Забава
Човек што има 48 деца не може да си најде девојка

Донаторот на сперма, кој досега има 48 деца, а уште 10 или 11 допрва треба да се родат, се бори да ја најде љубовта на својот живот – признава дека повеќето жени губат интерес кога ќе дознаат што прави.
Кајл Горди (31) од Лос Анџелес им ја нуди својата сперма на самохрани мајки, лезбиски парови, како и сопрузи и сопруги што не може да зачнат свои деца.
Своите услуги, кои се бесплатни, ги промовира на социјалните мрежи и наместо во банка за сперма, материјалот им годава директно на жените, пишува „Јутарњи.хр“.
Тој објаснува дека некои луѓе не сакаат да одат во банка за сперма затоа што донаторите таму се анонимни, што значи дека новите родители нема да знаат ништо за личноста чии гени ќе ги носат нивните деца, па наместо тоа, се обраќаат кај него.
Досега, во последните 8 години, тој им помогнал на десетици жени да станат мајки, но неговата дарежливост го чини љубовен живот.
„Десет години немам девојка. Секогаш, пред сè, им кажувам на жените што правам и во тој момент тие стануваат незаинтересирани. Ми велат дека разбираат дека сакам да им помагам на жените, но дека не сакаат некој што веќе има деца со други жени. Не им се допаѓа“, посочува Горди.
Сè почнало пред осум години кога лезбиска двојка пројавила желба за дете, но тие биле загрижени дали ќе земат сперма од банка бидејќи нема да ја знаат историјата на таткото.
„Ним им беше непријатно што нема да знаат ништо за биолошкиот татко, дури ни од каде потекнува. Затоа разговаравме, а јас им реков: ‘слушајте, со задоволство ќе ја донирам мојата сперма, дури и детето да знае кој му е татко ако сака’. Потоа ејакулирал во чаша и им ја дал. Две недели подоцна една од двете жени му кажала дека е бремена и го носи неговото дете“, пренесува „Јутарњи.хр“.
По ова, рекол дека сè повеќе жени почнале да стапуваат во контакт со него преку интернет.
„Помогнав да се создадат многу семејства, навистина го работам тоа што го работам, го работам сериозно“, вели тој.
Кајл поминал низ генетско тестирање, тестирање за СПБ, како и анализа на спермата. Покрај тоа, тој не пие алкохол и се обидува да јаде органска храна за да се осигури дека неговата сперма е во врвна состојба.
Кајл објаснува дека не наплаќа ништо за услугите и дека тоа што го прави го става во ризик – бидејќи технички законски е татко на детето, мајката може да побара од него да плати издршка во секое време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Откриена причината за смртта на Халк Хоган

Page Six ексклузивно ја откри официјалната причина за смртта на Халк Хоган.
Легендарниот професионален борач починал од акутен миокарден инфаркт, познат и како срцев удар. Документите, исто така, открија дека Хоган тајно се борел со леукемија, состојба која досега не била јавно позната.
Според Канцеларијата на медицинскиот испитувач на округот Пинелас, срцевиот удар бил предизвикан од ненадејно блокирање на протокот на крв во срцевиот мускул, што предизвикало оштетување на ткивото. Во документот, објавен од Page Six, исто така се наведува дека Хоган имал историја на атријална фибрилација (AFib), состојба која се карактеризира со неправилно и брзо отчукување на срцето.
Најголемото изненадување во извештајот на медицинскиот испитувач беше информацијата дека поранешната суперѕвезда на WWE, роден како Тери Болеа, страдал од хронична лимфоцитна леукемија (CLL) – вид на рак кој ги зафаќа белите крвни зрнца. Неговата смрт беше прогласена за природна смрт.
Халк Хоган доживеа срцев удар во својот дом во Клирвотер, Флорида, на 24 јули. Тој беше итно префрлен во болницата Мортон Плант, каде што беше прогласен за мртов. Почина на 72-годишна возраст.
Забава
Мухамед е најпопуларното име за момчиња во Англија, втора година по ред

Објавени се најпопуларните имиња за бебиња родени во Англија и Велс во 2024 година, при што Мухамед е најпопуларното машко име втора година по ред, додека Ноа и Оливер го зазедоа второто и третото место, исто како и во 2023 година.
Според Би-Би-Си, Оливија и Амелија ги зазедоа првите две места за девојчиња трета година по ред, додека Исла падна од третото место и беше заменета со Лили.
Листата ја објави Канцеларијата за национална статистика (ONS), која ја составува листата врз основа на податоци од матичните книги на родени.
Новите имиња што влегоа во првите 100 за девојчиња се Елоиз, Нора, Мила, Роза, Атена, Сара и Зои. Новите имиња за момчиња се Остин, Натан, Вини и Јахја.
Мухамед го задржа првото место како најпопуларно машко име, со 5.721 бебиња што го добија ова име. Ова име е најпопуларно во пет од деветте региони на Англија.
Други варијации на името, исто така, се најдоа на листата: Мохамед се најде на 21-во место со 1.760 момчиња, а Мохамад на 53-то место со 986.
Забава
Ќерката на Мајкл Џексон откри дека ја раскинала свршувачката со познатиот актер: „Ова се солзи на раскин“

Парис Џексон, 27-годишната ќерка на легендарниот крал на поп-музиката, Мајкл Џексон, и американскиот актер Џастин Лонг ја раскинале свршувачката по три години врска.
Веста ја сподели самата Парис на социјалната мрежа „Икс“, каде што напиша: „Ова се солзи на раскин. Повторно сите се провлекувате“.
Инаку, пејачката во декември преку „Инстаграм“ ја објави свршувачката со Лонг, но објавата подоцна беше избришана. Во јуни, во интервју за „Аксес Холивуд“, изјави дека подготовките за свадбата се во полн ек.
„Фустанот е во изработка, местото е избрано, а датумот го одреди астролог – затоа што сум од Лос Анџелес“, рече таа.
Да потсетиме, Парис пред неколку дена беше снимена како расплакана шета сама на улиците на Малибу.
Исто така, минатиот месец беше критикувана бидејќи настапила на концерт закажан токму на денот на годишнината од смртта на татко ѝ. Во обраќање на социјалните мрежи објасни дека таа нема влијание врз распоредот на турнејата бидејќи не е главна изведувачка.
„Тоа што настапувам на тој ден не значи дека сум заборавила. Никој не треба да ми кажува како да тагувам“, порача таа тогаш.