Забава
Џенифер Анистон подготвена за трет брак, планирала венчавка на плажа со Џим Кертис

Изгледа дека за Џенифер Анистон наскоро би можеле да прозвонат венчални ѕвона. Како што пишуваат странските медиуми, ѕвездата од „Пријатели“ наводно е подготвена за сериозен чекор со својот нов партнер, Џим Кертис. Иако 56-годишната актерка веќе неколку месеци дискретно се гледа со гуруто за самопомош, извори тврдат дека нивната врска брзо се развива бидејќи се познаваат со години, и таа овој пат е сигурна во својата одлука.
Гласините за романтиката на парот во последните недели не престануваат да ги полнат медиумите, а изгледа дека врската, која наводно ја прифатил и нејзиниот најблизок круг пријатели, се движи кон трајна обврска.
„Џен и Џим се луди еден за друг, а таа е во фаза од животот кога е уморна од љубовни игри“, открил извор.
„Таа вложи сè во оваа романса и лесно е да се види зошто. Џим е душа од човек со неверојатна емпатија за потребите на Џен. Верува дека конечно го пронашла својот човек за цел живот.“
Изгледа дека Кертис од самиот почеток го дели нејзиното мислење. „Разговарале за заедничка иднина уште на првиот состанок“, објаснил добро информиран извор, додавајќи дека Кертис „јасно кажал од првиот ден“ колку е посветен на нивната врска.
За Анистон ова би бил трет брак, а наводно планира интимна и едноставна церемонија. „Возбудени се што ќе се венчаат и сакаат да си ги разменат заветите на плажа во Кабо, пред мала група блиски пријатели“, открил извор.
Нивната врска брзо напредува, а парот веќе бил виден на неколку патувања. Во јуни се повлекле во мирниот Ventana Inn во Big Sur, а кратко потоа се појавиле во јавноста за време на одмор на јахта во Шпанија за Денот на независноста. Фотографите ги фатиле како разменуваат нежности на палубата, без да се грижат за љубопитните погледи.
Кертис по враќањето дури пишувал за патувањето: „Се вратив од одмор, какво искуство!“ напишал тој. Осврнувајќи се на патувањето, додал: „Кога бев болен, тажен и во болка, никогаш не мислев дека ќе имам изобилство, радост и љубов кои сега ги доживувам секојдневно.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Џена Ортега на црвениот тепих во метален топ со гол грб

Ѕвездата на серијата Wednesday, Џена Ортега, на 18 октомври се појави на свеченоста Academy Museum Gala носејќи метален топ во форма на лист, објави „E! Online“.
Дизајнот е дело на Грејс Линг и потекнува од нејзината колекција за пролет 2026. Топот, изработен од темен рефлектирачки метал, со овален дел што ги покрива градите и стебло што се обвиткува околу вратот, ги остави грбот и рамениците целосно откриени.
Комбинацијата ја надополнила со кафеаво свилено здолниште со низок струк, коса врзана во ниско опавче и драматична „smokey eye“ шминка.
Овој смел изглед потсетува на нејзиното издание на доделувањето на наградите Еми 2025, кога носеше топ на Givenchy направен целосно од испреплетени скапоцени камења.
Ортега и нејзиниот стилист Енрике соработуваат со години, создавајќи впечатливи модни комбинации инспирирани од нејзината љубов кон готската естетика.
„Отсекогаш сум ја сакала готската култура и тој потемен хумор — сега конечно можам да го изразам,“ изјавила Џена за Vogue во 2023 година.
Забава
„Премногу убав за некои улоги“ – Кучер за своите фрустрации во кариерата

Американскиот актер Ештон Кучер изјави дека неговата физичка привлечност понекогаш му била пречка во кариерата. На панел на „New York Comic Con“ тој рече дека „постојат улоги што ги добил поради изгледот, но и многу што ги изгубил токму поради тоа“, додавајќи дека тоа знаело да биде фрустрирачки.
Кучер (47) објасни дека сакал да игра „понесреќни“ и посложени ликови, но режисерите често не можеле да го замислат во такви улоги.
Актерот моментално работи на новата серија The Beauty за „Хулу“, чија премиера е најавена за 2026 година. Приказната ја следи појавата на болест што ги прави заразените луѓе поубави – но на крајот ги убива. Кучер ја опиша улогата како „една од најголемите радости“ во неговата кариера.
Забава
Хороскопски знаци кои со поглед покажуваат дека некој не им се допаѓа

Некои луѓе можат да задржат љубезна насмевка дури и кога некој им оди на нерви. Но, овие хороскопски знаци – никако. Кај нив сè се чита на лицето: погледот зборува повеќе од зборовите. Едно „не ми приоѓај“ во очите или подигната веѓа што вреди колку илјада реченици — тоа е нивниот заштитен знак.
Шкорпија
Кога на Шкорпија некој не ѝ се допаѓа, тоа веднаш се забележува — и тоа силно. Нејзиниот поглед станува студен, продорен и малку заканувачки, како да може да ве прочита до последна мисла. Без глума и лажна учтивост – Шкорпијата едноставно не знае да сокрие антипатија. Ако ве погледне преку стиснати очи и ја навали главата, време е да се повлечете.
Девица
Девицата не мора ништо да каже — нејзиниот поглед кажува „ова не ми се допаѓа“. Лицето ѝ се стега, а во очите се гледа воздржан презир, суптилен но јасен. Таа не сака да глуми симпатии, туку тивко набљудува со израз што кажува повеќе од секој разговор. Ако не ве сака, ќе го почувствувате тоа.
Овен
Овнот нема филтри, а тоа најмногу се гледа во неговиот поглед. Кога некој не му се допаѓа, погледот му е во стилот „кажи уште еднаш да те видам“. Кај него нема суптилност – сè е отворено и искрено. Погледот станува остар, веѓите спуштени, а енергијата во воздухот јасно кажува дека му е доста од преправање.
Јарец
Јарецот ретко ќе подигне глас, но неговиот поглед кажува сè. Кога некој го иритира, лицето му останува мирно – што само го прави поефективно. Тој студен, воздржан поглед што трае секунда подолго е доволен за да сфатите дека не сте добредојдени. Јарецот има талент со израз на лицето да го постигне она што другите не можат ни со долг говор.