Забава
Џенифер Лопез бесна по последните неуспеси во кариерата: „Таа навистина лошо го доживува сето тоа“

Новиот филм на Џенифер Лопез „Kiss of the Spider Woman“ беше добро прифатен на филмскиот фестивал „Санденс“, но и покрај тоа, таа сè уште е повредена поради неодамнешните неуспеси во филмската индустрија.
Иако „Бакнежот на жената-пајак“ доби и почесно признание, ѕвездата е бесна поради тоа што е номинирана за Златната малина, наградата што се доделува за најлошите достигнувања во кинематографијата.
Таа беше номинирана за најлоша актерка во филмот „Атлас“.
Според извор близок до Џенифер Лопез, уште еден удар за нејзиното его била реакцијата на критичарите на нејзиниот автобиографски филм „This Is Me… Now“, а поради слабата продажба на билети, таа морала да ги откаже своите премиери. Во таа прилика изјавила дека само сака да поминува повеќе време со своите деца.
„Џенифер навистина лошо го доживува тоа. Во моментов се чувствува како да не може да се одмори. Изминатата година беше убедливо најтешката во нејзиниот живот”, рекол изворот.
Таа се разведе од Бен Афлек минатата година, а неодамна го финализираше разводот. Меѓутоа, откако потврдија дека повеќе не се заедно, таа еднаш изјави дека заљубувањето сепак и е важно.
Исто така, медиумите претходно објавија дека и покрај нивната разделба, Џенифер презема стратешки чекори за да остане блиску до Афлек, и емотивно и физички.
Таа неодамна погледна имот во населбата Брентвуд во Лос Анџелес, кој се наоѓа во близина на замокот во кој живее Бен Афлек.
„Џенифер се однесува како да ѝ е удобно со оваа нова фаза во нејзиниот живот, но сепак е многу заљубена во Бен. Таа, исто така, сака да го одржи пријателството со Бен и замислува дека ќе имаат блиски односи како тој со неговата поранешна сопруга Џенифер Гарнер“, објасни тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Харли го покажа секој дел од своето тело во бикини: „Невозможно е да има 59 години“

Британската актерка и модел Елизабет Харли (59), која на прагот од седмата деценија воодушевува со својот младешки изглед и совршена фигура, објави нови фотографии во костими за капење од својата најнова колекција и успеа повторно да ги воодушеви своите следбеници и навистина да им го одземе здивот.
Два модели костими за капење во кои гордо ја покажа својата витка линија совршено ги истакнаа сите нејзини атрибути и навистина е тешко да се поверува дека оваа жена наскоро полни 60 години.
Пред неколку месеци, таа ја освои титулата за најубава жена на светот, а сега слободно може да се каже дека го заслужува тоа – дефинитивно е меѓу најубавите и најсексипилните познати жени, пренесуваат светските агенции.
Додека во првата објава, Елизабет позира со пријателка и промовира два модели на костими за капење, во иста боја, во видеото кое штотуку стигна до нејзините фанови, таа покажа совршена фигура од сите агли.
Таа уживаше на песок, под палма, на сонце, море и слобода, и успеа повторно да ги шармира своите обожаватели со линијата на девојка.
Забава
Меган е виновна: принцот Хари целосно го изгуби интересот за работата на хуманитарната организација

Принцот Хари го изгуби интересот за работата на хуманитарната организација „Сентебале“ откако се ожени со војвотката Меган Маркл и се пресели во САД, изјави Коабане Теко.
„Сентебале“, основан во 2006 година во чест на принцезата Дајана, се соочува со криза по низата обвинувања за вознемирување и „женомраза“ упатени од претседателката на управниот одбор, Софи Чандаука, пишува британски „Телеграф“.
Принцот Хари и принцот Сеисо се повлекоа од организацијата минатиот месец, заедно со други членови на одборот. Теко го изрази своето разочарување што војводата и војвотката од Сасекс, и покрај честите посети на Африка, не го посетија Лесото, ниту, како што тврди, одржуваа контакт со заедницата.
„Неговото губење на интересот го уби духот на „Сентебале““, изјави Теко за „Телеграф“, истакнувајќи дека бил изненаден од повлекувањето на Хари од организацијата.
Комисијата за добротворни организации на Велика Британија започна истрага за работата на „Сентебале“.
Според организацијата, „Сентебале“ е посветена на работа со млади луѓе во Лесото и Боцвана, обезбедувајќи поддршка во областите на здравство, социјална еднаквост и отпорност на климатските промени.
Забава
Бен Афлек проговори за Џеј Ло: „Таа е спектакуларна, многу ја почитувам“

Актерот Бен Афлек одлучи да го прекине молкот и да стави крај на гласините дека тој и поранешната сопруга Џенифер Лопез повеќе не се во добри односи.
На црвениот тепих на премиерата на „Д Акаунтант 2“, познатиот актер имаше само добри зборови за Лопез, нагласувајќи дека меѓу нив нема непријателство.
„Џенифер Лопез е спектакуларна. Таа е одлична со моите деца, имаме одличен однос“, изјави Афлек за „Ентертејнмент тунајт“ и додаде: „Ги сакам нејзините деца. Тие се прекрасни. Таа е неверојатно важна и искрена личност која навистина ја ценам и сум благодарен”.
Тој додаде дека на премиерата со него биле 17-годишните близнаци Макс и Еме, кои Џеј Ло ги има од претходната врска со Марк Ентони. За време на премиерата се дружеа со децата на Афлек од бракот со Џенифер Гарнер – Виолета (19), Серафина (16) и Семјуел (13).
„Одлична вечер. Моите деца се тука, децата на Џенифер се тука. Горд сум на филмот, сакам кога доаѓаат сите деца. За мене е навистина возбудливо и забавно“, рекол актерот.
Афлек и Лопез официјално се разведоа пред четири месеци, а според извори и двајцата се справуваат со емотивните предизвици на крајот на нивниот брак, фокусирајќи се на работата.
„И двајцата се тажни што бракот не успеа“, изјави извор за „Дејли мејл“.
„Но, наместо да тагуваат, тие се фрлија на работа. И двајцата сакаат повеќе успех, повеќе хитови, повеќе награди“, додаде.