Забава
Ѕвездите ќе им бидат наклонети: хороскопски знаци што ќе имаат среќа во јануари

Јануари е месец на нови почетоци, кога многумина носат важни одлуки и гледаат на иднината со надеж. Тоа е време кога енергијата се менува, а нештата кои изгледаат невозможни одеднаш стануваат на дофат. Иако сите хороскопски знаци се на некој начин подготвени за нов почеток, некои ќе почувствуваат особено силен бран на среќа и успех кој ќе ги придружува во текот на првиот месец од годината.
Овен
Јануари на Овните ќе им донесе можности за деловен успех кои не го очекувале. Неочекувана средба може да ја отвори вратата за нови деловни проекти, а финансиската ситуација ќе биде постабилна од вообичаено. Во љубовта, слободните би можеле да доживеат ненадејна романса, додека оние во врска ќе почувствуваат ново ниво на поврзаност со партнерот.
Близнаци
Близнаците ќе почувствуваат наплив на креативна енергија која ќе им помогне во кариерата, но и во личниот живот. Среќата ќе ги фаворизира при донесување важни одлуки, а нивниот социјален живот ќе цвета. Можноста за патување може да донесе незаборавни искуства и нови познанства.
Лав
За Лавовите јануари ќе донесе можности за личен раст и остварување на целите. Финансиските работи ќе им донесат особена среќа, бидејќи би можеле да најдат нови извори на приход. Во љубовта ќе зрачат со самодоверба, што ќе го привлече вниманието на потенцијалните партнери или ќе ја зацврсти нивната врска со саканата личност.
Вага
Вагите ќе чувствуваат внатрешен мир и рамнотежа, што ќе им помогне да донесат мудри одлуки. Деловните проекти кои се планирани долго време конечно ќе донесат резултати, а односите со најблиските ќе бидат хармонични. Јануари е идеално време за остварување на соништата.
Стрелец
Стрелците во јануари ќе го искористат својот оптимизам и отвореност за нови можности. Среќата ќе ги следи во сите аспекти од животот – од кариера до љубов. Тие ќе бидат особено успешни во проекти кои вклучуваат патување или ширење на знаење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.