Забава
Џони Деп доби пресуда против Амбер Херд, судот бара пристап до документите за донации

Познатиот холивудски актер Џони Деп (58) ја доби посакуваната пресуда во бракоразводната парница против својата поранешна сопруга Амбер Херд (35).
Главниот судија на оваа парница делумно го одобри барањето на адвокатот на Деп и ќе ја принуди американската Унија за граѓански слободи да објави документи кои потврдуваат дали Херд го исполнила својот дел од спогодбата за развод.
Имено, Амбер и Џони се венчаа во 2015 година, а таа поднесе барање за развод само една година подоцна наведувајќи ги непомирливите разлики како причина, а потоа го обвини актерот за насилство.
Судската сага траеше со месеци. Деп и неговите адвокати ги негираа сите наводи на Херд и тврдеа дека таа сака да профитира со финансиски надомест.
Поранешниот пар успеа да постигне спогодба од 7 милиони долари за кои Амбер тврдеше дека ќе ги донира на Унијата за граѓански слободи и детската болница во Лос Анџелес.
Актерот сега се обидува да добие информации дали неговата поранешна сопруга го одржала ветувањето и дали донирала пари.
Неговиот адвокат Ендрју Калдекот тврди дека донацијата е „пресметана и манипулативна лага“ и дека од самиот почеток тоа било план со кој ќе го уништи поранешниот сопруг.
Покрај тоа, адвокатот на Деп тврди дека детската болница во Лос Анџелес во 2019 година ги известила дека Амбер не извршила никакви плаќања.
Главниот судија на оваа парница во вторникот пресуди во корист на Деп. Тој ќе ѝ наложи на Унијата за граѓански слободи да објави документи кои потврдуваат дали Херд го исполнила својот дел од спогодбата.
Ако се покаже дека не се придружувала кон спогодбата, актерот и неговиот тим ќе имаат силен доказ против Амбер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) „Убиствен“ фустан на нејзиното голо тело – спектакл

Дуа Липа денеска полни 30 години, а својот роденден го слави, поминувајќи речиси секоја вечер на Ибица, каде што ужива со својот вереник, актерот Калум Тарнер.
За уште една посебна вечер и луда забава, таа носеше сребрен фустан кој ги воодушеви нејзините следбеници, и кој открива повеќе од сè друго што го крие – без претерување.
Станува збор за металик сребрен фустан кој толку многу светка што „болат очите“, но е исто така толку смел и провокативен што нејзините следбеници ѝ простија сè.
Фустанот е од GCDS и е направен специјално за пејачката, а таа носи сребрени сандали од Pifer и златен и сребрен накит од Schiaparelli, Shay и Tiffany & Co.
Жените се воодушевени од ова парче за вечерно излегување, а следеа низа комплименти за изгледот на пејачката.
Дуа Липа исто така воодушевува со своите модни избори во последните денови, особено во белата тоалета, а обожаваше и да позира во бикини со точки, јасно ставајќи до знаење дека навистина ги следи модните трендови.
Забава
(Видео) Најубавата статуа на Исус Христос е под вода: снимките се нереални

Меѓу приказните што ги поврзуваат морето, верата и уметноста, малкумина се попознати од онаа на Христос од Бездната.
Тоа е бронзена статуа што стои седум децении на дното на морето, во близина на Џенова, со раширени раце и лице свртено кон површината.
Статуата е поставена во 1954 година во заливот Сан Фрутуозо, помеѓу Џенова и Портофино, и е висока 2,5 метри.
Идејата ја дал нуркачот Дулио Марканте, во чест на неговиот пријател Дарио Гонзати, пионер во нуркањето кој починал, пренесува Индекс.
Проектот го реализираше скулпторот Џудо Галети, а уникатноста лежи во материјалот – бронзата е добиена со топење стари бродски ѕвона, делови од подморници и други донирани метали.
Исус Христос стои на пиедестал, со раширени раце и поглед кон површината, што симболизира помирување, надеж и врска помеѓу човекот и морето.
За нуркачите, тоа стана еден вид заштитник, а за аџиите потсетник дека дури и во тишината на морските длабочини има место за духовност.
Христос од бездната се наоѓа на длабочина од 17 метри, што го прави достапен за рекреативни нуркачи. Местото сега е едно од најпосетуваните места за нуркање во Италија, а со текот на времето стана симбол на целиот регион.
Забава
(Фото) Обожавателите и се потсмеваа на прекрасната бринета: „Изгледа како алуминиумска фолија“

Актерката Дакота Џонсон е позната како дама која обожава да се облекува секси, а да не зборуваме за ризични модни комбинации.
Сепак, таа неодамна го шокираше светот избирајќи фустан кој е многу сличен на еден предмет што често го користиме во нашите домови.
Имено, Дакота присуствуваше на премиерата на филмот Splitsville, а фустанот привлече внимание, секако. Познатата убавица одлучи да носи сребрена креација од модната марка „Гучи“.
Макси фустанот има отворени рамена и специфична металик нијанса. Фустанот предизвика поплава од коментари, а многу корисници дури го споредија и со алуминиумска фолија.
Коментари како: „Изгледа како тортиља завиткана во фолија“, „Каква е ова фолија од фустан?“, „Изгледа убаво дури и во фолија“, „Изгледа како алуминиумска фолија“, беа забележливи на социјалните мрежи.
Што се однесува до остатокот од нејзиниот стајлинг, таа се одлучи за природни нијанси на шминка, дискретни додатоци и брановидна фризура што ѝ паѓаше по грбот.
фото: принтскрин