Забава
Ја натерал ќерката да пешачи 8 километри до училиштето бидејќи малтретирала врсници

Татко од Охајо одлучи да ја научи својата ќерка дека не смее да малтретира други деца. Тој се одлучи за необичен метод.
Мет Кокс ја казни својата 10-годишна ќерка Кирстен и ја натера да пешачи до училиштето осум километри, и тоа по студ. За „Еј-би-си њуз“, тој рече дека е свесен оти видеото ќе ги подели мислењата, но дека сакал ќерка му да ја научи својата лекција. Во видеото што стана хит на социјалните мрежи Мет им рече на родителите:
„Знам дека сите родители нема да се согласат со ова и тоа е во ред. Јас го правам она што мислам дека е исправно за да ја научам мојата ќерка да престане да малтретира други ученици“, објаснува Мет.
"Let me make this extremely clear: Bullying is unacceptable."
Ohio dad makes his 10-year-old daughter walk 5 miles to school in 36-degree weather after she got suspended from the bus for bullying another student. https://t.co/TYVSeMel4X pic.twitter.com/Qtj9oxQvjv
— ABC News (@ABC) December 6, 2018
„Родителите треба да ги научат своите деца да бидат одговорни. На овој начин покажав дека моето дете е одговорно за дејствата што ги прави. Јас нема да бидам уште еден родител што ќе ги става проблемите под тепих и ќе рече: „Ох, тие се само деца“, рече Мет.
Тој одлучи да ја казни својата ќерка бидејќи вторпат ги малтретирала своите врсници и беше суспендирана – не можеше да оди на училиште три дена.
„Сега поинаку гледа на малтретирањето и ги цени нештата што инаку ги земаше здраво за готово“, рече Мет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.