Јарец
Бидејќи е доста сличен со Девицата, веројатно и за Јарецот се прашувате како завршил на оваа листа. Ниту еден друг знак досега не добил толку критики дека е ладен и бесчувствителен. Само, за разлика од Девиците, Јарците навистина не се способни да пишуваат љубовни песни и искрено да зборуваат за своите чувства. Но, Јарецот е тој „камен ѕид“ на кој секогаш можете да се потпрете и навистина има големо срце. Освен тоа, тој нема да ви даде никаква причина да бидете љубоморни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Меланија Трамп ја украси Белата куќа за Ноќта на вештерките
Меѓу контроверзиите околу градежните работи во Белата куќа, Меланија Трамп ги покажа своите декорации за Ноќта на вештерките, подготвувајќи се за традиционалната прослава што ќе се одржи недалеку од срушеното Источно крило.
Нејзината канцеларија објави фотографии од подготовките со порака: „Белата куќа се подготвува за Ноќта на вештерките 🎃“.
The @whitehouse is getting ready for Halloween 🎃 pic.twitter.com/J7LAs6hqfl
— Office of the First Lady (@FirstLadyOffice) October 28, 2025
Есенска атмосфера и многу тикви
За разлика од претходните години, Меланија се чини дека се одлучила за поедноставна декорација за претстојната Ноќ на вештерките. Задниот влез и скалите се покриени со тикви, додека шарени лисја ги красат столбовите на тремот. Целокупниот впечаток повеќе потсетува на есенска тема отколку на Ноќта на вештерките, што можеби била намерна одлука за да не се исплашат најмладите гости кои доаѓаат на традиционалното собирање слатки.
Забава
Меган Фокс за мајчинството: Не сум спиела седум месеци
Американската актерка Меган Фокс (39) искрено проговори за предизвиците на мајчинството по раѓањето на ќерката Сага, која ја доби со свршеникот Колсон Бејкер.
На проекција на филмот Jennifer’s Body во Лос Анџелес, Фокс откри дека по породувањето, се соочува со силна исцрпеност.
„Само што родив бебе и страдам. Не сум спиела седум месеци“, изјавила таа објаснувајќи дека има тешкотии со концентрацијата и со меморијата.
Актерката додала дека по породувањето, се споредила со трансформацијата на својот лик во чудовиште од филмот, алудирајќи на психолошките промени што ги чувствува.
Иако постојат шпекулации за развод, таа и сопругот останале заедно и по тешкиот период, вклучувајќи го губењето на бременоста во 2023 година, што Меган го опиша како длабоко емотивно и болно искуство.
Забава
(Видео) Дакота Џонсон во спектакуларен фустан: актерката во креација на „Валентино“ по шест години
Популарната актерка Дакота Џонсон блесна на настанот Vogue World 2025: Hollywood кога се појави во спектакуларен фустан од модната куќа „Валентино“ и покажа зошто е една од најзаводливите холивудски ѕвезди.
Интересно е што таа не ги носела креациите на оваа престижна италијанска модна куќа на црвениот тепих веќе шест години, но соработката е обновена и сигурно ќе уживаме во нејзините спектакуларни изданија и во наредниот период.
@dakotajohnsonarg this cutieeeee!!! 💗🤏🏻🥹 #dakotajohnson #VogueWorld #vogue #voguemagazine #hollywood ♬ what is love haddaway – whitelinesprettybabyy
Дакота, во соработка со стилистката Кејт Јанг, избра многу впечатлива креација од колекцијата пролет 2026, фустан украсен со мониста во нежни, пастелни бои по целата должина.
Инспириран е од 20-тите, а е посебен поради везот на деколтето и делумно проѕирниот дел од тил во нежно розова боја. Друг интересен детаљ е високата јака, која исто така е изработена од тил, но во друга боја. Со овој фантастичен фустан Дакота избра нежно розови чевли од „Валентино“, како и дискретен накит.
@gbr.mag me encontro obcecada pelo look da dakota johnson no vogue world 🥹🤍 #tiktokfashion #dakotajohnson #vogueworld #fashion #moda ♬ original sound – lana del rey ୨୧
Провокативната и ефектна комбинација ја комплетира со црна чанта, а додека фотографите ја фотографираа, таа не можеше да ја тргне насмевката од лицето.
фото: принтскрин

