Не мора да поминувате часови во теретана за да ги почувствувате придобивките што ги нуди физичката активност. Имено, малите промени можат да бидат пресудни.

Физиологот за вежбање Кејти Ловтон вели дека луѓето често наоѓаат изговори за да не тренираат. Одењето во теретана, но и самиот тренинг им одзема многу време.

Тренерот Стен Кравченко истакнува дека дури и 15 минути тренинг се подобри од „нула минути“. Затоа, не би било лошо да знаете што се случува со вашето тело доколку вежбате 15 минути дневно.

Американското здружение за срце препорачува 150 минути физичка активност со умерен интензитет или 75 минути вежбање со енергичен интензитет неделно. Ако одлучите да тренирате само 15 минути дневно, тоа би значело да тренирате 105 минути неделно.

„За оние кои биле активни и имаат искуство во вежбање, предлагам да започнете со тренинзи со висок интензитет со 70 проценти од максималниот пулс, зголемувајќи го интензитетот на неделно ниво. Овој пристап обезбедува прогресија и одржува рутина“, вели тренерот Кравченко.

Сепак, овој метод може да биде предизвик за другите. Ако не тренирате активно, вашите 15 минути движење дневно исто така нудат придобивки.

„Придобивките вклучуваат подобрување на кардиоваскуларното здравје, ментална јасност, подобрено расположение, посилен имунолошки систем, подобро здравје на зглобовите, зголемен метаболизам и подобрена контрола на шеќерот во крвта“, вели Кравченко.

Имено, студија од 2022 година покажа дека само 15 минути вежбање со енергичен интензитет може да ги намали шансите за прерана смрт.

Сепак, тренерите препорачуваат кога вежбате секојдневно, еднаш или двапати неделно, вежбањето треба да биде со низок интензитет, како што е одење, за да се обезбеди вашето тело да се опорави.

Одморот е неопходен ако забележите замор, недостаток на апетит, намален имунитет, прекумерна болка во мускулите или нарушувања на расположението.

Прекрасна шпанска плажа е прогласена за „најсреќна“ на светот.

Се наоѓа во живописен град кој може да се пофали со 300 сончеви денови годишно, нуди златен песок, шеталиште полно со барови и ресторани и е на кратко растојание (помалку од еден час возење) од еден од најживописните градови во Шпанија, Барселона.

Според анализата на „ЦВ Вилас“ , која користела софтвер за препознавање лица за да анализира илјадници фотографии на Инстаграм од повеќе од 100 плажи, оние со најмногу насмевки се рангирани како „најсреќни“ плажи во светот.

На врвот на листата со речиси совршен резултат од 98,42 поени се најде плажата Ситџес во Шпанија.

Ситџес се наоѓа во близина на Барселона и е познат по прекрасните песочни плажи и шеталиштето полно со ресторани и барови.

Плажата Ситџес, која се наоѓа во истоимениот живописен каталонски град, е позната по своите 17 песочни плажи кои привлекуваат посетители од целиот свет.

Оваа живописна дестинација лесно може да се комбинира со посета на Барселона, која е оддалечена 50 минути со автомобил или 36 минути со јавен превоз.

Ситџес е познат и по својата богата културна сцена, вклучувајќи музеи како Кау Ферат, кој бил дом и студио на познатиот уметник Сантијаго Русињол. Градот е домаќин на бројни фестивали во текот на годината, вклучувајќи го и еден од најпознатите карневали во Шпанија, како и големиот меѓународен филмски фестивал за хорор и фантастика во октомври, каде последно се случи премиерата на првиот македонски анимиран долгометражен филм „Јон Вардар против Галаксијата“, во режија на Гоце Цветановски.

Една од најпознатите знаменитости е црквата Свети Вартоломеј и Света Текла, која доминира во крајбрежниот пејзаж и често се нарекува „скапоцен камен на Ситџес“ и е позната како една од најубавите глетки во градот. Локалните жители често ја нарекуваат „Ла Пунта“.

Ситџес е познат и по својата богата културна сцена. Музејот Кау Фера некогаш бил дом на познатиот сликар, поет и колекционер Сантијаго Русињол, а денес содржи богата колекција на уметнички дела поврзани со неговиот живот. Музејот може да се пофали и со две оригинални платна на Ел Греко и три дела од Пикасо.

Патем, топ 10 на листата на најсреќни плажи во светот ја вклучува и Праја да Фалесија (Португалија); Плажата Порт де Солер (Шпанија), заливот Росили (Велс), заливот Касвел (Велс), Плажа дес Саблет (Франција), Праја Дона Ана (Португалија), Праја до Вале де Сентеанес (Португалија), плажата Елафониси (Грција) и плажата Аи Хелис (Грција).

Американската актерка Емили Осмент (32), позната по улогите во популарните серии „Хана Монтана“ и „Деца на шпиони“, поднесе барање за развод од кантавторот Џек Ентони Фарина само пет месеци по нивната венчавка.

Актерката поднесе барање за развод во Врховниот суд во Лос Анџелес во петокот, наведувајќи ги како причина непомирливите разлики.

Според судските документи, двојката која се венчала на 12 октомври, не живее заедно од 7 декември. Тие немаат деца и ова е прв брак за Емили, која, инаку, е помлада сестра на актерот Хејли Џоел Осмент.

Популарноста ја стекна со улогата на Лили Трускот, најдобрата пријателка на Мајли Сајрус, која ја игра главната улога во серијата „Хана Монтана“.

Осмент претходно изјави дека „Хана Монтана“, која се емитуваше од 2006 до 2011 година, и го променила животот. Сепак, како што истакна, никогаш не гледала ниту една епизода од тој тинејџерски ситком.

„Не можам ни да ви кажам дали воопшто сум го гледала, дали е тоа страшно? Се сеќавам дека ја гледав премиерата затоа што ни направија забава на сцената. И се сеќавам дека беше толку интересно време, бидејќи немавме поим што ќе биде“, рече актерката во интервјуто.

„Мислам дека со секоја голема одлука во вашиот живот, без разлика дали е врска или работа или што и да е, мора цврсто да застанете зад неа. На крајот на краиштата, тоа не успеа“, изјави Осмент за списанието „Пипл“.

Веднаш по барањето за развод, актерката ги отстрани фотографиите од неа и Ентони од својот Инстаграм профил.