Забава
Џеф Безос има одличен совет за успех – и за возрасни и за деца

Одличен совет за сите родители, но и за возрасните подготвени за промени, доаѓа од една од најуспешните луѓе денес.
Станува збор за навика што Џеф Безос ја нарекува „суперважна“ и која секогаш ја советува. Всушност, тој експлицитно ги охрабри родителите да им ја „проповедаат“ на своите деца. И како татко на четири деца, тој вели дека тоа е совет што се обидел да им го даде на сопствените деца.
Овој совет речиси во целост се совпаѓа со истражувањето на Керол Двек, професорка по психологија на Универзитетот Стенфорд.
Двек спроведе многу студии кои укажуваат на предноста на развојниот ментален склоп во однос на фиксниот ментален склоп. Кај развојниот, станува збор за напорот што го вложуваме за да постигнеме нешто, промена на нашето размислување во предизвикувачки ситуации, а фиксниот начин на размислување се однесува на талентите и карактерот што ги имаме. Ако веруваме дека нашиот успех е резултат на нашиот карактер и талент, тој припаѓа на фиксен начин на размислување.
Безос го даваше овој совет многу пати. На пример, ова го рече на доделување на награди во Сиетл пред извесно време.
„Бидете горди на вашите избори, а не на вашите таленти … Ова е нешто што е исклучително важно за младите да го разберат и за родителите да им го проповедаат на младите. Навистина е лесно за една талентирана млада личност да се гордее со својот талент: Јас сум многу паметен.Јас сум добар спортист или имам математика во малиот прст“, рече тој.
„Тоа е добро. Треба да бидете среќни што сте талентирани. Но, не можете да бидете горди на своите таленти … Ги имате или ги немате. Она на што можете да бидете горди се вашите избори.“
„Како одлучивте да ги искористите своите таленти? Дали учевте напорно? Дали се трудевте? Вежбавте? Луѓето кои се истакнуваат комбинираат талент и напорна работа, а работата е избор. И секој мора да го направи тој избор за себе. И, тоа е нешто со што ќе бидете горди кога ќе погледнете назад во својот живот“, рече Безосј во својот говор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Вештачката интелигенција ги предупредува туристите да внимаваат кога поминуваат улица во Македонија оти има агресивни возачи

Некои возачи може да бидат агресивни, па затоа внимавајте кога поминувате улица. Ваков е одговорот на вештачката интелигенција („Чат ГПТ“) на прашањето дали е Македонија безбедна дестинација за патување.
Oценката е дека земјата е генерално безбедна за туристите, со ниска стапка на криминал, а насилството е ретко. Сепак, „Чат ГПТ“ препорачува, како и за секоја друга дестинација, да бидете внимателни.
Покрај сообраќајот, апликацијата ги предупредува туристите да избегнуваат протести и политички собири, како и да внимаваат да не им биде наплатено повеќе од она што е реална цена во такси -озилата и маркетите.
Се додава и дека луѓето се гостопримливи и честопати подготвени да им помогнат на туристите, безбеден е за двојки, но да се избегнуваат изолирани области во текот на ноќта. Автобусите и такси-возилата се генерално безбедни, се додава во одговорот што го добивме.
Вештачката интелигенција препорачува да се посетат Скопје, Охрид, Маврово и Кратово.
Забава
„Веќе изгледа како 30-годишна“: лицето на младата актерка предизвика лавина коментари

Актерката Мили Боби Браун неодамна го привлече вниманието на медиумите со својот изглед, а нејзиното лице предизвика особена дискусија со оглед на тоа што има само 21 година.
На премиерата на нејзиниот нов филм The Electric State во Лос Анџелес актерката изненади многумина. Таа блесна во златен фустан украсен со мониста, вреден речиси 10.000 евра, а креацијата ја комплетира со раскошна пунџа.
Сепак, токму нејзиното лице привлече најмногу коментари.
Millie Bobby brown needs to stop letting doctors touch her face.
— Shameless Learner
(@mrembo_wa_maji) February 26, 2025
Последниве денови на социјалните мрежи се зборуваше за тоа дека актерката изгледа многу постаро. „Буквално, отидов да ѝ ја проверам возраста“, „Таа веќе изгледа како да има 30 години“, „Кога фазата ‘имам 21, изгледам како да имам 45’ стана повторно тренди?“, се само дел од коментарите на социјалните мрежи.
Забава
Актерот Џин Хекман и неговата сопруга пронајдени мртви

Легендарниот холивудски актер Џин Хекман е пронајден мртов во својот дом во Санта Фе, Ново Мексико, заедно со сопругата, пијанистката Бетси Аракава, објави Santa Fe New Mexican повикувајќи се на полицијата.
Полицијата во округот Санта Фе ги откри телата на двократниот оскаровец, 63-годишната Бетси и нивното куче во средата попладне.
Нема сомнеж за казнено дело, а причината за смртта не е објавена. Шерифот на округот Санта Фе, Адан Мендоза, ја потврди веста денес.