Забава
Четири хороскопски знаци кои најлесно се приспособуваат на промените

Промената е неизбежен дел од животот. Безразлика дали станува збор за нова работа, селидба или едноставно прилагодување на неочекувани ситуации, способноста за навигација во новите околности често одредува колку успешно ќе се движиме низ предизвиците на секојдневниот живот.
Флексибилноста и отвореноста за нови работи се клучни особини кои не’ прават издржливи и подготвени за иднината. Според астролозите, одредени хороскопски знаци се издвојуваат по нивната способност за прилагодување.
Близнаци
Близнаците се познати по нивната приспособливост и способност за брзо размислување. Нивната љубопитност и отвореност за нови искуства ги прават вистински камелеони. Без разлика дали се работи за промена на работа или запознавање нови луѓе, Близнаците секогаш ќе најдат начин да се прилагодат и да го извлечат најдоброто од ситуацијата.
Девица
Девиците се истакнуваат по нивната способност да анализираат и планираат, што им помага да се справат со промените на ефикасен и организиран начин. Иако на прв поглед можеби се повеќе наклонети кон рутината, нивната приспособливост доаѓа до израз кога се соочуваат со неочекувани предизвици. Нивната практичност гарантира дека сè работи непречено дури и во нови услови.
Стрелец
Стрелците се родени истражувачи и авантуристи, секогаш подготвени за нови искуства. Промените не ги плашат, туку ги мотивираат да се движат кон непознатото. Нивната енергија и оптимизам им помагаат да го прифатат секој предизвик со насмевка, а нивната способност за прилагодување им овозможува да успеат дури и во најнеочекуваните ситуации.
Риба
Иако Рибите се емотивни и чувствителни, тие поседуваат исклучителна способност за интуиција која им овозможува да се прилагодат на речиси секое сценарио. Нивната емпатија и разбирање за другите луѓе ги прават флексибилни во меѓучовечките односи, а нивниот креативен дух им помага да најдат решенија дури и во најтешките ситуации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Јелена Ѓоковиќ во секси бикини! Папарацо-фотографиите ја обиколуваат планетата, Британците сè уште пишуваат за неа

Еден месец по одморот на Новак и Јелена Ѓоковиќ на Миконос, британските медиуми сè уште не престануваат да зборуваат за изгледот на сопругата на најдобриот тенисер во историјата.
Имено, локалните таблоиди „Дејли стар“ и „Сан“ се опседнати со изгледот на Јелена, па повторно пишуваа за нејзината заводлива фигура заедно со неколку фотографии од нејзиниот одмор на Миконос, секако.
„Двојката разменуваше бакнежи додека се релаксира покрај брановите на грчкиот остров Миконос за време на семејниот одмор со своите две деца. Тие уживаа во луксузното одморалиште Намос, познато по тоа што привлекува многубројни светски ѕвезди во текот на летните месеци.
Јелена Ѓоковиќ плени со својата фигура на плажа, таа беше опколена од папараците додека разменуваше нежности со Новак“, се вели во статијата на „Дејли стар“.
Секое лето десетици приватни авиони и хеликоптери слетуваат на оваа ексклузивна дестинација, а мегајахтите со познати личности вредни милиони се закотвуваат во блиското пристаниште. Сите тие доаѓаат во потрага по луксузно искуство на плажите.
Луис Хамилтон, Аријана Гранде, Вејн Руни, Леонардо ди Каприо и Никол Шерцингер се само дел од имињата што редовно ја посетуваат оваа песочна оаза.
фото: принтскрин
Забава
(Фото/видео) Двете најдобри тенисерки во светот ги закопаа секирите

Руската тенисерка Марија Шарапова и американските шампиони во двојки Боб и Мајк Брајан беа примени во Меѓународната тениска куќа на славните.
Сепак, најголемо внимание на церемонијата го привлекоа две тениски легенди – Марија Шарапова и Серена Вилијамс. Познато е дека тие не беа во добри односи, па затоа љубителите на тенисот беа доста изненадени кога Серена одржа говор во чест на Русинката.
Не беше обичен говор, туку лавина комплименти и пофалби за Марија Шарапова.
„Во 2004 година, кога Марија имаше 17 години, таа го воодушеви светот и го освои Вимблдон. До ден-денес таа го нарекува тој момент врвот на својата кариера.
За мене, тоа е еден од моите најтешки порази. Тој натпревар не само што го одлучи шампионот туку ја направи Марија ѕвезда и почна едно од најконтроверзните соперништва во тенисот“, рече таа додавајќи: „Тензијата беше вистинска, огнот беше вистински и искрено можеше да се почувствува, можеше да се чуе, со целото мрморење на Марија“.
Фотографиите и видеата станаа вирални, а јавноста можеше да ги види двете убавици како се гушкаат.
View this post on Instagram
За посебниот ден Серена одлучи да ја покаже својата тенка фигура во небесносин фустан, а Марија, како вистинска дама, носеше долг бел фустан, кој го комбинира со бела наметка.
Се чини дека двете тениски ѕвезди ги закопаа секирите и сега живеат во хармонија.
фото: принтскрин
Забава
Иконата на 90-тите го прослави 55-тиот роденден во костим за капење: времето застанало…

Клаудија Шифер го поминува летниот одмор во Грција, од каде што ги почасти своите следбеници и обожаватели со серија фотографии со порака за роденден.
Германскиот супермодел и едно од најпознатите лица на модните писти на сите времиња, Клаудија Шифер, го прослави својот 55-ти роденден и по тој повод објави неколку фотографии, на кои ги покажува својата завидна фигура и препознатливото лице во средината на педесеттите години.
View this post on Instagram
Познатата русокоса позира покрај базенот во бел, елегантен и романтичен едноделен костум од „Клое“, со цена од 690 евра.
View this post on Instagram
Костимот за капење има длабоко деколте и набори на горниот и на долниот дел, што му даваат доза романтика, а Клаудија го комбинира со кафеави очила за сонце и скап златен накит од истата марка.
View this post on Instagram
Нејзиното лице без шминка и препознатливата насмевка, кои красеа многубројни престижни насловни страници и модни писти, сè уште се нејзин заштитен знак.
View this post on Instagram
„Денес полнам 55 години, толку сум среќна што го славам мојот роденден радосна и здрава🎉!“, напиша Клаудија Шифер покрај објавата.
фото: принтскрин