Забава
Џони Деп поранешната сопруга ја нарекувал џган
Џони Деп и Амбер Херд постигнаа спогодба за развод во август 2016 година, пред разделбата да стане формална во јануари 2017 година.
Во новооткриените СМС-пораки кои актерот ги испраќал по договорената спогодба, тој пишувал дека „ја мрази и дека не би ја допрел ниту во хазмат одело“.
СМС-пораките излегоа во јавност минатата недела кога беа презентирани пред Апелациониот суд во Лондон, каде Деп поднесе жалба за случајот клевета против весникот „Сан“. Таблоидот го оквалификува како тепач на жена по наводите кои ги изнесе Амбер по нивната разделба.
Адвокатот на 57-годишниот актер тврди дека Амбер го измамила судијата во случајот клевета да мисли дека таа била жртва на семејно насилство.

Како одговор, адвокатот на „Сан“ презентираше СМС-пораки и рече дека Деп бил преокупиран со идејата дека неговата поранешна е џган и копач на злато.
А во СМС-пораките Џони пишува:„Ми се лоши кога ќе помислам колку напорно се трудев да направам бракот да успее“. „Искрено, јас не би го допрел тоа ѓубре ниту со облечен хазмат“. „Каков џган. Јас ја мразам!”
Адвокатот на „Сан“, Адам Волански, пред судот рече: „Етикетирањето на г-ѓа Херд како копач на злато е реторика на некој кој мрзи жени. Ова било безнадежно, исто како и неговата теорија дека обвинувањата за насилство се измама.“
Апелациониот суд дополнително ќе ја објави својата одлука за тоа дали ќе му даде зелено светло на Џони за жалба.
Во ноември минатата година судија на Кралскиот суд на правдата во Лондон донесе одлука дека Деп физички ја напаѓал својата поранешна сопруга за време на нивната бурна петгодишна врска и ја довел до ситуација да стравува за својот живот.
Во пресуда со која сериозно може да се наруши угледот и кариерата на Деп, судијата рече дека ги прифаќа тврдењата на поранешната сопруга на актерот дека тој бил насилник. Според него, подносителот на барањето не успеал да ја докаже постапката за клевета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) „Ај кју“ со Pay the Price го продолжуваат музичкиот континуитет
Дуото составено од Бојан и Марија го продолжуваат својот музички пат со песни испеани на англиски јазик, а најнова во низата е песната „Pay the Price“. Музиката и аранжманот е целосно дело на Бојан, а текстот го напишаа заедно со Марија и уште една нивна редовна соработничка од Лондон.
Песната опишува едно типично секојдневие на партнери кои живеат заедно и низ шармантен и духовит начин ги доловува ситуациите кои се предизвици на партнерите.
Песната е снимена во Лондон во студиото во кое творат последните неколку години и на оваа песна ја продолжија соработката со ко-продуцентите од Шведска и Италија.
Забава
(Видео) Враќање во иднината со Јован Јованов и Елвир Мекиќ
Јован Јованов и Елвир Мекиќ повторно ги споија своите гласови и енергија, 16 години откако ја испеаја „Слаба точка“.
Музички позрели од претходно, а сепак со истата страст, тие ја снимија песната „Адреналин“, која ќе биде вистински хит, а ќе почнете да си ја пеете и да играте во нејзин ритам уште на првото слушање.
Премиерата на песната е закажана за 01.11.2025 (сабота) во 15:00 часот.
Забава
Заборавете на црното: овој капут е хит за зимата и тешко е да се победи
Оваа сезона ќе се оддалечиме од вечниот класик – црниот капут, кој е неопходен дел од зимскиот гардеробер, и ќе носиме таков што е малку потежок за одржување, но ја воздигнува секоја комбинација во студените денови.
Постигнувањето елегантен зимски изглед често се сведува на едно клучно парче облека – совршениот капут. Бидејќи ја дефинира целата силуета, добриот капут ви овозможува да носите речиси сè под него, а сепак да изгледате беспрекорно. Токму затоа модните експерти посветуваат посебно внимание на изборот на идеалниот модел секоја сезона.
Оваа зима еден стил и една боја особено се издвојуваат и привлекуваат внимание со својата ненаметлива софистицираност, а тоа е кремастиот капут.

Фактот дека капутите во оваа боја се вистински хит го потврдија многу познати личности, вклучувајќи ги Селена Гомез, Ема Вотсон и други, кои избраа вакви капути за разни пригоди во изминатите неколку недели, а истиот тренд го прифатија и многубројни инфлуенсери.
Одлична алтернатива на белата
За разлика од чисто белата, кремастите нијанси нудат помек и потопол изглед и создаваат посуптилен контраст на потемните бои внесувајќи доза елеганција, што е тешко да се победи.

Секако, клучниот предизвик со овој тренд е одржувањето. Бидејќи кремастите палта се чувствителни на нечистотија, се препорачува да се чуваат за суви денови и за посебни пригоди, а за дождливи и ветровити денови потемните модели се сепак попрактичен избор.
Свежо, елегантно и несомнено софистицирано, кремастото палто е парче што веднаш го воздигнува секој зимски гардеробер. Од популарни брендови до дизајнерски класици – понудата е побогата од кога било досега оваа сезона.
фото: принтскрин

