Забава
Хороскопски знаци кои партнерките ги чуваат како кралици
Кога станува збор за љубовта, некои хороскопски знаци постојано им покажуваат на партнерите колку им значат. Тие не само што сакаат, туку обожаваат – и на начин што ве тера да размислувате: „Дали е ова бајка или реалност?“ Ако сте меѓу среќните жени со овие знаци, знајте дека секогаш ќе ве третираат со грижа и почит, што ве остава без здив. Еве кои се романтичните „чувари“ на нивните партнери.
Рак
Ракот е мајстор за емоционална поврзаност, а неговата најголема сила лежи во способноста да го стави партнерот на прво место во се’. Ракот кога сака, сака од срце – целосно, безусловно и со непоколеблива посветеност. Неговата партнерка е буквално центарот на неговиот свет, а Ракот прави се за да ја заштити и усреќи.
Раковите се познати по тоа што се грижат за секој детал – од омиленото кафе до омилениот филм на партнерот. Нивната љубов се изразува преку мали, но значајни гестови: топли прегратки по напорниот ден, подготвување вечера само затоа што знаат дека тоа е токму она што ѝ треба или дури и испраќање пораки до нејзините омилени емотикони за да и го разубави денот. Ракот го држи партнерот како капка вода на дланка затоа што едноставно не знае на друг начин – неговата љубов доаѓа од сржта на неговата грижлива природа.
Бик
Кога Бикот сака, нeговата љубов е постојана и длабока. Бикот не тргнува по минливи страсти – бара стабилност и трајна врска, а кога ќе ја најде, на партнерот му обезбедува свет на сигурност и внимание. Ако сте партнер на Бик, подгответе се за третман на кралица, бидејќи тој нема да дозволи никогаш ништо да пропуштите.
Биковите се практични во љубовта – со своите постапки покажуваат колку се грижат. Без разлика дали станува збор за преуредување на станот за да ви биде поудобно на двајцата или ќе ве изненади со омилениот десерт по напорниот ден, Бикот секогаш мисли на вас. За него партнерот е скапоцен камен кој треба да се чува и негува, а знае како да направи да се чувствувате посебно секој ден. Нежноста и сигурноста на Бикот го прават идеален партнер за сите оние кои сакаат љубов која трае и не избледува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(ФОТО) И на 40 години во врвна форма: Роналдо повторно ги воодушеви фановите
Кристијано Роналдо повторно ги воодушеви фановите со фотографија објавена на Инстаграм, на која позира без маица во црни боксерки, покажувајќи ја одличната физичка форма и на 40-годишна возраст.
„По сауна“, напиша кратко Роналдо под фотографијата направена во теретана. Ова не е првпат фудбалската ѕвезда да објави вакви фотографии, со кои редовно ја истакнува дисциплината, тренинзите и начинот на живот по кои е препознатлив.
View this post on Instagram
Забава
Леонардо ди Каприо никогаш повторно не го гледал „Титаник“
Актерот Леонардо ди Каприо ги шокираше фановите со признанието дека никогаш повторно не го погледнал „Титаник“, филмот што во 1997 година го лансираше во светска слава и ја обележа цела една генерација.
Ди Каприо за тоа зборуваше во разговор со Џенифер Лоренс во емисијата Actors on Actors, пренесува „Варајети“. За време на опуштениот разговор, Лоренс директно го праша: „Дали некогаш повторно го погледна ‘Титаник’?“
Ди Каприо без размислување одговори: „Не. Не сум го гледал.“
Лоренс се изненади и му рече: „Па, треба да го гледаш! Се кладам дека сега би можел да го гледаш, навистина е добар.“
„Јас всушност не ги гледам моите филмови. Ти ги гледаш ли твоите?“ ја праша Ди Каприо колешката.
„Не“, одговори Лоренс низ смеа. „Никогаш не сум снимила нешто како ‘Титаник’. Да сум, сигурно ќе го гледав. Еднаш бев многу пијана и го пуштив ‘American Hustle’. Се прашував: ‘Дали јас сум добра актерка?’ Го пуштив филмот… и не се сеќавам на одговорот.“
Ди Каприо слично признание дал и претходно. Во август, за списанието „Есквајр“, изјави дека ретко ги гледа своите филмови, но дека постои еден исклучок.
„Тоа е ‘Авијатичарот’. Тој филм ми беше особено важен“, рече актерот, присетувајќи се на соработката со режисерот Мартин Скорсезе и на неговиот долгогодишен интерес за ликот на Хауард Хјуз.
Филмот „Титаник“, во режија на Џејмс Камерон, стана еден од најуспешните филмови во историјата, а Ди Каприо во него глумеше заедно со Кејт Винслет.
„‘Титаник’ беше голем експеримент за Кејт и за мене“, изјави Ди Каприо уште во 2016 година. „Не можевме ни да замислиме колку голем ќе стане филмот. Сè тоа нè изненади.“
Тој додаде дека по тој успех морал да забави и да се врати на своите актерски цели.
„Знаев дека од мене се очекува нешто одредено, но сакав да останам верен на себе и на причината поради која воопшто почнав да глумам“, порача Ди Каприо.
Забава
Од февруари ќе се наплаќа пристап до фонтаната ди Треви
Од 1 февруари, туристите ќе мора да платат две евра за да добијат пристап одблиску до фонтаната ди Треви во Рим, една од најпознатите туристички атракции во градот. Бесплатен пристап ќе имаат само жителите на Рим, додека разгледување од далечина ќе остане без надомест.
Градоначалникот Роберто Гвалтиери изјави дека со оваа мерка се очекува годишен приход од околу 6,5 милиони евра. Наплатата е дел од поширок план со кој од 1 февруари ќе се воведат влезници и за уште пет локации во градот, со цена од пет евра.
Фонтаната ди Треви ја посетуваат во просек околу 30.000 луѓе дневно, а градските власти ја оправдуваат мерката со пренатрупаноста и проблемите со џепчии. Само во периодот од 1 јануари до 8 декември, просторот пред фонтаната го посетиле околу девет милиони туристи.
Традицијата на фрлање парички во фонтаната продолжува.

