Забава
Џенифер Лопез го промовира својот бренд коктели во бикини

Џенифер Лопез ги воодушеви своите следачи на социјалните мрежи во четвртокот со нови фотографии за да ја промовира сопствената линија пијалоци „Делола“.
Џенифер (54) – која моментално се релаксира на брегот на Амалфи во Италија – позира во бикини и го рекламира својот нов бренд коктели Delola.
Мегаѕвездата позира на лежалка за сонце, покажувајќи ја својата беспрекорно затегната фигура во бели бикини со врвки.
Изгледот го дополни со златен накит – обетки со мали обрачи и долг ѓердан.
Лопез, која е во брак со оскаровецот Бен Афлек, во описот на својата објава напиша ‘Back in my element’ („Повторно во свој елемент“).
Иако е позната по силната работна етика, Џенифер дава приоритет на рамнотежата во животот, а помеѓу музичките и актерските проекти, секогаш наоѓа време за семејството и пријателите. Кога е време за дружење, Џенифер станува Лола, прекар кој го има уште од детството, а кој ја открива нејзината разиграна и безгрижна страна. Во тие периоди, Лола ужива во чаша розе, шампањ или лесен коктел, а едно од омилените места за тоа е италијанскиот брег, каде што го открила шприцерот.
Инспирирана од убавите моменти во Италија, кога е опуштена и одморена, латино-дивата, која има и свој бренд на козметички производи, реши да создаде своја освежителна линија на вкусни шприцери и коктели кои не содржат вештачки бои и глутен и, содржат помалку шеќер и алкохол. Пијалоците се на растителна основа и во убаво дизајнирани шишиња.
Со овој потег, таа им се придружи на познатите колеги кои имаат свои алкохолни пијалоци, меѓу кои Бред Пит, Камерон Дијаз, Сара Џесика Паркер, Кејт Хадсон, Џорџ Клуни, Џаред Лето, Кендал Џенер, Тревис Скот, Мелоун, Дрејк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Ја реновирале куќата и откриле нацистички бункер со морничава порака

Кога Шон Талиер (35) и неговата сопруга Каролина (32) почнале да ја реновираат куќата во октомври 2021 година, не можеле да замислат какво изненадување ги чека.
Под нивниот дом на островот Гернзи, близу брегот на Нормандија, се криел огромен нацистички бункер од Втората светска војна!
Парот го открил масивниот комплекс со две големи простории, пренесува „Дејли стар“.
Талиер знаел дека островот бил под германска окупација во периодот 1940-1945 година, кога нацистите ги претвориле Каналските острови во воени тврдини. Сепак, не очекувал да најде бункер токму под својот дневен престој.
„Знаев за бункерите по островот, но никогаш не би помислил дека еден се наоѓа под мојата дневна соба“, изјавил тој за локалните медиуми.
Претходната сопственичка, гледајќи фотографии од куќата на Фејсбук, го прашала парот дали ги пронашле просториите под темелите, откривајќи дека како деца се играле таму пред нивниот татко да ги затрупа со земја.
Парот ангажирал багер и отстранил десетици тони земја, по што откриле бетонски влез во бункерот.
Кога слегле внатре, останале без здив. Внатре имало две простории со димензии 5×3 и 5×6 метри, поврзани со коридор долг девет метри. Бункерот се наоѓал на осум метри длабочина.
Внатре пронашле стари шишиња, излез во случај на опасност, но и застрашувачки пораки испишани од нацистите за време на Втората светска војна. Особено внимание им привлекла пораката: „Внимание, непријателот слуша“ (Achtung, Feind hört mit).
„Ова не се само неколку простории, ова е историја. Студено, влажно и застрашувачко сведоштво за она што луѓето го поминувале тогаш“, рекол Шон.
Парот планира да го претвори бункерот во просторија за забави — со билјард сала и мини-теретана, при што ќе вградат 80 тони бетон за да ги обезбедат ѕидовите и скалите. Пораките на германски јазик планираат да ги зачуваат и реставрираат со калиграфија.
„Каролина сака да ја завршиме куќата, но јас ветив забавa за Ноќта на вештерките во бункерот“, се пошегувал Шон. „Морам да го исполнам тоа ветување“.
Забава
Британската монархија во нов проблем: пронајден документ што го зголемува притисокот врз кралот Чарлс

Британскиот крал Џорџ IV лично профитирал од работата на робови на плантажите во Гренада, покажува најновото истражување, што дополнително ја зголемува јавната критика кон монархијата да се соочи со својата улога во времето на ропството.
Дезири Баптист, независен истражувач, пронашла документ од 1823/24 година во Националниот архив во Лондон, кој сведочи за уплата од 1.000 фунти (што денес изнесува речиси 103.000 фунти или приближно 120.000 евра) од две кралски плантажи во Гренада на кои работеле стотици поробени луѓе.
Парите биле наменети за приватната каса на кралот Џорџ IV и, според Баптист, придонеле за неговиот раскошен начин на живеење“.
Баптист истакнува дека досега никој британски монарх јавно не признал дека Круната поседувала и профитирала од поробени луѓе.
Нејзиното истражување е дел од поширока студија наречена „Робови, сопственост на Неговото Величество: Џорџ IV и Гренада“.
Професорот Едмон Смит од Универзитетот во Манчестер, кој ја води студијата за улогата на кралската фамилија во ропството, изјави дека оваа уплата може да биде само врвот на ледениот брег.
Тој заедно со Ник Дрејпер од Универзитетскиот колеџ во Лондон ги потврдил наодите на Баптист.
Смит додаде дека доказите укажуваат на поширок образец на колонијална експлоатација во потрага по приходи од карипските колонии.
Бакингемската палата не дала коментар на извештајот.
Крал Чарлс претходно изразил жалење поради ропството во говор пред лидерите на Комонвелтот во 2022 година и ја поддржал академската студија за историската улога на монархијата, но засега не ја признал директната вмешаност на Круната во робовласништвото, пренесе „Ројтерс“.
Забава
Џенифер Лопез и Бен Афлек со нови проблеми по разводот

Џенифер Лопез и Бен Афлек го завршија својот брак минатиот август по две години, но споровите околу имотот сè уште траат.
Поранешната двојка го повлече својот дом во Лос Анџелес вреден 68 милиони долари од продажба откако го финализира разводот.
Џенифер Лопез и Бен Афлек го направија овој потег по неуспехот да ја продадат куќата во Беверли Хилс што ја огласија уште во јуни 2024 година, објавува „Пејџ сикс“.
„Додека се надеваа дека ќе можат да го продадат имотот, во исто време не сакаа да претрпат голема финансиска загуба. Ја намалија цената за да привлечат поголем интерес, а кога тоа не се случи, им беше советувано да го повлечат од пазарот“, рече изворот.
„Тоа беше деловна одлука што ја донесоа заедно“, додаде тој.
Извор од недвижнини изјави за медиумите дека „пазарот во моментов е лош за продавачите, особено за недвижности во тој ценовен опсег“.
„Повлекувањето на понудата сè додека пазарот не стане поповолен за продавачите изгледа како најпаметен потег“, рече истиот извор.
Претставниците на двојката не беа достапни за коментар.
Поп-ѕвездата и актерот ја намалија цената на вилата со 12 спални соби и 24 бањи на 59 милиони долари, пред официјално да ја повлечат од продажба.