Забава
Јадењето оваа суперхрана го намалува ризикот од деменција

Јадењето јајца може да помогне во намалувањето на ризикот од Алцхајмерова болест, најчестата форма на деменција.
Деменцијата е прогресивен синдром, кој ги засега милиони луѓе, предизвикувајќи постепено губење на когнитивните способности, проблеми со меморијата и промени во однесувањето.
Иако генетиката може да игра значајна улога во развојот на болеста, научниците веруваат дека речиси 45 % од случаите на деменција може да се спречат со одредени промени во животниот стил. Меѓу најважните препораки се откажување од пушење, намалување со внесување алкохол и регулирање на крвниот притисок. Исхраната исто така игра клучна улога, а експертите препорачуваат балансирано мени или медитеранска исхрана.
Истражувањето објавено во „Џурнал од нутрејшн“ покажа дека јајцата се поврзани со помал ризик од развој на Алцхајмерова болест. Авторите на студијата истакнуваат дека јајцата се богати со хранливи материи важни за здравјето на мозокот вклучувајќи холин, омега-3 масни киселини и лутеин.
Во студијата американските научници ги анализирале навиките во исхраната на повеќе од илјада постари лица користејќи прашалници за внесувањето храна. Во период од речиси шест години Алцхајмеровата болест била дијагностицирана кај 280 испитаници. Беше заклучено дека луѓето што јаделе повеќе од едно јајце неделно имале помал ризик од развој на деменција.
Авторите нагласија дека честото јадење јајца може да ги подобри когнитивните функции, особено вербалните способности, иако сè уште не е сосема јасно дали внесувањето јајца директно го намалува ризикот од Алцхајмерова болест. Особено е нагласена улогата на холинот, супстанција присутна во јајцата, и неговата поврзаност со намалувањето на ризикот од деменција:
„Речиси 39 % од ефектот на јајцата врз појавата на Алцхајмеровата деменција може да се припише на внесувањето холин преку исхраната“.
Како заклучок: студијата сугерира дека редовното јадење јајца може да биде поврзано со намален ризик од Алцхајмерова болест делумно поради ефектите на холинот.
Слични резултати беа потврдени и во студијата од 2022 година објавена во списанието „Граници во исхраната“, која исто така го поврза внесувањето јајца со помал ризик од деменција, особено кај луѓе што не се придржуваат строго кон медитеранската исхрана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.