Забава
Хороскопски знаци кои партнерките ги чуваат како кралици

Кога станува збор за љубовта, некои хороскопски знаци постојано им покажуваат на партнерите колку им значат. Тие не само што сакаат, туку обожаваат – и на начин што ве тера да размислувате: „Дали е ова бајка или реалност?“ Ако сте меѓу среќните жени со овие знаци, знајте дека секогаш ќе ве третираат со грижа и почит, што ве остава без здив. Еве кои се романтичните „чувари“ на нивните партнери.
Рак
Ракот е мајстор за емоционална поврзаност, а неговата најголема сила лежи во способноста да го стави партнерот на прво место во се’. Ракот кога сака, сака од срце – целосно, безусловно и со непоколеблива посветеност. Неговата партнерка е буквално центарот на неговиот свет, а Ракот прави се за да ја заштити и усреќи.
Раковите се познати по тоа што се грижат за секој детал – од омиленото кафе до омилениот филм на партнерот. Нивната љубов се изразува преку мали, но значајни гестови: топли прегратки по напорниот ден, подготвување вечера само затоа што знаат дека тоа е токму она што ѝ треба или дури и испраќање пораки до нејзините омилени емотикони за да и го разубави денот. Ракот го држи партнерот како капка вода на дланка затоа што едноставно не знае на друг начин – неговата љубов доаѓа од сржта на неговата грижлива природа.
Бик
Кога Бикот сака, нeговата љубов е постојана и длабока. Бикот не тргнува по минливи страсти – бара стабилност и трајна врска, а кога ќе ја најде, на партнерот му обезбедува свет на сигурност и внимание. Ако сте партнер на Бик, подгответе се за третман на кралица, бидејќи тој нема да дозволи никогаш ништо да пропуштите.
Биковите се практични во љубовта – со своите постапки покажуваат колку се грижат. Без разлика дали станува збор за преуредување на станот за да ви биде поудобно на двајцата или ќе ве изненади со омилениот десерт по напорниот ден, Бикот секогаш мисли на вас. За него партнерот е скапоцен камен кој треба да се чува и негува, а знае како да направи да се чувствувате посебно секој ден. Нежноста и сигурноста на Бикот го прават идеален партнер за сите оние кои сакаат љубов која трае и не избледува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Дури на 47 години покажа дека и таа може: секогаш срамежлива, но сега премногу секси

Кејти Холмс блесна на црвениот тепих во еден од најатрактивните изгледи, а признаваме дека овој вид гламур одлично ѝ прилега.
Актерката Кејти Холмс нè навикна на секогаш внимателно избрани и префинети комбинации и секојдневен стил, кој инспирира многумина, меѓутоа таа знае и како да ја скокотка фантазијата со провокативен изглед – и навистина може.
Кејти Холмс пред неколку дена присуствуваше на премиерата на претставата Glengarry Glen Ross во Њујорк, а за таа пригода се осмели да облече многу секси тоалета откривајќи дека не заостанува ниту зад актуелните трендови ниту, пак, зад помладите колешки.
Таа носеше едноставен, но многу ефикасен долг, тесен фустан, во темносина боја, а она што на прв поглед изненадува е тоа што е проѕирен.
Поранешната сопруга на Том Круз во него ја покажа својата вита линија бидејќи фустанот ги следи контурите на телото по целата должина, а зад креацијата стои њујоршкиот бренд Aflalo. Во продажба може да се најде за приближно 700 евра.
Иако оваа креација изгледа целосно затворена напред, нејзината задна страна е многу попровокативна и разиграна. Фустанот има голем изрез на грбот и јасно е дека не трпи да се носи градник.
Комплетниот изглед е заокружен со лежерна пунџа и суптилна шминка – во препознатливиот стил на убавата актерка, но и со едноставни црни чевли, со едвај забележлив отворен преден дел, и златен накит.
Забава
(Фото) Морничав кич или вистинско совршенство: Меланија Трамп предизвика хаос со „обично“ издание

Првата дама на Америка секогаш изненадува со својот изглед, веќе некое време ја нема на јавни настани, но со најновото појавување го надомести тоа.
Меланија Трамп присуствуваше на доделувањето на наградите „Меѓународни жени на храброста“ и со својот изглед успеа да ги остави сите во сенка.
И додека нетрпеливо ја чекавме старо-новата прва дама повторно да нè шармира со своите модни изданија, таа кратко исчезна. На неодамнешната церемонија на доделување на наградите на Стејт департментот, Меланија блесна во уникатно парче.
Капутот со леопард-принт на дизајнерката Мили Парк го привлече целото внимание. Направен е од телешка кожа и цената е неверојатни 11.000 долари.
Знаеме дека Меланија сака капути и мантили, тие некако го дефинираат нејзиниот стил и ја прават единствена, па и овој пат покажа дека исклучиво го негува сопствениот стил и не подлегнува на трендовите.
Најстрогите модни критичари го оценија ова модно издание како премногу драматично за ваков настан, но Меланија уште еднаш успеа да ги натера сите да зборуваат за неа.
Инаку, дизајнерката Мили Парк неодамна зачекори на модната сцена и веројатно не можеше да замисли дека Меланија Трамп ќе избере едно од нејзините парчиња.
Забава
Овој хороскопски знак има 1.000 лица: затоа жените се луди по него

Навидум има ист вкус како тебе, се смее на исти шеги, се облекува исто и сака ист амбиент.
Со Водолија имате впечаток дека сте нашле личност со многу широки интереси, афинитети и суптилни желби: кога разговарате со него, веднаш забележувате дека „го зборувате истиот јазик“.
Навидум има ист вкус како тебе, се смее на исти шеги, се облекува исто и сака ист амбиент.
Никогаш не ви е тешко да се справите со него и уживате во неговото присуство.
Со други зборови, со Водолија добивате впечаток дека сте во друштво на „оној вистинскиот“.
Меѓутоа, проблемот е што сите жени така се чувствуваат за него и дека нема ништо различно кај него, па затоа нема посебна наклонетост кон вас.
Водолијата е вистински камелеон кој се труди да им угоди на сите и да направи да се чувствуваат добро покрај него.
За подобро да го запознаете, треба да ја поминете оваа втора фаза: еден ден покажува незаинтересираност за нешто што ви се допаѓа или ако изрази желба што не ви одговара, тоа значи дека полека почнува да се отвора.
Дури и тогаш, тој ќе се обиде да сподели со вас само мал дел од она што навистина го мисли или чувствува.
Неговата тенденција е да живее неколку животи одеднаш, по еден за секој амбиент, за секоја група пријатели или за секоја негова желба или интерес.
Ако сакате да го видите вистински заљубен, ќе треба да го дочекате денот кога ќе биде подготвен да ви се покаже во целост, без никаква цензура, со сите свои илјада лица и кога ќе ви каже што прави и како се чувствува кога не е со вас.