Забава
Четири највообразени хороскопски знаци што мислат дека се најдобри во сè

Сите знаеме барем една личност која секогаш верува дека е во право, има најдобри идеи или едноставно е супериорна во однос на другите. Таквите луѓе често привлекуваат внимание со својата самодоверба, но понекогаш знаат да бидат иритирачки. Иако понекогаш сите сме по малку вообразени, астролозите веруваат дека највообразените луѓе се родени во четири хороскопски знаци.
Лав
Лавовите не само што сакаат да бидат во центарот на вниманието, туку и искрено веруваат дека припаѓаат таму. Нивната самодоверба произлегува од длабокото верување дека се родени за успех и восхит. Лавовите сакаат комплименти и често веруваат дека никој не може да ја заврши работата подобро од нив – без разлика дали тоа е презентација на работа, организирање забава или донесување важни одлуки.
Овен
Овните се полни со енергија, амбиција и решителност, што често ги става во лидерски улоги. Сепак, нивниот силен карактер може да ги направи тврдоглави и убедени дека секогаш се во право. Нивната спонтаност и брзина на одлучување оставаат впечаток дека се сигурни во сè што прават, но понекогаш им недостига способност да ја анализираат пошироката слика или да ги почитуваат туѓите мислења.
Јарец
Прагматичните и амбициозни Јарци често се убедени дека знаат што е најдобро, како за себе, така и за другите. Нивниот пристап кон решавање на проблемите се заснова на рационалност и искуство, што им дава чувство на супериорност во однос на оние кои не размислуваат „практично“. Јарците можат да бараат многу од себе и од другите, верувајќи дека тие се единствените кои ги прават работите како што треба.
Шкорпија
Шкорпиите се исклучително самоуверени и горди на својата интуиција, поради што често веруваат дека имаат вродена способност да „читаат“ други луѓе и ситуации. Нивната одлучност и способност за манипулирање ги прави сигурни дека секогаш се чекор понапред од другите. Шкорпиите ретко признаваат грешки бидејќи ги сметаат за речиси невозможни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.