Забава
Џастин Балдони ја смени тужбата против Лајвли: „Одби да снима интимни сцени“

Случајот помеѓу Џастин Балдони и Блејк Лајвли доби уште еден нов пресврт. Имено, како што објавија бројни медиуми, Балдони ја изменил тужбата против Лајвли и нејзиниот сопруг Рајан Рејнолдс и вклучил белешки направени за време на снимањето на филмот It Ends with Us.
Балдони, исто така, во тужбата навел дека бил во „помалку од идеална позиција“ да ги пренесе белешките на Лајвли. Тој, наводно, – на нејзино барање – отишол во нејзиниот стан на состанок каде што требало да разговараат за снимање интимни сцени. Лајвли, според тужбата, не се појавила на средбата.
Justin Baldoni was in the "less than ideal position of having to relay these notes" to Blake Lively outside of the intimacy coordinator meeting, per his lawsuit
— Roadches webmasterhonda (@Roadches) February 5, 2025
Белешките, наводно, биле напишани уште во 2023 година од координатор за интимност кој работел на снимањето. Координаторот наводно им предложил на Балдони и Лајвли да снимат интимна сцена во која и двајцата доживуваат оргазам. Блејк наводно одбила, велејќи дека е „премногу стара“ за тоа.
„На крајот, Лајвли ги отфрли сите предлози од координаторот за интимност за самата да ги преработи сцените. Овие белешки подоцна послужија како основа за тужбата на Лајвли, во која таа го обвини Балдони дека разговарал за неговиот сексуален живот и вметнува непотребни сцени во кои ликот на Лајвли доживува оргазам”, се наведува во изменетата тужба.
Адвокатскиот тим на Балдони, исто така, ги негираше тврдењата на Лајвли дека сцената на пораѓање е снимена во „хаотично“ опкружување, како и тврдењата дека таа ги покрила интимните делови само со мало парче ткаенина. Според тужбата на актерот, Блејк Лајвли била облечена во црни боксерки и труднички костим кој и го покривал средниот дел, додека нејзините гради биле покриени со болничка наметка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.