Забава
Џастин Тимберлејк уапсен, возел пијан, пејачот тврди: „Испив само едно мартини“
Џастин Тимберлејк е уапсен поради возење во алкохолизирана состојба, а сега се објавени и деталите за неговото апсење. Според кривичната пријава, Џастин три пати одбил алкотест и тврдел дека испил „само едно мартини“, пишува New York Post.
„Неговите очи беа крвави и стаклени, здивот мирисаше на алкохолен пијалок, не можеше да го задржи фокусот, говорот му беше нејасен, одењето му беше нестабилно и падна на сите стандардни алкотестови“, се наведува во извештајот.
Полицаецот рачно напишал во извештајот дека ѕвездата била „неурамнотежена“ додека одела по патот и дека не можела „правилно да ги следи упатствата“.
„Испив само едно мартини и ги следев моите пријатели до дома“, им рекол Џастин на полицајците, според извештајот.
Полицаец кој бил во рутинска патрола вели дека Тимберлејк удрил во знакот за стоп и излетал од својата лента околу 00:17 часот, се наведува во документите. Тимберлејк со лисици бил одведен во полициско одделение. Таму три пати за половина час одбил алкотест. Папараци го снимиле како излегува од полициската станица.
На крајот, пејачот беше обвинет за возење во пијана состојба, удирање во знак стоп и преминување на спротивната лента. Ослободен е без кауција, пишува Дејли Мејл. Возачката дозвола во државата Њујорк му била суспендирана, но не се знае колку време. Неговото следно судење е закажано за 26 јули.
„Господин Тимберлејк беше уапсен, процесуиран и задржан во текот на ноќта на утринско сослушување“, се вели во соопштението на полициската управа. „Господинот Тимберлејк беше изведен пред судот во Sag Harbor Valley Justice Centre“.
Извор изјави за Page Six дека полицаецот кој го запрел не го ни препознал како Џастин Тимберлејк. Пејачот му рекол на полицаецот дека „ова ќе му ја уништи турнејата“, на што тој одговорил: „Каква турнеја?“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Мексиканска пејачка и актерка падна на ревија на модната недела во Париз: „Најдобриот момент од мојот живот“
Мексиканската пејачка и актерка Белинда Перегрин Шул (35) падна на модна ревија за време на модната недела во Париз. Белинда учествуваше на ревијата на L’Oreal Walk Your Worth и се сопна и заврши на подот на пистата.
Пејачката Анита, која беше дел од ревијата, и пријде да и помогне и ја поттикна да ја одработи ревијата до крај.
Белинда подоцна се пошегува за себе на социјалните мрежи.
„Не е важно колку пати ќе паднеш, туку како ќе станеш. Ти благодарам Анита“, напиша таа.
Таа го спореди својот пад со падот на Кери Бредшо во серијата Сексот и градот, во епизодата The Real Me.
„Најдобриот момент во мојот живот иако не го замислував така“, се пошегува таа.
Забава
„Скопје винил конвенција“ годинава со специјално катче за најмладите
На 5-ти октомври, од 12 часот, Куршумли Ан ќе биде домаќин на „Скопје винил конвенција“ (Skopje Vinyl Convention).
Оваа година, освен музиката, предвидено е и специјално детско катче “Жабец” за најмладите. Децата ќе можат да учат за природата преку креативни „лего“ работилници и интересни експерименти, дизајнирани да ја поттикнат нивната љубопитност и креативност.
Организаторите на настанот најавуваат забавни активности, музика и многу нови знаења.
Забава
Бред и Инес привлекоа внимание на хуманитарен настан во Малибу
Актерот Бред Пит (60) и неговата девојка Инес де Рамон (31) привлекоа внимание на хуманитарен настан во Малибу.
Двојката учествуваше на настанот Rock4EB на EBMRF, кој имаше цел да собере средства за истражување и третман на ретка состојба на кожата – epidermolysis bullosa.
За оваа пригода Бред и Инес го координираа својот изглед еден со друг. Актерот носеше бела кошула и беж панталони со жолт кариран дезен, а Инес избра бела маичка со тенки прерамки и беж панталони.