Натали Балмикс ја објави песната што беше дисквалификувана од „Дора“ и на „Јутјуб“ и на социјалните мрежи се нижат реакции.

„Песнава е подобра од која било на ‘Дора’“, „Каков хит, и оваа го исфрлаат“, „Вратете ја Натали на ‘Дора’“, „Звучи како нешто што Северина би снимила порано. Има сериозен потенцијал за сцената. Штета!“, „Ова е за Евровизија, а жирито на ‘Дора’ треба да биде заклучено некаде за да не избираат повеќе финалисти“, „Ова е брутално“, се само дел од коментарите.

Се огласија и странските евровизиски фанови. „Ја дисквалификувавте единствената песна што ќе имаше шанса на Евровизија“, „Одлична песна, требаше да биде на Евровизија. „Дали ХРТ е реална што дисквалификува“, „Натали, дојди во Србија, ние ќе те избереме“, „Каква штета, поздрав од Украина“.

Натали ја објави песната на денот кога беа официјално објавени сите песни што ќе се натпреваруваат на „Дора“ оваа година.

 

View this post on Instagram

 

A post shared by NATALIE BALMIX (@natalie.balmix)

Текстот го напишаа Натали Балмикс и Аида Бараку, а музиката ја компонира Дарко Димитров, македонски композитор и продуцент.

„Песната беше дисквалификувана од натпреварот поради значителни промени во финалната верзија“, се наведува во објаснувањето на ХРТ.

Меган Маркл и принцот Хари проговорија за пожарите во Лос Анџелес.

Парот, кој живее во Монтесито, Калифорнија, ги повика луѓето преку својата веб-страница Sussex.com да ги посетат своите соседи и да им помогнат на оние на кои им е најпотребно. Тие исто така оставија линкови од веб-страници на разни добротворни организации. Тие исто така побараа од луѓето да ги отворат своите домови за погодените од пожарите. Меган и Хари ги отворија вратите на својата вила во Монтесито, вредна 29 милиони долари, за пријателите од Лос Анџелес погодени од пожарот, пишува „Дејли мејл“.

„Доколку некој пријател, член на семејството или домашно милениче треба да се евакуира и можете да им понудите засолниште, направете го тоа. Исто така, проверете дали на вашите соседи со попреченост или постари лица им е потребна помош при евакуацијата. Некои семејства останаа без ништо. Размислете за донирање облека, детски играчки и основни потреби. Американскиот Црвен крст е на терен и им помага на оние на кои им е најпотребно“, напишаа тие.

Дали се насмеавте денес? Ако не сте, имате изговор да почнете да се смеете без некој да ве гледа чудно.

Имено, на 10-ти јануари го славиме Светскиот ден на смеата – ден посветен на радоста, спонтаноста и поврзаноста меѓу луѓето. Смеата е универзална, но и лична – од заразно кикотење до тивка насмевка – затоа што, исто како и отпечатокот од прст, смеата е единствена и открива многу за нас. Овој ден се слави од 1998 година на иницијатива на индискиот лекар Мадан Катарија.

Но, смеата не е само забава – таа е и многу корисна за нашето здравје.

Научно е докажано дека децата се смеат до триста пати на ден, додека возрасните се смеат само околу дваесет пати. Излегува дека колку старееме, толку повеќе забораваме на кратките моменти на радост. И токму овие моменти можат да ја направат разликата.

По само неколку минути смеење, се намалува нивото на кортизол, хормонот на стресот, кој ја ублажува анксиозноста и помага при опуштање, а го зголемува производството на ендорфин, хормонот на среќата. Исто така го стимулира мозокот и ја подобрува концентрацијата, што може да доведе до подобра меморија.

Смеата согорува калории
Освен што ви го подига расположението, смеењето поттикнува физичка активност – десет минути смеење може да согорите и до четириесет калории. Активира дури 80 мускули во телото, вклучително и 17 на лицето. Неколку минути смеење може да имаат сличен ефект како 15 минути вежбање на собен велосипед.

Смеењето со другите дополнително создава чувство на поврзаност, гради меѓусебна доверба и позитивна слика за себе, што придонесува за поголема самодоверба на долг рок.