Забава
Џејми Фокс останува во болница по итната медицинска интервенција
Актерот Џејми Фокс останува хоспитализиран во Џорџија речиси една недела откога неговата ќерка обелодени дека претрпел медицинска компликација, изјави за Си-ен-ен извор близок до семејството.
Неговата ќерка Корин Фокс минатата недела се огласи на „Инстаграм“ и откри дека татко ѝ имал компликации поврзани со здравјето, иако не прецизира што се случило.
Таа во својата објава додаде: „Благодарение на брзата акција и добрата грижа, мојот татко е на пат кон закрепнување“.
Си-ен-ен викендов објави дека Фокс завршил во болница и дека е подложен на медицински тестови. Семејството и понатаму не открива со каков здравствен проблем се соочува.
Фокс беше во Атланта, каде што ја снима акционата комедија „Повторно во акција“ со колешката Камерон Дијаз. Извор близок до продукцијата на филмот изјави дека снимањето е во тек и се очекува да заврши оваа недела.
Сето ова доаѓа по веста дека снимањето на првиот филм на Камерон по пауза од девет години наводно било оптоварено со многу проблеми, при што Џејми Фокс, кој воедно е и извршен продуцент на филмот, имал нервен слом.
„Повторно во акција“ (Back in Action) почна да се снима во Велика Британиja. Проблемите што наводно се појавиле на снимањето резултирале со одлука на 55-годишниот Џејми да отпушти четворица членови на персоналот вклучувајќи го и својот возач, еден продуцент и помошник-режисер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ќерката на Брус Вилис објави фотографии со својот татко: „Многу го сакам овој човек“
Ќерката на Брус Вилис, Талула Вилис, на социјалните мрежи сподели неколку фотографии на кои позира со својот татко.
„Многу го сакам овој човек и иако чувствата во ова време се тешки, благодарна сум што ги доживувам, наместо да ги потиснувам“, напиша таа во описот на објавата.
Брус Вилис ретко се појавуваше во јавноста откако му беше дијагностицирана афазија, јазично нарушување, во 2022 година, а потоа болеста напредуваше во фронтотемпорална деменција.
Забава
Хороскопски знаци што ја апсорбираат туѓата негативна енергија
Многу лесно се препознаваат хороскопските знаци кои ја апсорбираат негативната енергија. Додека некои се обидуваат да ги избегнат, многу лесно им станува непријатно.
Некои луѓе едноставно веднаш ја чувствуваат негативната енергија и целосно ја преземаат, додека други се обидуваат да и одолеат, но во овие обиди тие самите стануваат извор на истата. Тоа е затоа што ваквата енергија ги излудува и се обидуваат да се борат со емотивните вампири, а борбата често е залудна.
Хороскопски знаци кои ја апсорбираат негативната енергија
Риби
Кралевите и мајсторите на сочувството, Рибите сметаат дека е речиси природно да се приспособат на енергиите на сè околу нив. Не поднесуваат негативна енергија, но, за нивна несреќа, ја впиваат и понекогаш, наместо да ја исфрлат, само ја чуваат внатре. Можеби не е лоша идеја да имате заштитен кристал со вас.
Бик
Биковите јасно ги гледаат работите и имаат дарба да ги „видат“ дури и негативните луѓе и нивната аура. Доброто кај Бикот е што, за разлика од Рибите, може да ги надигра и да ги избрка нив и нивната тешка непријатна енергија. Лошата работа е што плаќа за енергија и тоа обично се покажува во неговата издржливост. Се намалуваат и ја подигнуваат температурата (односно му снемува трпение и го крева гласот).
Рак
Детето на Месечината, со затворени очи и испружен прст лесно може да го најде изворот на негативна и лоша енергија во соба од 100 луѓе. Како функционира? Тие само лежерно гледаат наоколу и кога ќе сретнат глетка што не им се допаѓа, знаат кого да избегнуваат. Не толку добрата вест е дека ако оваа личност има некаков интерес за Ракот (на пример, зрачи со моќ), тогаш Ракот ќе оди против своите инстинкти и ќе ја апсорбира негативната енергија на оваа личност.
Шкорпија
Шкорпијата лесно може да открие кој е изворот на негативна енергија. Може дури и да го неутрализира. Но, тоа обично значи дека ја провоцира и тука започнува драмата. За разлика од сите горенаведени знаци, Шкорпијата си поигрува опасно со оган: многу пати го нервира негативната енергија со која оди да се бори, а потоа и самиот станува многу непријатен. Но, ако го избегне искушението, тогаш Шкорпијата е единствената која си оди со крената глава!
Забава
Селена Гомез за статусот милијардерка: Благодарна сум, но невкусно е да се зборува за пари
Селена Гомез неодамна постигна уште еден голем успех во кариерата – стана милијардерка.
Издавачката куќа, која го предводи Bloomberg Billionaires Index, соопшти дека нејзината вкупна нето вредност сега изнесува 1,3 милијарди долари, најмногу благодарение на нејзиниот бренд Rare Beauty. Селена сега го коментираше нејзиниот успех.
„Многу сум благодарна за тоа, но мислам дека е невкусно да се зборува за пари. Можам да им се заблагодарам на луѓето кои ги купуваат моите производи за овој успех. Тие се оние кои го остварија овој мој сон, така што јас сум навистина, навистина почестена и едноставно среќна“, рече 32-годишната пејачка за Entertainment Tonight.
Селена е исто така една од најмладите само-создадени милијардери во Соединетите Американски Држави.